У Кіраўскім раёне аграрыі высадзілі першыя ў гэтым сезоне таматы і агуркі. Пра гэта паведаміла галоўны тэхнолаг цяплічнага камбіната ААТ «Світанак ім.К.П.Арлоўскага» Марыя Бяляўская.
Сёлета ў цяпліцах аграпрадпрыемствы высадзілі таматы на плошчы 3 га. На 2,5 га размясціліся таматы слівападобныя «рамінда F1», яшчэ 0,5 га займаюць таматы гатунку «ксантэра F1». Па словах Марыі Бяляўскай, гэтыя гатункі добра зарэкамендавалі сябе летась, таму і на гэты раз ім аддалі перавагу. У канцы лютага ў цяпліцах «Світанку» высадзяць яшчэ 3 га таматаў гатунку «альтадэна».
Таксама ў цяпліцах высадзілі расаду агуркоў плошчай 4 га. Тут на 2 га размясціліся срэдняплодны гатунак «яні F1», 1,2 га займае кароткаплодны гатунак «б'ерн F1». Яшчэ 0,8 га займае гатунак «антысіпатар». «Кароткаплодныя агуркі паказалі добрую ўраджайнасць у мінулым годзе, таму на гэты раз крыху пашырылі плошчы пад іх», - адзначыла яна.
Ураджай агуркоў у цяпліцах плануюць сабраць да канца лютага. Збор ураджаю таматаў запланаваны на красавік. Першая ў гэтым сезоне агародніна паступіць у фірмовую гандлёвую сетку прадпрыемства.
Усяго сёлета ў «Світанку» плануюць сабраць 2,5 тыс. т таматаў і 1,7 тыс. т агуркоў. Гародніна будзе рэалізоўвацца як на ўнутраным рынку, так і экспартавацца ў краіны блізкага замежжа.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.07.2024 - 12:00
Ураджай-2024. У Магілёўскай вобласці ўбрана 130,7 тыс.тон збожжавых і зернебабовых
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку