У Магілёўскім абласным драматычным тэатры адбылася першая прэс-канферэнцыя, прысвечаная ХV Міжнароднаму моладзеваму тэатральнаму форуму «M.@rt.контакт-2020».
У кастрычніку гэтага года прайшоў першы ў гісторыі рэгіёна інвестыцыйны форум «Магілёўскі раён – тэрыторыя магчымасцяў», які паказаў наяўнасць канкурэнтаздольнага прамысловага патэнцыялу. На форуме быў заключаны шэраг пагадненняў, у тым ліку з ДЛГУ «Магілёўскі лясгас» на суму Br9100 тыс.
Урад зацвердзіў пералік тэрыторый з напружанай сітуацыяй на рынку працы на 2020 год. Адпаведная пастанова Савета Міністраў ад 27 снежня 2019 года № 921 афіцыйна апублікавана сёння на Нацыянальным прававым інтэрнэт-партале.
Выйсці на праектную магутнасць абноўленай вытворчасці ААТ «Магатэкс» плануе ў снежні бягучага года. Пра гэта расказаў галоўны інжынер прадпрыемства Пётр Скачкоў.
Са складу Беларускага дзяржаўнага канцэрна па вытворчасці і рэалізацыі тавараў лёгкай прамысловасці выключана сем прадпрыемстваў, у тым ліку два па Магілёўскай вобласці. Адпаведнае рашэнне замацавана пастановай урада ад 31 снежня 2019 года № 964, паведамілі ў прэс-службе беларускага ўрада.
Дабрачыннае навагодняе свята сабрала 3 студзеня ў абласным цэнтры творчасці дзяцей са школ-інтэрнатаў і дамоў сямейнага тыпу з усяго рэгіёна. На мерапрыемства таксама былі запрошаныя дзеці, якія наведваюць карэкцыйныя цэнтры, выхаванцы спецшкол, творчы калектыў навучэнцаў Магілёўскай музычнай гімназіі-каледжа мастацтваў. Уся дзятва атрымала салодкія падарункі ад Магілёўскага абласнога аддзялення РГА «Беларускі дзіцячы фонд». Яшчэ адным сюрпрызам для запрошаных стала музычнае прадстаўленне, створанае па матывах казкі Люіса Кэрала «Аліса ў Залюстроўі».
Пяць беларусак, паводле інфармацыі Міжнароднай асацыяцыі лёгкаатлетычных федэрацый (World Athletics), уключаны ў сусветную эліту жанчын-марафонцаў. Сярод іх прадстаўніцы Магілёўскай вобласці Ніна Савіна і Кацярына Карніенка.
