Моладзь Магілёўшчыны прыме ўдзел у рэспубліканскай дабрачыннай акцыі «Аднаўленне святынь Беларусі»

Маштабную дабрачынную акцыю па добраўпарадкаванні тэрыторыі ўнікальнага Храма Святой Жываначальнай Тройцы ў аграгарадку Узыход арганізуюць 28 кастрычніка актывісты і валанцёры БРСМ. Пра гэта расказалі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Моладзь зоймецца добраўпарадкаваннем тэрыторыі ля храма. Паводле слоў субяседнікаў, там будзе высаджана больш як 70 дэкаратыўных раслін, сярод якіх самшыт, спірэй і туі, а таксама ўстаноўлены новыя вулічныя лаўкі.

Даведачна: мерапрыемства праводзіцца ў рамках рэспубліканскай дабрачыннай акцыі «Аднаўленне святынь Беларусі», якая рэалізуецца БРСМ з 2013 года з мэтай выхавання ў падрастаючага пакалення духоўна-маральных каштоўнасцей, заснаваных на традыцыях беларускага народа. З 2016 года акцыя стала міжканфесійнай, аб'ядноўваючы моладзь для дапамогі храмам розных канфесій.

Рэд.