У Магілёве прайшло адкрытае першынство БФСТ «Дынама» па цяжкай атлетыцы на прызы старшыні Дзяржаўнага мытнага камітэта Рэспублікі Беларусь.
У спаборніцтвах прынялі ўдзел каманды з Магілёўскай, Гомельскай, Гродзенскай і Віцебскай абласцей(а гэта больш за 100 юнакоў і дзяўчат 2003 года нараджэння і маладзейшыя).
Маладыя спартсмены спаборнічалі па двух практыкаваннях у праграме дваябор’я (рывок і штуршок класічны дзвюма рукамі). Асабістыя месцы вызначыліся ў кожнай вагавой катэгорыі.
З вялікай перавагай перамогу ў камандным першынстве атрымала каманда Магілёўскай СДЮШАР БФСТ «Дынама».
На ўрачыстай цырымоніі адкрыцця в. а. начальніка Магілёўскай мытні Ігар Ціхенка павіншаваў спартсменаў з пачаткам спаборніцтваў, пажадаў упэўнена рухацца наперад да дасягнення новых спартыўных вышынь.
«Ваш від спорту – цяжкая праца, у якой неабходна цярпенне, сіла волі, нечалавечыя намаганні і пастаянная барацьба, барацьба са штангай, – адзначыў намеснік старшыні Магілёўскага абласнога аддзялення ГА «Беларускі цяжкаатлетычны саюз», начальнік аддзела мытні Дзмітрый Ерамейчык. – Ад Магілёўскай мытні і Беларускага цяжкаатлетычнага саюза жадаю Вам ніколі не здавацца».
Пераможцы спаборніцтваў былі ўзнагароджаны дыпломамі, медалямі і сувенірамі.
Пры выкарыстанні матэрыялаў актыўная гіперспасылка на mogilev-region.gov.by абавязковая
18.05.2024 - 17:41
17.05.2024 - 09:45
Магілёўскі «Барысфен» заваяваў бронзу мужчынскага чэмпіянату Беларусі па баскетболе
16.05.2024 - 11:57
06.05.2024 - 11:31
У Кіраўску прайшоў чэмпіянат Магілёўскай вобласці па пляжным футболе