Аляксандр Жыгун аб фестывалі ў Жылічах: вялікі наплыў людзей гаворыць аб іх цікавасці да нашай гісторыі

Колькасць гасцей на свяце ў Жылічах дэманструе цікавасць людзей да гісторыі нашага краю. Такім меркаваннем падчас абласнога фестывалю “Вераснёўскі фэст. Палац у Жылічах» падзяліўся начальнік упраўлення культуры Магілёўскага аблвыканкама Аляксандр Жыгун.

«Падрыхтоўка да фестывалю заняла каля месяца. Першапачаткова яно планавалася як раённае свята, аднак разам з намеснікам старшыні Магілёўскага аблвыканкама Валерыем Малашкам мы перагледзелі канцэпцыю свята і вырашылі зрабіць яго больш маштабным, - падзяліўся ён. - Мы чакалі вялікай колькасці гасцей - і, як бачыце, не памыліліся. Гэта яскрава дэманструе той факт, што ў людзей ёсць цікавасць да нашай гісторыі, да нашай спадчыны».

«Вераснёўскі фэст. Палац у Жылічах» праходзіць упершыню. Аднак ужо сёння ёсць упэўненасць у тым, што свята стане традыцыйным як для Кіраўскага раёна, так і ўсёй вобласці. «Верасень - вельмі спрыяльны месяц. Летам у нас грымяць усе асноўныя фестывалі, а ўжо пасля іх мы будзем пераязджаць сюды, - расказаў Аляксандр Жыгун. - У аднаўленне палаца былі ўкладзены вялікія фінансавыя сродкі як з рэспубліканскага, так і абласнога бюджэтаў. Цяпер мы бачым, што палац стаў сапраўдным здабыткам. І, вядома, мы зацікаўлены ў тым, каб сюды прыязджала як мага больш людзей. А мы, у сваю чаргу, будзем працаваць над тым, каб напаўняць яго цікавымі праектамі».

БЕЛТА