Аляксандр Басенка: Канстытуцыя - «жывы» дакумент

Напярэдадні Дня Канстытуцыі Аляксандр Басенка, старшыня Магілёўскай абласной арганізацыі Беларускага прафсаюза работнікаў аховы здароўя, выказаў сваё меркаванне аб Асноўным законе дзяржавы:

- 15 сакавіка ў нашай краіне адзначаецца адно з галоўных дзяржаўных святаў - Дзень Канстытуцыі Рэспублікі Беларусь. Гэты дзень сімвалізуе павагу да Асноўнага закона, а таксама нагадвае аб важнасці прававых асноў, на якіх будуецца дзяржава.

Канстытуцыя Рэспублікі Беларусь засяродзіла ў сабе багаты гістарычны досвед і мудрасць папярэдніх пакаленняў, замацавала прававыя, палітычныя і ідэалагічныя асаблівасці дзяржавы і грамадства, вызначыла прыярытэты нацыянальнага развіцця. Кожны артыкул Асноўнага закона накіраваны на забеспячэнне дастойнага жыцця грамадзян, стварэнне ўмоў для іх самарэалізацыі і абароны іх інтарэсаў.

За час свайго існавання Асноўны закон нашай краіны неаднаразова змяняўся і дапаўняўся, і гэта сведчыць аб тым, што Канстытуцыя – «жывы» дакумент, які не толькі захоўвае традыцыі, але і адаптуецца да сучасных рэалій, які развіваецца разам з беларускім грамадствам.

mogilev.1prof.by