Дзень яднання народаў Беларусі і Расіі сімвалізуе непарыўныя вузы братэрскай дружбы, духоўнай і культурнай блізкасці – Уладзімір Цумараў

Дзень яднання народаў Беларусі і Расіі сімвалізуе непарыўныя повязі братэрскай дружбы, духоўнай і культурнай блізкасці. На гэта звярнуў увагу, выступаючы сёння на ўрачыстым сходзе, прысвечаным гістарычнай для двух народаў даце, старшыня Магілёўскага гарвыканкама Уладзімір Цумараў.

Створаная больш за два дзесяцігоддзі таму Саюзная дзяржава застаецца прыкладам найбольш цеснай інтэграцыі на постсавецкай прасторы, адзначыў кіраўнік абласнога цэнтра. У межах саюзнага будаўніцтва Беларусь і Расія змаглі якасна павысіць узровень двухбаковага супрацоўніцтва па ўсіх кірунках. Наладжана цесная каардынацыя намаганняў у сферах знешняй палітыкі, абароны і нацыянальнай бяспекі. Рэалізуюцца маштабныя сумесныя праекты ў інфраструктурнай, энергетычнай, навукова-тэхнічнай, гуманітарнай і іншых галінах. Высокімі тэмпамі развіваюцца міжрэгіянальныя сувязі, дыялог па парламенцкай лініі, кантакты паміж грамадскімі арганізацыямі дзвюх краін.

Для Магілёва Расійская Федэрацыя з’яўляецца асноўным эканамічным і гандлёвым партнёрам на працягу многіх гадоў, падкрэсліў Уладзімір Цумараў. На долю краіны-суседкі за апошнія два гады прыпадае 77,4% агульнага аб’ёму знешняга гандлю горада, 72,3% экспарту і 65,1% імпарту. У Расію пастаўляецца ўся прадукцыя, што вырабляецца ў абласным цэнтры прадукцыі. Традыцыйна імпартуемымі ў Магілёў таварамі з’яўляюцца сыравіна, матэрыялы і камплектуючыя для прамысловай вытворчасці. Прадпрыемствы горада ажыццяўляюць знешнегандлёвую дзейнасць з 75 суб’ектамі Расійскай Федэрацыі.

Адным з асноўных напрамкаў развіцця гандлёва-эканамічнага супрацоўніцтва, па словах Уладзіміра Цумарава, з’яўляецца ўстанаўленне прамых доўгатэрміновых партнёрскіх адносін з расійскімі рэгіёнамі. Толькі ў 2018 годзе падпісаны пагадненні аб супрацоўніцтве Магілёва з гарадской акругай Самара, адміністрацыяй Волагды, мэрыяй Грознага. Па лініі грамадскіх арганізацый заверана пагадненне аб устанаўленні і развіцці супрацоўніцтва паміж Магілёўскай і Тульскай гарадскімі арганізацыямі жанчын, змацаваны подпісамі пратакол аб намерах па развіцці жаночага прадпрымальніцтва паміж Магілёвам і Тулай. Вынікам шматгадовага супрацоўніцтва з расійскімі гарадамі з’яўляецца штогадовае правядзенне кантактна-кааперацыйных біржаў, кірмашоў-продажаў беларускай прадукцыі, партнёрства ў сферах жыллёва-камунальнай гаспадаркі, адукацыі, культуры і спорту.

Урачысты сход і канцэрт, прысвечаныя 23-й гадавіне Дня яднання народаў Беларусі і Расіі, адбыўся сёння ў Палацы культуры вобласці. Ганаровымі гасцямі мерапрыемства сталі намеснік старшыні Магілёўскага аблвыканкама Андрэй Кунцэвіч, намеснік кіраўніка адміністрацыі Екацярынбурга па сацыяльных пытаннях Дзмітрый Баранаў, намеснік старшыні Камітэта па знешніх сувязях адміністрацыі Екацярынбурга Вікторыя Шаўчэнка.

Дарэчы, дэлегацыя расійскага горада прыбыла ў сталіцу Прыдняпроўскага краю не выпадкова. У 2004 годзе мэр Екацярынбурга і старшыня Магілёўскага гарвыканкама падпісалі дамову аб супрацоўніцтве. Тады ж у абласным цэнтры выступіў Уральскі дзяржаўны акадэмічны рускі народны хор. сімвалічна, што праз 15 гадоў, у Дзень яднання народаў Беларусі і Расіі, калектыў зноў парадаваў магілёўцаў сваімі песнямі і танцамі.