Анатоль Ісачанка: сёння мы павінны зрабіць усё, каб захаваць мір і спакой у нашай краіне

Урачыстае мерапрыемства да Дня абаронцаў Айчыны і Узброеных Сіл Рэспублікі Беларусь адбылося сёння на плошчы Славы ў Магілёве. Ва ўскладанні кветак і вянкоў да Вечнага агню прынялі ўдзел старшыня абласнога выканаўчага камітэта Анатоль Ісачанка, памочнік Прэзідэнта Рэспублікі Беларусь - інспектар па Магілёўскай вобласці Леанід Мартынюк, старшыня абласнога Савета дэпутатаў Ірына Раінчык, намеснік старшыні аблвыканкама Валерый Малашка, старшыня гарадскога выканаўчага камітэта камісар Магілёўскай вобласці Аляксандр Гарошкін. А таксама ветэраны вайны і Узброеных Сіл, прадстаўнікі праваахоўных органаў, працоўных калектываў і грамадскасці, вайскоўцы, моладзь.

«Сёння мы павінны зрабіць усё, каб захаваць мір і спакой у нашай краіне і пакінуць яе такой жа прыгожай, незалежнай і суверэннай для нашых дзяцей і ўнукаў, - адзначыў падчас размовы з журналістамі Анатоль Ісачанка. - Дзень абаронцаў Айчыны і Узброеных Сіл Рэспублікі Беларусь аб'ядноўвае ўсе пакаленні беларусаў і з'яўляецца сімвалам мужнасці, доблесці, гонару, адданасці роднай зямлі.

У гэты дзень таксама адбылося ўрачыстае праходжанне парадных разлікаў воінскіх часцей Магілёўскага гарнізона, падраздзяленняў упраўлення ўнутраных спраў, Міністэрства па надзвычайных сітуацыях Рэспублікі Беларусь, навучэнцаў Магілёўскага абласнога кадэцкага вучылішча імя Героя Савецкага Саюза Яўгена Нікалаенкі, ваенна-патрыятычных класаў.

Самае галоўнае, што рабяты за тры гады, з 9 па 11-ы класы, прывучаюцца да дысцыпліны, знаёмяцца з асаблівасцямі ваеннай службы. За гэты час нехта свядома прымае рашэнне атрымаць адпаведную адукацыю, вядома, пасля паступлення ў профільныя ВНУ ім лягчэй адаптавацца.

Але нават калі яны ў будучыні не звязваюць сваё жыццё з сілавымі структурамі, атрыманыя веды не праходзяць дарма. Рабяты больш дарослыя за сваіх аднагодкаў, больш свядомыя. Умеюць браць на сябе адказнасць і прымаць рашэнні, адстойваць сваё меркаванне. І гэта важна».

Аляксандр Гарошкін, які прымаў удзел у мітынгу, у сваю чаргу падкрэсліў, што сённяшняе свята - магчымасць нагадаць кожнаму, што самае галоўнае - гэта мір на нашай зямлі: «Варта азірнуцца вакол і мы ўбачым, што, на жаль, паблізу нашых межаў сёння ідзе сапраўдная вайна. Развязана яна і на нашай тэрыторыі - за розумы людзей.

І абсалютна не выпадкова Прэзідэнтам Беларусі гэты год аб'яўлены Годам міру і стварэння. А Узброеныя Сілы, якія сёння адзначаюць 105-годдзе з дня ўтварэння, з'яўляюцца асновай і гарантам гэтага міру і мірнай працы нашага народа.

У нас слаўнае гераічнае мінулае. Нам ёсць на каго раўняцца і з каго браць прыклад. Таму наша моладзь на гэтым прыкладзе вучыцца і я больш заўпэўнены – стане годнай зменай нашым прадзедам, дзядам і бацькам».

У завяршэнне мітынгу для ветэранаў Вооруженных Сіл і ваеннаслужачых Магілёўскага гарнізона быў арганізаваны святочны канцэрт на базе абласнога цэнтра творчасці і культурна-прасветніцкай працы.

Юлія Таранава, фота Галіны Гаўрыловіч