Усяліцца ў арэнднае жыллё можна будзе на парадак хутчэй - Аляксандр Лукашэнка падпісаў указ

Прэзідэнт Беларусі Аляксандр Лукашэнка 3 лістапада падпісаў указ нумар 388 «Аб удасканаленні парадку засялення арэнднага жылля». Аб гэтым паведамілі ў прэс-службе беларускага лідара.

Дакумент накіраваны на скарачэнне тэрмінаў засялення грамадзян у пабудаваныя дзяржаўныя арэндныя кватэры да 30 рабочых дзён ад даты зацвярджэння акта прыёмкі жылога дома ў эксплуатацыю. Цяпер такое засяленне дапушчальна ажыццяўляць у тэрмін да 200 дзён.

Указам скарочана працягласць дзеючых працэдур, неабходных для засялення грамадзян.

У прыватнасці, работы па тэхнічнай інвентарызацыі жылога дома, што будуецца, будуць пачынацца не пазней як за 45 каляндарных дзён да прыёмкі яго ў эксплуатацыю (цяпер - пасля зацвярджэння акта ўводу).

Тэрміны звароту за прадастаўленнем арэнднага жылля, складання тэхнічных пашпартоў, рэгістрацыі аб'ектаў нерухомай маёмасці і іншыя скарачаюцца да 1-5 дзён (раней - не менш за адзін месяц).

Указ уступае ў сілу з 1 студзеня 2026 года.

Да названага тэрміну мясцовым Саветам дэпутатаў даручана прыняць рашэнні па засяленні арэндных кватэр, што знаходзяцца ў камунальнай уласнасці, таксама ў 30-дзённы тэрмін.

БЕЛТА