«Бабруйскаграмаш» плануе паставіць у Казахстан прадукцыі на $2,5 млн у першым паўгоддзі

«Бабруйскаграмаш» плануе паставіць у Казахстан прадукцыі на $2,5 млн у першым паўгоддзі 2025 года. Размова аб гэтым ішла ў час наведвання прадпрыемства Надзвычайным і Паўнамоцным Паслом Рэспублікі Казахстан у Рэспубліцы Беларусь Цімурам Жаксылыкавым, паведамілі на прадпрыемстве.

Госця азнаёмілі з вытворчымі магутнасцямі прадпрыемства, а таксама лінейкай сельскагаспадарчай тэхнікі. У ходзе перагавораў былі вызначаны перспектывы і напрамкі супрацоўніцтва на казахстанскім рынку, закрануты пытанні арганізацыі зборачнай вытворчасці і сэрвіснага абслугоўвання.

У «Бабруйскаграмашы» адзначылі, што ў першым паўгоддзі запланаваны аб'ём паставак у Казахстан складзе $2,5 млн, прычым ажыццяўляюцца пастаўкі як гатовых машын, так і машынакамплектаў у рамках дзейнай зборачнай вытворчасці. Прадукцыя холдынгу карыстаецца стабільным попытам дзякуючы развітай тавараправоднай сетцы, своечасоваму сэрвіснаму і гарантыйнаму абслугоўванню.

БЕЛТА