МАРГ вызначыў пералік тавараў, абавязковых да наяўнасці ў крамах

Міністэрства антыманапольнага рэгулявання і гандлю вызначыла пералік тавараў, абавязковых да наяўнасці ў крамах. Гэта прадугледжана пастановай МАРГа ад 25 кастрычніка 2022 года № 68, якое сёння афіцыйна апублікавана на Нацыянальным прававым інтэрнэт-партале.

Тавары, абавязковыя да наяўнасці для рэалізацыі, вызначаюцца ў залежнасці ад выгляду і тыпу гандлёвага аб’екта, памеру яго гандлёвай плошчы, спецыялізацыі. Так, пастановай вызначана, якія віды малочных, мясных, рыбных прадуктаў, прадуктаў для дзіцячага харчавання, кандытарскіх вырабаў, бакалейных тавараў, плодаагародніннай і іншай прадукцыі павінны быць на паліцах харчовых неспецыялізаваных крам з універсальным асартыментам тавараў.

Свае пералікі ёсць і для нехарчовых неспецыялізаваных магазінаў – па мужчынскім, жаночым, дзіцячым адзенні і абутку, сталовай і пасцельнай бялізне, прадметах гігіены, парфуме, цацках, канцылярскіх прыладах, электратаварах і інструментах, мэблі, посудзе, бытавой хіміі і іншых відах тавараў.

Асобна вызначаны асартыментныя пералікі тавараў для аўтамагазінаў, харчовых неспецыялізаваных крам з універсальным, камбінаваным або змешаным асартыментам тавараў, размешчаных у сельскіх населеных пунктах і пасёлках гарадскога тыпу. Свае пералікі ўстаноўлены і для харчовых спецыялізаваных магазінаў, кіёскаў, павільёнаў, магазінаў, размешчаных на аўтазаправачных станцыях, для харчовых і нехарчовых магазінаў тыпу «дыскаўнтэр».

Пастанова ўступае ў сілу з 10 лістапада.

БЕЛТА