Электронны кірмаш вакансій для моладзі ў Магілёве

Электронны кірмаш вакансій для моладзі адбудзецца 16 лістапада з 10.00 да 12.00 на сайце e-vacancy.by. Гэта пляцоўка прадаставіць магчымасць актыўнага дыялогу ў рэжыме анлайн з наймальнікамі Магілёва, паведамілі ва ўпраўленні па працы, занятасці і сацыяльнай абароне Магілёўскага гарвыканкама.

У мерапрыемстве прымуць удзел арганізацыі абласнога цэнтра. Будзе прадстаўлена больш за 200 вакансій, доступ да якіх захаваецца і пасля заканчэння электроннага кірмашу. Яны будуць аўтаматычна перанесены ў базу даных на партале службы занятасці. 

«Электронны кірмаш вакансій дазволіць шмат у чым палегчыць працэс пошуку працы: скарыстацца такім варыянтам можна, не выходзячы з дому, – падкрэслілі суразмоўцы. Кожны зможа задаць удакладняльныя пытанні, даць рэзюмэ для пошуку працы».

Рэд.