ПереводчикАрхіў навін
Філіял «Домабудаванне» РУП «Завод газетнай паперы» (Шклоў) вырабіў і адгрузіў нямецкай кампаніі «Грынвуд Індустры» пілотны дом у спалучэнні каркасна-сценавых панэляў і панэляў перакрыцця з клеенага бруса, паведамілі на прадпрыемстве.
«Гэта новы праект модульнага дома, у якім мы ўлічылі пажаданні нашых нямецкіх партнёраў, – заўважылі суразмоўцы. – Цяпер мы чакаем іх водзыву, і калі ім навінка спадабаецца, то да канца года плануем паставіць на рынак Германіі яшчэ каля 30 такіх дамоў праз беларускую інжынірынгавую кампанію ААТ «Жылбудкамплект»».
75-й гадавіне вызвалення нашай вобласці і Рэспублікі Беларусь ад нямецка-фашысцкіх захопнікаў прысвечаны 12-ы выпуск «Магілёўскага пошукавага весніка», выдадзены гісторыка-патрыятычным пошукавым клубам «Віккру» пры падтрымцы Галоўнага ўпраўлення ідэалагічнай работы і па справах моладзі Магілёўскага аблвыканкама і дзяржаўнай установы дадатковай адукацыі «Абласны цэнтр творчасці».
Бобруйская объединенная организационная структура ДОСААФ (директор – Геннадий Грек) и Костюковичская районная организационная структура ДОСААФ (председатель - Николай Прокопенко) признаны лучшими в регионе по итогам работы в 2018 году по всем направлениям уставной деятельности общества. Награждение состоялось во время II пленума областного совета ДОСААФ.
Прамую тэлефонную лінію правядзе 16 сакавіка намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Рэспубліканская акцыя «Выбіраем студатрад!» стартуе ў Магілёўскай вобласці 11 сакавіка. Пра гэта паведамілі ў абласным камітэце ГА «БРСМ».
Мэта праекта – інфармаванне маладых людзей як патэнцыйных удзельнікаў студатрадаўскага руху аб магчымасцях працаўладкавання ў перыяд трэцяга працоўнага семестра, папулярызацыя студатрадаўскага руху.
Урачысты прыём, прысвечаны Міжнароднаму жаночаму дню, адбыўся сёння ў Магілёўскім аблвыканкаме. Яго ўдзельніцамі сталі больш за 30 лепшых прадстаўніц жаночай грамадскасці Прыдняпроўскага краю.
У рознічнай гандлёвай сетцы Магілёўскай вобласці 7-8 сакавіка запланавана абласная акцыя «Адзіны дзень зніжак» , у межах якой пакупнікам будуць прапанаваны зніжкі на асобны асартымент нехарчовых тавараў у памеры ад 10% да 40%. Пра гэта карэспандэнту сайта паведамілі ў Галоўным упраўленні гандлю і паслуг аблвыканкама.
У Магілёве да акцыі далучацца магазіны «Юбілейны» (вул. Каралёва, 19), «Магіляўчанка» (вул. Першамайская, 20), «Успех» (вул. Ціміразеўская, 36), «універмаг «Цэнтральны»» і інш.
Народнымі абрадамі і спальваннем пудзіла Зімы адзначаць магілёўцы Масленіцу. Масавыя гулянні пройдуць 9 сакавіка ў Пячэрскім лесапарку, паведамілі ва ўпраўленні культуры Магілёўскага гарвыканкама.
Свята для жыхароў і гасцей абласнога цэнтра пачнецца ў 12.00 з тэатралізаванага паказу і завершыцца ў 16.00. «Штогод мы стараемся зрабіць гэтае мерапрыемства відовішчным і цікавым, але пры гэтым захаваць традыцыі і звычаі. Гэтым разам усе ахвотныя змогуць паўдзельнічаць у абрадавых танцах і гульнях, развучыць песні-вяснянкі», – адзначылі суразмоўцы.
Дырэктар УКП «Магілёўскі гарадскі цэнтр развіцця малога прадпрымальніцтва» Аляксей Рыгоравіч Марчанка 13 сакавіка правядзе прамую тэлефонную лінію.
З 12.00 да 13.00 па нумары (80222) 73-56-50 жыхары рэгіёна змогуць задаць кіраўніку пытанні, якія тычацца праблемных момантаў, якія ўзнікаюць пры ажыццяўленні прадпрымальніцкай дзейнасці.
Намеснік прэм’ер-міністра Беларусі Міхаіл Іванавіч Русы 14 сакавіка з 11.00 да 12.00 правядзе выязны прыём грамадзян у Слаўгарадскім райвыканкаме (вул. Кастрычніцкая, д. 3, кабінет 28).
Папярэдні запіс на прыём ажыццяўляецца па тэлефоне ў Слаўгарадзе (802246) 79 685 альбо па адрасе: Слаўгарад, вул. Кастрычніцкая, д. 3, кабінет 11.
Наш рэгіён далучыўся да рэспубліканскай акцыі ДАІ «Беражыце дзяцей!», якая будзе працягвацца да 15 сакавіка і накіравана на папярэджанне дзіцячага дарожна-транспартнага траўматызму. Пра гэта паведамілі ў УДАІ УУС Магілёўскага аблвыканкама.
За 2018 год на дарогах рэгіёна з удзелам непаўналетніх адбылося 55 дарожна-транспартных здарэнняў: 2 падлеткі загінулі, 58 дзяцей атрымала траўмы.
Майстар-кандытар ААТ «Булачна-кандытарская кампанія «Дамачай»» Іна Варэннікава заваявала залаты медаль на міжнародным конкурсе кандытарскіх дэкарацый, які прайшоў падчас міжнароднай выставы ExpoSweet у Варшаве. Пра гэта паведамілі ў прэс-службе Міністэрства сельскай гаспадаркі і харчавання.
Такую высокую ўзнагароду неаднаразовы пераможца і прызёр розных спаборніцтваў атрымала за дэкаратыўную кампазіцыю з мадэльнай пасты.
Дзяржаўтаінспекцыя Магілёўскай вобласці праводзіць Мэтавы комплекс наглядных і прафілактычных мерапрыемстваў па папярэджанні ДТЗ з удзельнікамі дарожнага руху. Узмоцнены кантроль за выкананнем ПДР пешаходамі, веласіпедыстамі і возчыкамі працягнецца да 12 сакавіка, паведамілі карэспандэнту сайта ў ДАІ УУС Магілёўскага аблвыканкама.
Прэм’ера спектакля «Купанне з акуламі» адбудзецца 20 і 26 красавіка на малой сцэне Магілёўскага абласнога драматычнага тэатра. Пра гэта карэспандэнту сайта паведамілі ў адміністрацыі ўстановы культуры.
Драму ў двух дзеяннях па п’есе Дона Нігра «Марскі пейзаж з акуламі і танцоркай» рыхтуе рэжысёр Уладзімір Пятровіч.
Рэспубліканская прафілактычная акцыя «Дзень бяспекі. Увага ўсім!», прысвечаная Сусветнаму дню грамадзянскай абароны, пройдзе ў сакавіку ў Магілёўскай вобласці. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.
Галіна жывёлагадоўлі заўсёды з’яўлялася лакаматывам эканомікі любой арганізацыі, звязанай з сельскагаспадарчай вытворчасцю. На гэта звярнуў увагу першы намеснік старшыні Магілёўскага аблвыканкама Мікалай Кароцін падчас ушанавання найлепшых жывёлаводаў рэгіёна па выніках працы ў 2018 годзе.
У музеі В. К. Бялыніцкага-Бірулі ў Магілёве 7 сакавіка пачне працу выстава жывапісу і графікі «Класіка пейзажу» з калекцыі Нацыянальнага мастацкага музея Беларусі, паведамілі ва ўстанове культуры.
У рэгіёне графік выплаты пенсій падкарэктаваны ў сувязі са святкаваннем Дня жанчын, паведамілі ў РУП «Белпошта».
Ва ўсіх аддзяленнях паштовай сувязі Магілёўскай вобласці датэрміновая выплата пенсій і дапамог за 8 сакавіка будзе праводзіцца 7 сакавіка.
8 сакавіка будуць працаваць толькі дзяжурныя АПС.
Аб рэжыме працы аддзяленняў можна даведацца ў cаll-цэнтры «Белпошты» па нумары 154. Рэжым працы call-цэнтра: панядзелак – пятніца – з 9.00 да 20.00, субота, нядзеля – з 9.00 да 17.00, 8 сакавіка – з 9.00 да 17.00.
Прэзентацыя сучасных асаблівасцей эканамічнай і бізнес-адукацыі для кіраўніцкіх кадраў адбылася сёння ў Магілёўскім аблвыканкаме.
У Магілёўскай вобласці ў мінулым годзе зарэгістравана 209 суб’ектаў аграэкатурызму, што на 8%, або на 17 сельскіх сядзіб больш, чым у 2017-м. Пра гэта паведамілі ва ўпраўленні спорту і турызму аблвыканкама.
Найбольш актыўна развіваецца аграэкатурызм у Быхаўскім (35 аграсядзіб), Магілёўскім (35), Асіповіцкім (34), Бабруйскім (22) і Слаўгарадскім (17) раёнах. У мінулым годзе аграсядзібамі прынята больш за 43,9 тыс. турыстаў, заключана 9830 дагавораў, атрымана Вг1,7 млн за прадастаўленыя паслугі ў сферы аграэкатурызму.
Прэзідэнт Беларусі Аляксандр Лукашэнка падпісаў Дырэктыву нумар 7 «Аб удасканаленні і развіцці жыллёва-камунальнай гаспадаркі краіны». Аб гэтым паведамілі ў прэс-службе кіраўніка дзяржавы.
У дакуменце выкладзены рашэнні, прынятыя 20 кастрычніка 2017 года на рэспубліканскім семінары-нарадзе, даручэнні і патрабаванні кіраўніка дзяржавы па ўдасканаленні і развіцці жыллёва-камунальнай гаспадаркі.
Прэзідэнт Беларусі Аляксандр Лукашэнка падпісаў Дырэктыву нумар 8 «Аб прыярытэтных напрамках развіцця будаўнічай галіны», у якой выкладзены рашэнні, прынятыя 23 лістапада 2018 года на рэспубліканскім семінары-нарадзе. Аб гэтым паведамілі ў прэс-службе кіраўніка дзяржавы.
Прэзідэнт Беларусі Аляксандр Лукашэнка падпісаў Дырэктыву нумар 6 «Аб развіцці вёскі і павышэнні эфектыўнасці аграрнай галіны». Аб гэтым паведамілі ў прэс-службе кіраўніка дзяржавы.
У дакуменце выкладзены рашэнні, прынятыя 3 красавіка 2018 года на рэспубліканскім семінары-нарадзе, пастаўленыя кіраўніком дзяржавы ў час мерапрыемства задачы, мэты далейшага развіцця аграрнай галіны і механізмы іх рэалізацыі.
Прамую тэлефонную лінію правядзе 9 сакавіка намеснік старшыні Магілёўскага аблвыканкама Некрашэвіч Віктар Уладзіміравіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
«Вялікая размова з Прэзідэнтам» не пакінула нікога абыякавым. Такое меркаванне выказала, каментуючы сустрэчу кіраўніка дзяржавы Аляксандра Лукашэнкі з прадстаўнікамі грамадскасці і экспертнай супольнасці, беларускіх і замежных СМІ, намеснік старшыні Магілёўскага абласнога Савета дэпутатаў, галоўны рэдактар інфармацыйнага агенцтва «Магілёўскія ведамасці» Святлана Шутава.
Прэзідэнт Беларусі Аляксандр Лукашэнка правёў сёння сустрэчу з прадстаўнікамі грамадскасці і экспертнай супольнасці, беларускіх і замежных СМІ, якая працягвалася амаль сем з паловай гадзін.
Ордэнам Маці за нараджэнне і выхаванне пяці і больш дзяцей узнагароджаны 124 жыхаркі Брэсцкай, Гродзенскай, Магілёўскай і Мінскай абласцей. Адпаведны ўказ Прэзідэнт Беларусі Аляксандр Лукашэнка падпісаў 28 лютага, паведамілі ў прэс-службе кіраўніка дзяржавы.
У Клімавіцкім раёне магілёўскія пошукавікі пачалі першую ў гэтым годзе выведвальную экспедыцыю на месцы меркаванага затаплення бранятэхнікі часоў Вялікай Айчыннай вайны. Пра гэта паведаміў кіраўнік гісторыка-патрыятычнага пошукавага клуба «Віккру» Мікалай Барысенка.
Абласны маладзёжны форум «БРСМ: час наперад!» пройдзе 30 сакавіка ў Магілёве. Пра гэта паведамілі ў абласным камітэце ГА «Беларускі рэспубліканскі саюз моладзі».
У мерапрыемстве, якое адбудзецца на базе метадычнага цэнтра народнай творчасці і культурна-асветнай работы, прымуць удзел каля 80 чалавек – 43 дэлегаты З’езда ГА «БРСМ», члены рэгіянальнай арганізацыі, прадстаўнікі выканаўчай улады.
Калегія Камітэта дзяржкантролю Магілёўскай вобласці разгледзела вынікі кантролю выканання ў рэгіёне патрабаванняў заканадаўства па рабоце са зваротамі грамадзян і арганізацый у 2017 годзе.
Адзначана, што ў выніку комплексу прынятых у вобласці мер колькасць зваротаў грамадзян у Камітэт у 2017 годзе знізілася. Разам з тым, на месцах пакуль не ў поўнай меры адладжаны механізм якаснага разгляду зваротаў па сутнасці ў першай інстанцыі, што прымушае грамадзян шукаць абарону сваіх правоў у Камітэце дзяржкантролю і іншых дзяржаўных органах.