Магілёўскае агенцтва рэгіянальнага развіцця ў межах падрыхтоўкі раённага міжнароднага інвестыцыйнага форума «Крычаўскі раён – тэрыторыя ўстойлівага развіцця» ААТ «Магілёўскае агенцтва рэгіянальнага развіцця» арганізавала бізнес-місію ў расійскі Бранск.
У ёй, паведамілі ў агенцтве, удзельнічалі прадстаўнікі Крычаўскага райвыканкама і раённага Савета дэпутатаў, прадпрыемстваў Магілёўскай вобласці. Рабочая сустрэча адбылася на базе Бранскага абласнога цэнтра аказання паслуг «Мой бізнес».
З расійскага боку ўдзел у сустрэчы прынялі прадстаўнікі дэпартамента эканамічнага развіцця Бранскай вобласці, Агенцтва па суправаджэнні інвестыцыйных праектаў, іншых ведамстваў, будаўнічых кампаній, бізнес-колаў. Была адзначана важнасць далейшага развіцця ўзаемавыгаднага супрацоўніцтва.
Дырэктар Магілёўскага агенцтва рэгіянальнага развіцця Яўген Якімаў прэзентаваў экспартны і інвестыцыйны патэнцыял Магілёўскай вобласці, надаўшы пры гэтым асаблівую ўвагу ўнікальным прэферэнцыйным рэжымам паўднёва-ўсходняга рэгіёна Магілёўскай вобласці. У межах выступлення арганізавалі роўд-шоу інвестыцыйных праектаў Крычаўскага раёна, распрацаваных агенцтвам сумесна з Крычаўскім райвыканкамам. Была таксама праведзена прэзентацыя ААТ «Крычаўцэментнашыфер» і магілёўскай кампаніі «Дамачай». У сваю чаргу прадстаўнікі Бранскай вобласці расказалі пра асаблівасці прываблівання інвестыцый у свой рэгіён.
Удзельнікаў сустрэчы запрасілі наведаць Крычаўскі раён і прыняць удзел у міжнародным інвестыцыйным форуме, які будзе праходзіць у Крычаве 29 ліпеня.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52