54,4 тыс. чалавек вакцынаваныя бустарнай дозай супраць COVID-19 у Магілёўскай вобласці

Самым эфектыўным метадам барацьбы з інфекцыямі, у прыватнасці з віруснымі, з’яўляецца вакцынацыя. І яна апраўдвае сябе, упэўнены медыкі. Аднак трэба разумець, што любая прышчэпка, у тым ліку супраць COVID‑19, не дае 100-працэнтнай гарантыі, што чалавек не захварэе. Яна заклікана абараніць чалавека ад ускладненняў. І нават калі чалавек захварэе, то перанясе каранавірус у лёгкай форме.

Па стане на 7 лютага ў Магілёўскай вобласці поўны курс вакцынацыі прайшло больш за 524,8 тысячы чалавек (55%). Першым кампанентам прышчэплена больш 61% (597,8 тысячы). Рэвакцынацыю прайшло 54,4 тысячы чалавек. Прышчэплена 65% цяжарных і больш за 7,8 тысячы падлеткаў (12–17 гадоў). Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

– Зрабіць прышчэпку і атрымаць бустарную дозу можна ў любой паліклініцы вобласці, а таксама ў арганізаваных пунктах вакцынацыі. На сёння ў рэгіёне ёсць вакцына КавіВак (вытворчасць РФ) і «Сінафарм» (вытворчасць Кітай), «Спутник V» і «Спутник Лайт» (для бустарнай вакцынацыі), – адзначыў загадчык аддзела эпідэміялогіі Магілёўскага АблЦГЭіАЗ Максім Саковіч.

У сувязі з высокай кантагіёзнасцю (здольнасцю заражаць) штама «Амікрон», надзвычай актуальнае дыстанцыяванне, выкарыстанне, асабліва ў грамадскім транспарце і гандлёвых аб’ектах, сродкаў індывідуальнай абароны (маскі, пальчаткі), захаванне гігіены рук і рэспіраторнага этыкету, выкарыстанне антысептыку, частае праветрыванне памяшканняў.

mogilevnews.by