Дынара Алімбекава-Смольская стала другой у спрынце на этапе Кубка Садружнасці па біятлоне ў «Раўбічах»

У «Раўбічах» працягваецца пяты этап Кубка Садружнасці па біятлоне, удзел у якім прымаюць наймацнейшыя беларускія і расійскія спартсмены.

Чарговы раз на подыум турніру ўзнялася лідзіруючая ў агульным заліку Кубка Дынара Алімбекава-Смольская. Пасля другога агнявога рубяжа беларуска, якая не дапусціла ніводнай памылкі, апярэджвала бліжэйшую з саперніц на 14 секунд. Аднак па ходзе апошняга круга перавага Дзінары растала і ў выніку на фінішы Алімбекава-Смольская аказалася другой, уступіўшы тры секунды расіянцы Ірыне Казакевіч. Трэці час дня паказала Тамара Дзербушава.

Удзел у жаночым спрынце прынялі яшчэ пяць прадстаўніц Беларусі. Дар'я Кудаева заняла 16-е месца, Ірына Кручынкіна-Шаклеіна стала 22-й, Юлія Кавалеўская - 23-я, Вікторыя Хадасевіч - 25-я, Адэліна Сабітава - 27-я сярод 28 спартсменак.

Пяты этап Кубка Садружнасці па біятлоне прадоўжыцца заўтра дзвюма гонкамі праследавання, мужчыны стартуюць у 11.00, жанчыны - у 14.00. Праграму спаборніцтваў у «Раўбічах» завершаць два мас-старты 29 студзеня.

БЕЛТА