Анатоль Ісачанка: санкцыі супраць прадпрыемстваў павінны надаць імпульс развіццю Магілёўскай вобласці

Санкцыі супраць прадпрыемстваў павінны надаць імпульс развіццю Магілёўскай вобласці. Пра гэта заявіў новы губернатар Магілёўскай вобласці Анатоль Ісачанка падчас сустрэчы Прэзідэнта Беларусі Аляксандра Лукашэнкі з абласным актывам.

Анатоль Ісачанка адзначыў, што ў рэгіёне ўжо многае зроблена для яго сацыяльна-эканамічнага развіцця. Аднак патэнцыял рэалізаваны не ўвесь і на дасягнутым спыняцца не варта, перакананы губернатар.

«Нават санкцыйная палітыка, разгорнутая супраць нашай дзяржавы, павінна стаць імпульсам развіцця рэгіёна. Бо на Магілёўшчыне жывуць і працуюць моцныя людзі, якія могуць зрабіць усё самі, у тым ліку вызначаць сваю будучыню і будучыню сваіх дзяцей. І мінулы 2020 год гэта даказаў», – падкрэсліў старшыня аблвыканкама.

БЕЛТА