Магілёўцам прапануюць паўдзельнічаць у спартыўнай акцыі «#23днізаМагілёў»

Да спартыўнай акцыі «#23днізаМагілёў», прымеркаванай да 80-годдзя абароны Магілёва, прапануе далучыцца аддзел спорту і турызму гарвыканкама.

Паводле слоў арганізатараў, у мерапрыемстве можа паўдзельнічаць любы жадаючы, неабыякавы да падзей Вялікай Айчыннай вайны.

«Абарона нашага горада доўжылася 23 дні з 3 да 26 ліпеня 1941 года, – нагадалі суразмоўцы. – Мы прапануем жыхарам ушанаваць памяць абаронцаў Магілёва, займаючыся спортам столькі ж дзён і ў той жа перыяд. Для ўдзелу неабходна бегаць у зручны час, фіксаваць свае вынікі пры дапамозе фітнес-дадаткаў і дзяліцца імі на сваёй старонцы ў адной з сацыяльных сетак (Instagram, VK, Аднакласнікі) з хэштэгам «#23днизаМагілёў».

Вынікі акцыі падвядуць 27 ліпеня. Пераможцу вызначаць па максімальнай суме кіламетражу ўсіх прабежак у перыяд правядзення мерапрыемства.

Дарэчы, абавязковай умовай з’яўляецца наяўнасць выразнага малюнка на скрыншотах дат забегаў.

Наяўнасць у стужцы фатаграфій з памятных месцаў, звязаных з абаронай горада, вітаецца.

Рэд.