У 2020 годзе амаль 3,5 тыс. суб’ектаў гаспадарання Магілёўскай вобласці ажыццяўлялі дзейнасць у сферы аўтамабільных грузаперавозак

У 2020 годзе 3497 суб’ектаў гаспадарання Магілёўскай вобласці ажыццяўлялі дзейнасць па перавозцы грузаў аўтамабільным транспартам, з іх – 622 арганізацыі, 2875 індывідуальных прадпрымальнікаў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.

Усяго ад гэтай катэгорыі плацельшчыкаў у бюджэт паступіла Br7,7 млн. падаткаў і іншых плацяжоў, у тым ліку: ад арганізацый – Br2,9 млн., ад ІП – Br4,8млн.

З агульнай колькасці грузаперавозчыкаў 3203 суб’екты гаспадарання ўжывалі спрошчаную сістэму падаткаабкладання (91,6%), у тым ліку: 449 арганізацый (72% ад арганізацый-грузаперавозчыкаў), 2754 ІП (96% ад ІП-грузаперавозчыкаў). Імі выплачана ў бюджэт больш за Br5 млн.