Два залатыя і два сярэбраныя медалі заваявалі прадстаўнікі Магілёўскай вобласці на Кубку Расіі па кікбоксінгу

У Казані прайшоў Кубак Расіі і Усерасійскі спаборніцтвы «Kazan Open» па кікбоксінгу. У турніры прынялі ўдзел 630 спартсменаў з 35 рэгіёнаў Расіі і з Беларусі.

Беларускія спартсмены прадэманстравалі высокі ўзровень падрыхтоўкі, заваяваўшы 7 залатых, 4 сярэбраныя і 5 бронзавых медалёў.

Сярод пераможцаў і прызёраў турніру прадстаўнікі Магілёўскай вобласці. Залатыя медалі заваявалі Юрый Іваноў (71 кг) і Павел Альшанік (51 кг), сярэбранымі прызёрамі сталі Георгій Фокін (67 кг) і Уладзімір Сямёнаў (60 кг).

mogilevnews.by