Залатыя і сярэбраныя медалі заваявалі спартсмены Магілёўскай вобласці на Рэспубліканскай спартакіядзе школьнікаў-2023

На Гомельшчыне праходзіць Рэспубліканская спартакіяда школьнікаў-2023. У найбуйнейшым маладзёжным спартыўным форуме краіны прымаюць удзел каля 2,5 тыс. юных спартсменаў. Спаборніцтвы праходзяць у 25 відах спорту. Спартыўная дэлегацыя толькі Магілёўскай вобласці налічвае 339 чалавек.

Як паведамілі ў Магілёўскім абласным цэнтры фізічнага выхавання і спорту навучэнцаў і студэнтаў, на 19 чэрвеня відавочным лідэрам з 593 набранымі ачкамі быў Мінск. Гродзенская вобласць ішла другой (535). Жорсткую барацьбу за спартакіядную «бронзу» з розніцай усяго ў адно ачко (462 супраць461), вялі паміж сабой Гомель і Магілёў. Крыху адставалі Віцебск(386) і Брэст (384). Мінская вобласць з 282.

У бягучым медальным актыве спартсменаў Магілёўшчыны «золата» ў шахматах, боксе, барацьбе вольнай (дзяўчыны), «срэбра» ў гандболе (юнакі + дзяўчаты), барацьбе вольнай (юнакі).

Спаборніцтвы працягнуцца да 21 чэрвеня. У гэты дзень пройдзе ўзнагароджанне пераможцаў і прызёраў. Мерапрыемства завершыцца цырымоніяй урачыстага закрыцця Рэспубліканскай спартакіяды школьнікаў-2023.