Назіральнік: галасаванне ідзе актыўна, людзі не прывыклі адкладваць важныя справы на потым
У Магілёўскай вобласці галасаванне ідзе актыўна, людзі не прывыклі адкладаць важныя справы на потым. Такое меркаванне выказала назіральнік на Дняпроўскім участку для галасавання № 8 Быхава Вольга Квартальная. «Людзі, чыя праца звязана з сельскай працай, не прывыклі адкладаць важныя справы на потым, таму і прыходзяць галасаваць датэрмінова, – сказала Вольга Квартальная. – Участак размешчаны ў мікрараёне Колас, у будынку ААТ «ПМК-85 Вадбуд». Частка прымацаваных да яго людзей працуюць тут жа на прадпрыемстве, таму галасуюць загадзя – у зручны для іх час».
Магіляўчанка ў дзень паўналецця ўпершыню прагаласавала за будучыню краіны
Валерыя Жарыкава аддала свой голас у першы дзень датэрміновага галасавання на рэферэндуме па Канстытуцыі. Дзяўчыну віншавалі ўсёй камісіяй – менавіта 22 лютага ёй споўнілася 18 гадоў. Навучэнка Магілёўскага дзяржаўнага тэхналагічнага каледжа Валерыя Жарыкава ў дзень свайго паўналецця прыйшла на ўчастак для галасавання. Нягледзячы на актыўную падрыхтоўку да святкавання дня нараджэння і бесперапынныя віншаванні, дзяўчына не змагла застацца ўбаку ад важнай для ўсіх беларусаў палітычнай падзеі – правядзення канстытуцыйнага рэферэндуму.
Сяргей Новікаў: спадзяюся, людзі падтрымаюць мой прыклад і прыйдуць на выбарчыя ўчасткі
Ледзь участак для галасавання, размешчаны ў Магілёўскай школе № 6, пачаў працу, на парозе з’явіўся Сяргей Новікаў – сярэбраны прызёр Алімпійскіх гульняў у Ванкуверы, начальнік упраўлення спорту і турызму Магілёўскага аблвыканкама.
Рух па паўднёва-заходнім абыходзе Магілёва плануецца адкрыць сёлета
Рух па паўднёва-заходнім абыходзе Магілёва плануецца адкрыць сёлета. Аўтадарога будзе ўзведзена па параметрах другой катэгорыі з дзвюма палосамі руху і пакрыццём з цэменту і асфальтабетону, – паведамілі ў прэс-службе Міністэрства транспарту і камунікацый. На будаўнічым участку даўжынёй 12 км будуць пабудаваны два масты – праз рэкі Днепр і Вільчанка, а таксама пуцеправод праз чыгунку. Кошт аб’екта – Br145 млн, праект рэалізуецца за кошт сродкаў рэспубліканскага бюджэту.
«Буду галасаваць за захаванне ўсяго, чаго Беларусь ужо дасягнула, і прымнажэнне – эвалюцыйным шляхам». Меркаванне
Старшыня Беларускага аб’яднання саюза афіцэраў інжынерных войскаў Магілёўскай вобласці, ветэран інжынерных войскаў гвардыі палкоўнік у адстаўцы Сяргей Нос: – Напярэдадні рэферэндуму мне хочацца, каб кожны добра падумаў, за што ён галасуе. За нейкія прывідныя «аблокі» або за спакой і стабільнасць. З вышыні сваіх гадоў магу ўпэўнена сказаць, што лепш мець сініцу ў руках, чым павесціся на прывідныя салодкія абяцанні. Мы зараз жывём вельмі добра, і давайце гэта шанаваць. Хочаш вучыцца – вучыся, хочаш працаваць – працуй і атрымлівай зарплату.
Прамую тэлефонную лінію правядзе 26 лютага намеснік старшыні Магілёўскага аблвыканкама Валерый Малашка
Прамую тэлефонную лінію правядзе 26 лютага намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Ваенны камісар Магілёўскай вобласці: мы будзем галасаваць за пазітыўныя змены, за мірнае жыццё беларусаў
Вайскоўцы Магілёўскага гарнізона, у прыватнасці афіцэрскі корпус, будуць у першых радах галасаваць за змены і дапаўненні ў Канстытуцыю. Такім меркаваннем падзяліўся ваенны камісар Магілёўскай вобласці палкоўнік Аляксандр Гарошкін.
У фінале рэспубліканскага праекта «У рэжыме праўды» прынялі ўдзел прадстаўнікі Магілёўшчыны
Фінал рэспубліканскага асветніцкага праекта «У рэжыме праўды» сабраў у Мінску гасцей з усіх куткоў Рэспублікі Беларусь. Яго мэта – разбурэнне фэйкаў і негатыўных стэрэатыпаў, створаных вакол Беларусі.
Магілёўскую вобласць з доўгатэрміновай місіяй назірання наведалі прадстаўнікі назіральнікаў ад СНД
Магілёўскую вобласць з доўгатэрміновай місіяй назірання наведалі прадстаўнікі назіральнікаў ад СНД. Яны сустрэліся з намеснікам старшыні абласнога выканаўчага камітэта Валерыем Малашкам, наведалі абласную, тэрытарыяльную і шэраг участковых камісій, дзе азнаёміліся з працай па арганізацыі і правядзенні рэспубліканскага рэферэндуму.
У Магілёўскай вобласці на рэферэндум акрэдытавана ўжо больш за 5,8 тыс. назіральнікаў
У рэгіёне на рэферэндум акрэдытавана ўжо больш за 5,8 тыс. назіральнікаў. Пра гэта расказаў журналістам старшыня Магілёўскай абласной камісіі па рэферэндуме Валерый Берастаў. «Участковыя камісіі, пачаўшы сваю працу, атрымалі спісы ўдзельнікаў рэферэндуму, выверылі іх і за 15 дзён да рэферэндуму прадставілі для азнаямлення грамадзянам. Кожны ўдзельнік рэферэндуму можа прыйсці на ўчастак для галасавання і паглядзець, ці правільна ўнесены даныя аб ім.
Людзі, якія вырошчваюць лес з малой семкі, добра ведаюць яму цану
Планавыя шышкі. У Язерскім доследна-вытворчым лясніцтве Чэрыкаўскага лясгаса створаны пастаянны лясны гадавальнік, работнікі якога сёння займаюцца нарыхтоўкай шышак. На лесанасеннай плантацыі хвоі звычайнай штодня працуюць па тры-чатыры чалавекі. Адзін апрацоўвае верхавіны дрэў, стоячы ў калысцы, яшчэ адзін ці двое – уручную. А хтосьці заняты апрацоўкай, сушкай шышак.
На «Магілёўтрансмашы» расказалі, як хакеры-тэрарысты спрабавалі вывесці завод са строю
Намеснік дырэктара завода «Магілёўтрансмаш» Віталь Панкоў у эфіры СТВ расказаў, як хакеры-тэрарысты спрабавалі вывесці завод са строю. «9 снежня была прадпрынята спроба дэстабілізацыі работы прадпрыемства шляхам парушэння праграмнага забеспячэння ў завадской сетцы і шыфравання асобных файлаў», – адзначыў Віталь Панкаў.
У плане мерапрыемстваў да Года гістарычнай памяці Магілёўшчыны больш за 150 пунктаў – і гэта толькі абласнога ўзроўню
З мэтай фарміравання на тэрыторыі Магілёўскай вобласці аб’ектыўнага стаўлення грамадства да гістарычнага мінулага, захавання і ўмацавання адзінства беларускага народа рашэннем Магілёўскага аблвыканкама зацверджаны план мерапрыемстваў па правядзенні ў 2022 годзе Года гістарычнай памяці. Намеснік начальніка галоўнага ўпраўлення ідэалагічнай работы і па справах моладзі Магілёўскага аблвыканкама Алег Пішчанка лічыць, што ўсе запланаваныя праекты і акцыі будуць спрыяць захаванню гістарычнай спадчыны і гістарычнай памяці, фарміраванню нацыянальнай ідэнтычнасці і самасвядомасці:
Першым абласным цэнтрам у цыкле рэгіянальных семінараў па абароне персанальных даных стаў Магілёў
З мэтай аказання метадычнай дапамогі прадстаўнікам арганізацый, адказным за ажыццяўленне ўнутранага кантролю за апрацоўкай персанальных даных, а таксама асобам, якія непасрэдна ажыццяўляюць апрацоўку персанальных даных у гэтых арганізацыях, Нацыянальным цэнтрам абароны персанальных даных ва ўзаемадзеянні з мясцовымі выканаўчымі органамі арганізуецца цыкл рэгіянальных семінараў «Работа з персанальнымі данымі: сістэмны падыход».
Прадстаўнікі Магілёўскага аддзялення Беларускай чыгункі сталі лаўрэатамі прэстыжнай прэміі БЧ
Беларуская чыгунка вызначыла лаўрэатаў прэміі імя машыніста Уладзіміра Яцкевіча па выніках працы за 2021 год. Гэта прэмія – адна з найбольш прэстыжных узнагарод на БЧ. Штогод яна прысуджаецца чыгуначнікам па выніках працы за папярэдні год з мэтай паляпшэння работы па стварэнні бяспекі руху і тэхнікі бяспекі, развіцці грамадскага кантролю, выхаванні чыгуначнікаў на самых лепшых прыкладах выканання службовага абавязку.
Як не стаць ахвярай: у Магілёве супрацоўнікі міліцыі актыўна праводзяць прафілактычную працу з пажылымі людзьмі
У лютым супрацоўнікі аддзела аховы правапарадку і прафілактыкі Ленінскага РАУС Магілёва ў складзе міжведамаснай рабочай групы наведалі па месцы жыхарства пажылых і састарэлых грамадзян, якія пражываюць на тэрыторыі раёна. Яны сустракаліся з пенсіянерамі для прафілактыкі правапарушэнняў і ўзмацнення абароны людзей старэйшага ўзросту. Праводзіліся тлумачальныя гутаркі аб тым, як не стаць ахвярамі злачынстваў. Афіцыйны прадстаўнік Ленінскага РАУС Магілёва Алена Сіманава расказала:
Правілы бяспечных паводзін нагадалі пажылым магілёўцам ратавальнікі
У аддзяленні дзённага знаходжання для грамадзян сталага ўзросту на базе Цэнтра сацыяльнага абслугоўвання насельніцтва Ленінскага раёна Магілёва ніколі не бывае сумна. Пенсіянеры асвойваюць бальныя і ўсходнія танцы, займаюцца фітнесам, вучаць замежныя мовы, спасцігаюць камп’ютарную граматнасць. Акрамя таго, заняткі ў тутэйшых клубах, гуртках і аматарскіх аб’яднаннях яшчэ і карысныя.
Святлана Тарасенка: інтарэсы чалавека павінны ляжаць у аснове далейшай рэалізацыі сацыяльнай палітыкі
Калегія камітэта па працы, занятасці і сацыяльнай абароне Магілёўскага аблвыканкама, на якой падвялі вынікі 2021 года і паставілі задачы на бягучы год, адбылася 8 лютага.
Меркаванне: пакладзеныя ў аснову Канстытуцыі прынцыпы стануць магутным фактарам згуртавання беларусаў
Пакладзеныя ў аснову абноўленай Канстытуцыі прынцыпы стануць магутным фактарам згуртавання беларусаў. Такім меркаваннем падзяліўся старшыня Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.
Жаглоў, Шарапаў, Дзядзька Сцёпа: у Магілёве вызначылі топ-10 найлепшых касплееў на міліцыянераў з фільмаў і кніг
Анлайн-конкурс касплея «Вы мой герой!» сярод навучэнцаў сярэдніх школ, гімназій і кадэцкіх вучылішчаў, сярэдніх спецыяльных і прафесійна-тэхнічных навучальных устаноў правёў Магілёўскі інстытут МУС.
Дах цэха абрынуўся ў Бялыніцкім раёне
Дах цэха абрынуўся ў Бялыніцкім раёне. Пра гэта паведамілі ў прэс-службе МНС. «7 лютага а 9.05 выратавальнікам паступіла паведамленне аб абвальванні даху на плошчы 240 кв. м будынка лініі па вытворчасці ацыліндраваных вырабаў ДЛГУ «Бялыніцкі лясгас» у вёсцы Ослеўка Бялыніцкага раёна Магілёўскай вобласці», – расказалі ў прэс-службе. Пацярпелых няма. У выніку абвальвання пашкоджана лінія па вытворчасці прадукцыі, вытворчы працэс спынены. Прычына абвальвання высвятляецца. БЕЛТА
На Магілёўшчыне сфарміраваныя ўчастковыя камісіі па рэферэндуме
У Магілёўскай вобласці завершана фарміраванне ўчастковых камісій для галасавання па рэферэндуме. У адпаведнасці са створанымі раней 707 участкамі для галасавання, у тым ліку 32 у бальніцах, санаторыях, прафілакторыях, дамах адпачынку і іншых установах, якія аказваюць медыцынскія паслугі, столькі ж утворана і дадзеных камісій. Іх колькасны склад перавышае 7,5 тыс. чалавек.
Завершаны працэс вылучэння грамадзян у склад участковых камісій па рэферэндуме
Завершаны працэс вылучэння грамадзян у склад участковых камісій па рэферэндуме. Пра гэта паведамілі ў ЦВК. Усяго ў склад 5510 участковых камісій вылучана крыху больш за 59 тыс. прадстаўнікоў. Традыцыйна да гэтага працэсу найбольшую цікавасць праяўляюць грамадскія аб’яднанні, якія вылучылі 55,3% ад агульнай колькасці прэтэндэнтаў. Грамадзянамі вылучана 33,7%, працоўнымі калектывамі – 11%.
Грамадзяне з COVID-19, якія знаходзяцца на самаізаляцыі, змогуць прагаласаваць па месцы знаходжання
Цэнтральная камісія па выбарах і правядзенні рэспубліканскіх рэферэндумаў і Міністэрства аховы здароўя вызначылі алгарытм узаемадзеяння, звязаны з галасаваннем грамадзян, якія хварэюць на COVID-19 і знаходзяцца на самаізаляцыі. Пра гэта паведамілі ў ЦВК. Гэтым грамадзянам неабходна звяртацца ва ўчастковыя камісіі па месцы рэгістрацыі і паведамляць пра сваё жаданне галасаваць па месцы знаходжання.
Сумеснае пасяджэнне калегіі галоўнага ўпраўлення па адукацыі і камісіі па справах непаўналетніх Магілёўскага аблвыканкама прайшло сёння ў Магілёве
Сумеснае пасяджэнне калегіі галоўнага ўпраўлення па адукацыі і камісіі па справах непаўналетніх Магілёўскага аблвыканкама ў пашыраным складзе адбылося сёння. На ім падвялі вынікі сацыяльна-эканамічнага развіцця галіны ў 2021 годзе і пазначылі асноўныя задачы на 2022 год.
Адвакаты Магілёва: новая рэдакцыя Канстытуцыі ўмацоўвае асновы прававой дзяржавы (відэа)
Непасрэднай праватворчасцю народа называюць маючы адбыцца ў Беларусі рэспубліканскі рэферэндум адвакаты Магілёўскай абласной калегіі адвакатаў. Юрысты падкрэсліваюць важнасць падзеі і яе ўплыў на ўсю заканадаўчую базу дзяржавы.
У Магілёўскай вобласці амаль 40% кантрактаў заключана з медработнікамі на тэрмін ад 3 да 5 гадоў
У сферы аховы здароўя Магілёўскай вобласці амаль 40% кантрактаў заключана з медработнікамі на тэрмін ад 3 да 5 гадоў. Пра гэта расказаў старшыня Магілёўскай абласной арганізацыі Беларускага прафсаюза работнікаў аховы здароўя Віктар Суслаў.
ЦВК краін СНД ўжо атрымалі запрашэнні назіраць за рэферэндумам у Беларусі
ЦВК краін СНД ужо атрымалі запрашэнні паўдзельнічаць у назіранні за рэферэндумам у Беларусі, – паведаміў старшыня Цэнтральнай камісіі па выбарах і правядзенні рэспубліканскіх рэферэндумаў Ігар Карпенка.
Ігар Карпенка: падчас галасавання на рэферэндуме будуць прыняты ўсе неабходныя санэпідмеры
Падчас галасавання на рэферэндуме будуць прынятыя ўсе неабходныя санэпідмеры, як паведаміў старшыня Цэнтральнай камісіі па выбарах і правядзенні рэспубліканскіх рэферэндумаў Ігар Карпенка. «Мы цяпер з Міністэрствам аховы здароўя дапрацоўваем адпаведныя рэкамендацыі. Яны будуць апублікаваныя», – патлумачыў Ігар Карпенка. Паводле яго слоў, на ўчастках для галасавання будуць выкананы ўсе санітарна-эпідэміялагічныя патрабаванні. «Мы, напрыклад, прыбралі шторкі з кабінак, каб праветрыванне было лепшым», – адзначыў старшыня ЦВК.
У Бабруйску пры пажары загінула пенсіянерка 1936 года нараджэння
Два пажары адбылося ў Бабруйску і Бабруйскім раёне за суткі ў вобласці. Пра гэта паведаміла старшы інспектар абласнога ўпраўлення МНС Вольга Нехарошых.