Тры медалі заваявалі весляры Магілёўшчыны на першынстве Еўропы ў Польшчы

«Золата» і два «серабра» заваявалі спартсмены Магілёўскага абласнога цэнтра алімпійскага рэзерву па вяслярных відах спорту на мінулым у польскім горадзе Познань першынстве Еўропы па веславанні на байдарках і каноэ сярод юніёраў, юніёрак і моладзі да 23-х гадоў.

Залаты медаль паклаў у скарбонку беларускай вяслярнай дружыны Аляксандр Зубок, які хутчэй за ўсіх пераадолеў у каноэ-адзіночцы 200-метровую дыстанцыю, а Віталь Асецкі заваяваў два сярэбраныя медалі ў каноэ-двойцы на дыстанцыях 1000 і 500 метраў.

Мінулае еўрапейскае першынство стала добрай «праверкай боем» для вяслярных гонак на чэмпіянаце свету, які адбудзецца ў жніўні ў Славакіі.

mogilevnews.by