навiна дня

У Магілёўскай вобласці дзвюхтысячную мяжу па намалоце і перавозцы збожжа пераадолелі два экіпажы камбайнераў і тры кіроўцы ЗАТ «Агракамбінат “Зара”» (Магілёўскі раён).

Дэлегацыя Андыжанскай вобласці Узбекістана з двухдзённым візітам наведае магілёўскі рэгіён. Пра гэта паведамілі ў камітэце эканомікі Магілёўскага аблвыканкама.

Больш за 70 школьных кірмашоў будзе працаваць у Магілёўскай вобласці. Пра гэта паведамілі ў галоўным упраўленні гандлю і паслуг аблвыканкама.

Прэзідэнт Беларусі Аляксандр Лукашэнка 29 ліпеня разгледзеў кадравыя пытанні, паведамілі ў прэс-службе беларускага лідара.

У Магілёўскай вобласці 12 экіпажаў камбайнераў намалацілі па 1 тыс. т і больш збожжа новага ўраджаю. Больш за ўсё перадавікоў вытворчасці ў Магілёўскім і Кіраўскім раёнах, паведамілі ў камітэце па сельскай гаспадарцы і харчаванні Магілёўскага аблвыканкама.

Урачыстае адкрыццё музычнага фестывалю «Вялікая бард рыбалка» пройдзе сёння вечарам на беразе Чыгірынскага вадасховішча. Госці на папулярны фестываль пачалі з’язджацца яшчэ ў чацвер: штогод Быхаўскі раён прымае тысячы прыхільнікаў аўтарскай песні, рыбаловаў-спартсменаў, аматараў лазні і свежага паветра.

Прамую тэлефонную лінію правядзе 27 ліпеня кіраўнік спраў Магілёўскага аблвыканкама Рыгор Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Рэгіянальны фестываль «Дрыбінскія таржкі» пройдзе 15-17 жніўня ў Дрыбіне. Пра гэта паведамілі ў райвыканкаме.

У Магілёўскай вобласці неабходна змяніць структуру пасяўных плошчаў. На гэта звярнуў увагу старшыня Магілёўскага аблвыканкама Леанід Заяц падчас рэспубліканскай селектарнай нарады па пытаннях уборкі ўраджаю.

Старшыня Магілёўскага абласнога Савета дэпутатаў Дзмітрый Харытончык сёння правёў сустрэчу з працоўным калектывам ААТ «Ольса». Палілог адбыўся ў межах адзінага дня інфармавання

Шэраг дакументаў аб супрацоўніцтве падпісалі прадстаўнікі Магілёўскай вобласці падчас VI Форума рэгіёнаў Беларусі і Расіі, які праходзіць у Санкт-Пецярбургу 16-18 ліпеня. Пра гэта паведамілі ў камітэце эканомікі аблвыканкама.

Губернатар Ленінградскай вобласці Аляксандр Драздзенка і старшыня Магілёўскага абласнога выканаўчага камітэта Леанід Заяц змацавалі сёння подпісамі дакумент, які вызначае параметры супрацоўніцтва двух рэгіёнаў на наступны перыяд. Зацвярджэнне адбылося ў межах VI Форума рэгіёнаў Расіі і Беларусі.

XVI Міжнародны пленэр па кераміцы «Арт-Жыжаль» пачынае сёння працу на маляўнічым беразе Бярэзіны каля базы адпачынку «Вербкі» пад Бабруйскам, паведамілі ў Бабруйскім гарвыканкаме.

Адзіны дзень інфармавання, які пройдзе 18 ліпеня ў гарадах і раёнах Магілёўскай вобласці, будзе прысвечаны развіццю спорту ў Беларусі і вынікам II Еўрапейскіх гульняў. Пра гэта паведамілі ў галоўным упраўленні ідэалагічнай работы і па справах моладзі аблвыканкама.

Дэлегацыя Прыморскага края Расіі з азнаямленчым візітам наведвае нашу вобласць. Сёння адбылася сустрэча старшыні Магілёўскага аблвыканкама Леаніда Зайца з губернатарам Прыморскага края Алегам Кажамякам. Бакі абмеркавалі магчымыя напрамкі супрацоўніцтва і вызначылі найбольш перспектыўныя з іх.

Прамую тэлефонную лінію правядзе 20 ліпеня першы намеснік старшыні Магілёўскага аблвыканкама Васіль Іванавіч Акуліч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

У мэтах комплекснага і ўсебаковага вывучэння ходу выканання даручэння кіраўніка дзяржавы, які прадпісвае забяспечыць прывядзенне ў парадак школьных стадыёнаў, спартыўных пляцовак і веладарожак, КДК Магілёўскай вобласці 22-23 ліпеня правядзе «гарачыя лініі» з насельніцтвам рэгіёна па ўказаенай тэматыцы. Пра гэта паведаміў намеснік старшыні кантрольнага ведамства Аляксей Іглікаў.

У Беларусі пачалі ўборку новага ўраджаю. Адна з прыярытэтных задач праваахоўнікаў – прафілактыка і спыненне злачынстваў і правапарушэнняў, забеспячэнне бяспекі дарожнага руху ў сферы аграпрамысловага комплексу, паведамілі ў групе інфармацыі і грамадскіх сувязей УУС Магілёўскага аблвыканкама.

У Палацы культуры вобласці сёння прайшла ўрачыстая цырымонія ўшанавання пераможцаў і прызёраў II Еўрапейскіх гульняў – прадстаўнікоў нацыянальнай зборнай Магілёўшчыны.

Памочнік Прэзідэнта Беларусі – інспектар па Магілёўскай вобласці Міхаіл Іванавіч Русы 18 ліпеня з 10.00 будзе праводзіць прыём грамадзян, іх прадстаўнікоў, прадстаўнікоў юрыдычных асоб у Клічаўскім раённым выканаўчым камітэце.