У чацвер, 14 снежня, у Магілёўскім раёне адбудзецца выязное паседжанне Моладзевага парламента пры раённым Савеце дэпутатаў. Аб гэтым расказала начальнік аддзела ідэалагічнай работы і па справах моладзі Магілёўскага райвыканкама Алеся Купцова.
На пасяджэнні будуць абмяркоўвацца пытанні ўдзелу маладых парламентарыяў раёна ў выбарчай кампаніі, затым пройдзе практычны занятак па мадэляванні работы ўчастка для галасавання. Урны, кабінкі для галасавання, месцы для назіральнікаў, стол для ўчастковай камісіі - усё будзе як на сапраўдным участку ў адзіны дзень галасавання.
Практычныя заняткі накіраваны на вывучэнне работы ўчастковай камісіі, назіральнікаў, разбор сітуацый.
Таксама будзе дадзены старт акцыі "Ад усёй душы": моладзь збярэ кнігі, прадукты, прадметы асабістай гігіены для маладых выхаванцаў Салтанаўскага псіханеўралагічнага дома-інтэрната.