Міжнародныя «Сіманаўскія чытанні» пройдуць у Магілёве 29–30 лістапада, паведамілі ў Магілёўскім гарвыканкаме.
Адкрые шэраг мерапрыемстваў урачысты мітынг з ускладаннем кветак да каменя Канстанціна Сіманава на Буйніцкім полі. Пасля гэтага адбудзецца цырымонія ўзнагароджання пераможцаў IX Міжнароднага літаратурнага конкурсу, прысвечанага памяці пісьменніка і журналіста. Пазней удзельнікі «чытанняў» адправяцца ў музей, прысвечаны журналісту-франтавіку, на тэрыторыі Магілёўскага дзяржаўнага агралесатэхнічнага каледжа імя К. П. Арлоўскага. Тут жа пройдзе круглы стол літаратараў, журналістаў, ветэранаў ВАВ, дзеячаў культуры і мастацтва Беларусі і Расіі. Яго ўдзельнікі падзеляцца ўспамінамі, абмяркуюць творчасць Канстанціна Сіманава і яе ўплыў на сучаснасць. Закрые першы дзень «Сіманаўскіх чытанняў» літаратурна-музычнае прадстаўленне «Через года, через века помните!».
Таксама ўдзельнікі наведаюць універсітэты, школы і ліцэі горада, дзе правядуць літаратурныя сустрэчы з навучэнцамі і студэнтамі.
Першыя «Сіманаўскія чытанні» адбыліся ў 1980 годзе. Штогадовай падзеяй яны сталі з 2005 года.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»