ПереводчикАрхіў навін
Беларуская чыгунка 9 і 10 ліпеня прызначыла 14 дадатковых цягнікоў, на якіх можна дабрацца на рэспубліканскае свята «Купалле» («Александрыя збірае сяброў»), паведамілі ў прэс-цэнтры БЧ.
Усяго з прыпынкам на станцыі Копысь у гэты перыяд запланавана 30 цягнікоў рэгіянальных і міжрэгіянальных ліній з Брэста, Віцебска, Гомеля, Магілёва, Оршы і Полацка. З іх 14 прызначаны ў дадатак.
У аграгарадку Дужаўка Чавускага раёна сёння перапахавалі астанкі 12 байцоў Чырвонай Арміі.
Першы сакратар ЦК БРСМ Аляксандр Лук’янаў расказаў, як сёлета пройдзе фінал рэспубліканскага сельскагаспадарчага праекта, падчас пасяджэння пастаянна дзеючага рэспубліканскага арганізацыйнага камітэта па правядзенні свята «Купалле» («Александрыя збірае сяброў»).
Арганізатары свята «Купалле» («Александрыя збірае сяброў») раскрылі імёны артыстаў, якія прымуць удзел у вялікім гала-канцэрце фестывалю. Пра гэта расказаў міністр культуры Анатоль Маркевіч падчас пасяджэння пастаянна дзеючага рэспубліканскага арганізацыйнага камітэта па правядзенні свята.
Лейтматывам «Купалля» ў Александрыі павінна стаць захаванне нашай гістарычнай памяці. Пра гэта заявіў сёння намеснік прэм’ер-міністра Ігар Петрышэнка падчас пасяджэння пастаянна дзеючага рэспубліканскага арганізацыйнага камітэта па правядзенні свята «Купалле» («Александрыя збірае сяброў»).
У Магілёўскім інстытуце МУС адбылася ўрачыстая цырымонія выпуску курсантаў і слухачоў завочнага навучання. Павіншаваць курсантаў і ўручыць ім дыпломы прыехаў начальнік УУС Магілёўскага аблвыканкама генерал-маёр міліцыі Ігар Шчарбачэня, начальнік галоўнага ўпраўлення кадраў МУС палкоўнік міліцыі Алег Кручынскі, а таксама іншыя ганаровыя госці, родныя і блізкія выпускнікоў.
Восем месцаў адпачынку ля вады з арганізацыяй купання ў Магілёўскай вобласці не адпавядаюць саннормам. Пра гэта паведамляецца на сайце Магілёўскага абласнога цэнтра гігіены, эпідэміялогіі і грамадскага здароўя.
Так, за гэты тыдзень адабрана 167 пробаў вады адкрытых вадаёмаў. Праведзеныя даследаванні паказалі, што мікрабіялагічных паказчыках не адпавядаюць – 16 вадаёмаў, па санітарна-хімічным – 11.
На адрас райвыканкамаў накіраваны хадайніцтвы аб забароне купання дзяцей і дарослых і заняткамі відамі воднага спорту.
22 і 23 ліпеня Горкі прымуць эстафету рэспубліканскага культурна-спартыўнага фестывалю «Вытокі. Крок да Алімпу». Ён праводзіцца ў нашай краіне другім разам.
Фестываль сёлета прымаюць шэсць гарадоў Беларусі. Старт быў дадзены ў Рэчыцы 20 і 21 мая. Затым свята прайшло ў Навагрудку (17‑18 чэрвеня). Пасля Горак фестываль адправіцца ў Полацк (12‑13 жніўня) і Капыль (26–27 жніўня).
Званне «Ганаровы грамадзянін горада Магілёва» прысвоена Вікенцію Браніслававічу Ермалёнку. Яго кандыдатура зацверджана на сённяшняй 40-й сесіі Магілёўскага гарадскога Савета дэпутатаў.
У Віцебску 23 чэрвеня прайшло адно са знакавых мерапрыемстваў у медыясферы – II Форум медыйнай супольнасці Беларусі «Рэгіянальныя медыя ў лічбавай прасторы: вопыт, праблемы, перспектывы».
Завяршальным этапам яго працы стала ўрачыстая цырымонія ўзнагароджання пераможцаў XVIII Нацыянальнага конкурсу «Залатая Літара».
Інфармацыйна-выдавецкая ўстанова «Выдавецкі дом “Шклов-инфо”» стала ўладальніцай запаветнай статуэткі ў намінацыі «Найлепшыя матэрыялы моладзевай, дзіцяча-юнацкай тэматыкі».
23 чэрвеня 2022 года ўвойдзе ў гісторыю Бабруйска як дзень падпісання Мемарандума аб супрацоўніцтве паміж Ленінскай раённай арганізацыяй Бабруйска РГА «Белая Русь» і мясцовай грамадскай арганізацыяй «Беларуская нацыянальна-культурная аўтаномія “Нёман”» гарадской акругі Тальяці. Урачыстае падпісанне Мемарандума адбылося ў габеленавай зале Магілёўскага абласнога тэатра драмы і камедыі імя В. І. Дуніна-Марцінкевіча.
У гонар прафесійнага свята – Дня работнікаў пракуратуры (адзначаецца 26 чэрвеня) – і векавога юбілею з дня ўтварэння пракуратуры Беларусі ў Палацы культуры вобласці адбылося ўшанаванне пракурорскіх работнікаў Магілёўшчыны. Сярод ганаровых гасцей мерапрыемства былі старшыні Магаблвыканкама і Маггаравыканкама Анатоль Ісачанка і Уладзімір Цумараў, памочнік Прэзідэнта – інспектар па Магілёўскай вобласці Леанід Мартынюк, старшыні Магілёўскага абласнога і гарадскога Саветаў дэпутатаў Ірына Раінчык і Максім Гурын, кіраўнікі сумежных ведамстваў і сілавых структур, ветэраны органаў пракуратуры.
У Бялынічах прайшоў семінар, прысвечаны абмеркаванню змяненняў, унесеных у Кодэкс Рэспублікі Беларусь аб зямлі. Яго ўдзельнікамі сталі кіраўнікі пастаянных камісій парламента, прадстаўнікі абласной вертыкалі, дэпутацкі корпус, прадстаўнікі мясцовых органаў кіравання і самакіравання Магілёўшчыны.
Мемарыяльны комплекс «Слаўны» ўвойдзе ў гісторыю і будзе наведвацца. Такім меркаваннем з журналістамі падзяліўся кіраўнік Адміністрацыі Прэзідэнта Ігар Сергяенка падчас урачыстага адкрыцця мемарыяльнага комплексу пасля рэканструкцыі.
Памяць ахвяр Вялікай Айчыннай вайны ўшанавалі на мемарыяльным комплексе партызанскай славы «Усакіна» ў Клічаўскім раёне. Тут прайшоў мітынг з ускладаннем кветак і вянкоў і рэспубліканская акцыя «Хвіліна маўчання».
Штогадовая патрыятычная акцыя «Звон смутку», прысвечаная Дню ўсенароднай памяці ахвяр Вялікай Айчыннай вайны і генацыду беларускага народа, прайшла на Буйніцкім полі сёння а чацвёртай гадзіне раніцы. Нягледзячы на ранні час і непагадзь, на мемарыяльным комплексе сабралася звыш 1,5 тыс. чалавек.
Канцэрт «Вечар класічнай музыкі» артыстаў Магілёўскай абласной філармоніі адбудзецца 2 ліпеня а 16:00 у Магілёўскім абласным мастацкім музеі імя П.В.Масленікава. Пра гэта паведамілі ва ўстанове культуры.
У канцэртнай праграме прагучаць вядомыя арыі з опер і аперэт, рамансы, а таксама шэдэўры інструментальнай музыкі кампазітараў Мацея Радзівіла, Міхаіла Агінскага, Людвіга ван Бетховена і Аляксандра Аляб’ева ў выкананні струннага квартэта «GSQ» і «Студыя вакалу», пад кіраўніцтвам Віктара Гладкога і Таццяны Коршунавай.
Новыя мадэлі мікрааўтобусаў вытворчасці Мінскага аўтамабільнага завода прэзентавалі на базе прадпрыемства «Магілёўтрансмаш». Акцэнт – на імпартазамяшчэнне.
Касавіца актыўна ідзе на Магілёўшчыне. Паводле інфармацыі аблсельгасхарча, на захоўванне ўжо закладзена амаль 200 тыс тон сакавітых кармоў. Усяго на ўмоўную галаву буйной рагатай жывёлы ў выніку будзе больш за 29 цэнтнераў.
У Беларусі сёння Дзень усенароднай памяці ахвяр Вялікай Айчыннай вайны і генацыду беларускага народа. У гэты дзень у краіне ўспамінаюць тых, хто цаной свайго жыцця выканаў абавязак па абароне Радзімы, усіх загінулых, закатаваных у фашысцкай няволі, памерлых у тыле ад голаду і нягод.
На досвітку 22 чэрвеня 1941 года фашысцкая Германія, парушыўшы Дагавор аб ненападзенні, пачала вайну супраць Савецкага Саюза. Пачалася рэалізацыя плана «Барбароса», згодна з якім нямецкае ваеннае кіраўніцтва разлічвала правесці вокамгненную вайну і адным ударам разграміць СССР.
Пытанні маладзёжнай палітыкі абмеркавалі ў Беларускім дзяржаўным універсітэце харчовых і хімічных тэхналогій у межах Адзінага дня інфармавання з удзелам памочніка Прэзідэнта – інспектара па Магілёўскай вобласці Леаніда Мартынюка. З прафесарска-выкладчыцкім складам, студэнтамі, запрошанымі адбылася адкрытая размова, падчас якой жадаючыя маглі падзяліцца думкамі і атрымаць адказы на хвалюючыя іх тэмы.
Выязны прыём грамадзян, іх прадстаўнікоў, прадстаўнікоў юрыдычных асоб у Касцюковіцкім раённым выканаўчым камітэце правядзе 29 чэрвеня старшыня Магілёўскага аблвыканкама Анатоль Міхайлавіч Ісачанка.
Прыём грамадзян будзе праходзіць з 14:00.
Папярэдні запіс на асабісты прыём ажыццяўляецца па тэлефонах 8 0224 57 81 27, 8 0224 57 81 26, (80222)32 67 21.
Рэд.
На Магілёўшчыне за пяць месяцаў гэтага года арганізацыі ўсіх формаў уласнасці пабудавалі 698 новых кватэр. Уведзена ў эксплуатацыю 76 тыс. квадратных метраў агульнай плошчы жылля, паведамляецца на сайце галоўнага статыстычнага ўпраўлення вобласці.
Для грамадзян, якія стаяць на ўліку для паляпшэння жыллёвых умоў, уведзена ў эксплуатацыю 20,8 тыс. квадратных метраў агульнай плошчы, або 27,4% ад агульнага аб’ёму ўведзенага жылля.
Из благоустройства квартир только холодная вода и централизованное отопление. Остальные удобства - на улице. Могилевчане из двухэтажного дома №27 по улице Вавилова мечтают о капремонте их жилья.
Тры пажары ў Асіповічах, Шклоўскім і Кіраўскім раёнах адбылося за суткі ў вобласці. Падчас аператыўнай работы выратаваны дом і два гаспадарчыя будынкі. Пра гэта паведаміла старшы інспектар абласнога ўпраўлення МНС Вольга Нехарошых.
Беларускія аграрыі нарыхтавалі 231,9 тыс. т сіласу, паведамілі ў Міністэрстве сельскай гаспадаркі і харчавання.
Паводле звестак на 21 чэрвеня, у Віцебскай вобласці першы ўкос праведзены на 45,5% запланаваных плошчаў, Гомельскай – 93,1%, Гродзенскай – 81,6%, Мінскай –- 90,1%, Магілёўскай – 78,6%. У Брэсцкай вобласці план па першым укосе траў выкананы.
Травы прыбраныя з 949,7 тыс. га, што складае 71,4% да скошанага. Нарыхтавана 132,8 тыс. т. сена (13,9% да плана), 5 млн. 630 тыс. т. сенажу (41,9%) і 231,9 тыс. т. сіласу (1,21%).
XVI Міжнародны фестываль народнай творчасці «Вянок дружбы» пройдзе з 23 па 27 чэрвеня.
Госці пачнуць прыбываць ужо 23 чэрвеня, пройдуць рэпетыцыі цырымоній адкрыцця і закрыцця фестывалю. Майстар-клас пераможцаў міжнароднага конкурсу гульнявых праграм «Сузор’е гульні» (Петраградскі раён Санкт-Пецярбурга) пройдзе з 11.00 да 12.00 у Палацы мастацтваў.
Патрыятычная акцыя «Звон смутку» пройдзе на Буйніцкім полі ў Магілёве 22 чэрвеня. Такая інфармацыя размешчана на сайце Магілёўскага гарвыканкама.
Мітынг-рэквіем прысвечаны Дню ўсенароднай памяці ахвяр Вялікай Айчыннай вайны і генацыду беларускага народа. Мерапрыемства пачнецца а 4.00. Па традыцыі тут збяруцца прадстаўнікі органаў дзяржаўнага кіравання, працоўных калектываў, актыў БРСМ, навучэнцы і студэнты, жыхары абласнога цэнтра і Магілёўскага раёна.
Прадстаўнікі адміністрацыі СЭЗ «Магілёў» прынялі ўдзел у VIII Міжнародным гандлёвым кірмашы «Сугд – 2022», а таксама прымеркаваным да мерапрыемства бізнес-форуме «Гандлёвыя і інвестыцыйныя магчымасці і перспектывы супрацоўніцтва з Рэспублікай Таджыкістан». Пра гэта паведамілі ў прэс-цэнтры дзяржаўнай установы.
У Брэсце завяршыўся адкрыты чэмпіянат вобласці на прызы алімпійскай чэмпіёнкі Юліі Несцярэнкі. Ён праходзіў па праграме рэспубліканскага лёгкаатлетычнага турніру і з’яўляўся чарговым этапам беларускай лёгкаатлетычнай лігі. У спаборніцтвах прыняў удзел шэраг наймацнейшых лёгкаатлетаў краіны.