Ад патрыятычных праектаў да зоаабароны — валанцёры абмяняюцца досведам на абласным форуме ў Магілёве

Маштабны абласны форум валанцёраў «Час выбраў нас!» пройдзе 25 лістапада ў Магілёве. Мерапрыемства збярэ ў Беларуска-Расійскім універсітэце 60 лідэраў добраахвотніцкага руху са школ, каледжаў і ўстаноў вышэйшай адукацыі.

У абкаме БРСМ адзначылі:

- Форум наглядна адлюструе шматграннасць валанцёрскай дзейнасці - ад патрыятычных ініцыятыў да зоаабароны. Мэта яго правядзення - матываваць і кансалідаваць моладзь для добрых здзяйсненняў, развіваць лідэрскія якасці ў падрастаючага пакалення, садзейнічаць рэалізацыі добрых пачынанняў на карысць усёй Магілёўшчыны.

Праграма форуму насычаная адукацыйнымі, урачыстымі і практычнымі падзеямі, дзякуючы чаму ўдзельнікі абмяняюцца досведам і ўмацуюць супрацоўніцтва паміж валанцёрскімі аб'яднаннямі. Запланаваны ўзнагароджанне пераможцаў рэгіянальнага этапа рэспубліканскага конкурсу «Валанцёр года», знаёмства з дзейнасцю абласной арганізацыі Беларускага Чырвонага Крыжа, майстар-клас па аказанні першай дапамогі.

- Не абыдзецца і без сюрпрызаў: валанцёрам Магілёўшчыны раскажуць аб лепшых практыках працы добраахвотніцкіх арганізацый Прыморскага краю, - дадалі ў БРСМ.

Практычным блокам стане праца на пляцоўках «Цяпло дзецям», «Увага пажылым», «Дай лапу сябар». Удзельнікі форуму наведаюць у Магілёве сацыяльна-педагагічны цэнтр Кастрычніцкага раёна, дом суправаджанага пражывання і ператрымкі сабак «Аддадзены сябар».

Адзін з важных пунктаў праграмы - мемарыяльны комплекс «Буйніцкае поле». Тут валанцёры правядуць патрыятычную акцыю «Памятаць, нельга забыцца»: ускладуць кветкі і ўшануюць памяць герояў Вялікай Айчыннай вайны.

СБ