Пытанні будаўнічай галіны абмеркавалі ў Магілёўскім аблвыканкаме на нарадзе з удзелам прэм’ер-міністра Беларусі Рамана Галоўчанкі

Прэм’ер-міністр Рэспублікі Беларусь Раман Галоўчанка падчас рабочай паездкі ў Магілёўскую вобласць правёў рабочую нараду па праблемных пытаннях будаўнічай галіны. Сустрэча прайшла пры ўдзеле намесніка прэм’ер-міністра Анатоля Сівака, міністра архітэктуры і будаўніцтва Руслана Пархамовіча, старшыні Магаблвыканкама Анатоля Ісачанкі, памочніка Прэзідэнта Рэспублікі Беларусь – інспектара па Магілёўскай вобласці Леаніда Мартынюка, намесніка старшыні Магаблвыканкама Сяргея Маслава.

«Сёння ў Магілёве мы разглядаем сітуацыю ў будаўнічай галіне, якая адносіцца да ліку ключавых для эканомікі і шмат у чым вызначае не толькі эканамічны рост, але і рашэнне сацыяльных задач дзяржавы. Гэта сфера з’яўляецца своеасаблівым індыкатарам эканамічных працэсаў, якія адбываюцца. Таму выклікаюць некаторую заклапочанасць тэндэнцыі, якія заключаюцца ў ёй, – адзначыў Раман Галоўчанка. – У першую чаргу, аб скарачэнні аб’ёмаў будаўніча-мантажных і падрадных работ, спадарожным фактарам якога з’яўляецца рост коштаў на сыравіну і матэрыялы, якія выкарыстоўваюцца ў будаўніцтве.

Для мяне стала заканамерным пытанне аб тым, ці не варта нам узмацніць дзяржаўнае ўздзеянне ў частцы рэгулявання коштаў на сыравіну і матэрыялы, якія выкарыстоўваюцца ў будаўніцтве пазабюджэтных аб’ектаў. У любым выпадку, мы не з’яўляемся прыхільнікамі татальнага рэгулявання коштаў. Тым не менш у перыяд складаных працэсаў, якія адбываюцца, інтэрвенцыя дзяржавы з пункту гледжання рэгуляторыкі, часта з’яўляецца неабходнай. Гэта дазволіць знізіць дзесьці кан’юнктурныя, а дзесьці спекулятыўныя фактары. Я ўжо пра гэта гаварыў неаднаразова: многія камерсанты, дзяржаўныя і прыватныя, на гэтым полі імкнуцца атрымаць кан’юнктурны прыбытак, што ў прынцыпе павінна спыняцца з пункту гледжання збалансаванасці ўсіх працэсаў у эканоміцы. І калі на гэтым няўстойлівым этапе неабходна правесці нейкія дзяржаўныя інтэрвенцыі, значыць, правядзём. Калі прымем іншае рашэнне, значыць, будзем дзейнічаць па-іншаму».

Як паведаміў прэм’ер-міністр, будаўнічыя арганізацыі ўздымаюць пытанне аб тым, што ім цяжка ў цяперашніх умовах выконваць заключаныя дагаворы аб нязменнай або дагаворнай цане ў сувязі з ростам фактычнага кошту будаўніцтва і фінансавым станам арганізацый. У сувязі з гэтым ён выказаў сваю адназначную пазіцыю: каб ніхто не меў спакусы скарыстацца гэтым момантам і вырашаць у першую чаргу за кошт насельніцтва і рэальнага сектара эканомікі свае застарэлыя праблемы, у тым ліку звязаныя з неэфектыўнасцю вядзення дзейнасці.

Непасрэднай падставай для правядзення нарады зявіўся зварот Мінскага гарадскога выканаўчага камітэта з цэлым пакетам прапаноў, якія былі ўнесены па паляпшэнні сітуацыі ў будаўнічай галіне.

«Для таго каб гэта не выглядала кулуарным абмеркаваннем у цэнтры, я запрасіў сюды адпаведных кіраўнікоў усіх абласцей, якія адказваюць за сферу будаўніцтва, а таксама кіраўнікоў найбуйнейшых будаўнічых аб’яднанняў, якія павінны нам даць аб’ектыўную карціну і ацэнку сітуацыі, якая складваецца ў іх сферах адказнасці, і з улікам гэтага прыняць вывераную пастанову, – растлумачыў Раман Галоўчанка. – Ужо ёсць шэраг прапаноў, па некаторых з іх ужо выпрацоўваюцца рашэнні, а некаторыя застаюцца досыць спрэчнымі. Але факт застаецца фактам: пакуль сітуацыя ў будаўнічай галіне выклікае пытанні».

Падчас нарады яго ўдзельнікі пагаварылі пра ўплыў працы будаўнічага комплексу на агульнарэспубліканскія паказчыкі і абмеркавалі пытанні цэнаўтварэння ў будаўніцтве. А таксама тое, якія меры неабходна прыняць, каб палепшыць сітуацыю ў будаўнічай галіне.

«Будаўнічая сфера заўсёды няўстойлівай, і менавіта ў ёй адлюстроўваюцца як праблемныя, так і станоўчыя моманты, якія ёсць у эканоміцы. У канцы мінулага года і ў пачатку гэтага галіна сутыкнулася з пэўнымі праблемамі, у тым ліку звязанымі з ростам коштаў на матэрыялы, якія выкарыстоўваюцца пры будаўніцтве, – растлумачыў Раман Галоўчанка. – Таму ва ўмовах, калі ідуць турбулентныя працэсы, неабходна прымаць дадатковыя меры часовага характару па стабілізацыі гэтых коштаў.

Ацэньваючы сітуацыю, мы бачым, што рэзкія крокі не патрабуюцца. Аднак у найбліжэйшы час будзе прыняты шэраг нарматыўных дакументаў, якія дазволяць трымаць пад кантролем рост коштаў на будаўнічыя працы. У тым ліку Міністэрства архітэктуры і будаўніцтва плануе пашырыць дзяржаўнае рэгуляванне на матэрыялы і сыравіну, якая ўжываецца пры будаўніцтве. Але гэта будзе зроблена досыць мякка і не прывядзе да нейкіх страт. Аднак застрахуе ад шокавых тэндэнцый.

Дэфіцыту матэрыялаў у нас няма. Забяспечанасць уласнымі будаўнічымі матэрыяламі і сыравінай складае каля 85–87%. Многія пазіцыі, якія адсутнічаюць, вырабляюцца ў Расійскай Федэрацыі. Больш за тое, экспарт будаўнічых матэрыялаў у гэтым годзе расце: на 20% павялічыўся экспарт цэменту, практычна на 40% – ячэістага бетону, па керамічнай плітцы таксама намецілася павышэнне попыту. Хапае і на ўнутраны рынак, і для экспарту. Тут дэфіцыту не будзе. Усе інвестыцыі ў развіццё будаўнічай галіны, якія былі зроблены дзяржавай у апошнія гады, зараз даюць добрую дапамогу».

Аб праблемных пытаннях будаўнічай галіны, у тым ліку паднятых Мінскім гарвыканкамам, і шляхах іх вырашэння падчас нарады расказаў Руслан Пархамовіч.

«Бачачы, што сёння некамерцыйная будоўля і інвестпраекты аказваюць пэўны ціск на рост кошту будаўніцтва ў цэлым па краіне, мы лічым неабходным прымяніць стрымлівальныя працэсы. Таму сёння мы пашыраем пералік матэрыялаў і распаўсюджваем абмежаванне ў рэнтабельнасці на больш шырокую наменклатуру. Гэта будзе тычыцца асноўнай групы будаўнічых матэрыялаў. Дакумент ужо падрыхтаваны і ў найбліжэйшы час будзе прыняты, – заявіў міністр архітэктуры і будаўніцтва. – Варта адзначыць, што ў цэлым па краіне выконваецца нарматыў па будаўніцтве жылля з дзяржпадтрымкай. Мы перавыканалі паказчык першага квартала, думаю, паспяхова справімся з выкананнем гэтага паказчыка па паўгоддзі. І перспектыва такая, што за бягучы год ён таксама будзе выкананы ў поўнай меры. Хацелася б падкрэсліць, што насельніцтву не варта хвалявацца з нагоды кошту квадратнага метра – жыллё даражэць не будзе. Нават у самых цяжкіх умовах ніхто не адмяняў асноўны пастулат па будаўніцтве жылля з дзяржпадтрымкай – кошт квадратнага метра не павінен перавышаць сярэдняй заработнай платы. Мы на гэта арыентаваліся, працуем над гэтым цяпер, і думаю, надалей так і будзе.

Што тычыцца загрузкі прадпрыемстваў працай, то кожнае прадпрыемства самастойна рэгулюе для сябе, як правільна лавіраваць у існуючых умовах. Так, сёння стаўка на камерцыйныя крэдыты высокая, і мы на даны момант працягваем працу над варыянтамі яе зніжэння».

Таксама ў гэты дзень прэм’ер-міністр Раман Галоўчанка азнаёміўся з працай Магілёўскага домабудаўнічага камбіната ў існуючых эканамічных умовах і мерах, якія прымаюцца па мінімізацыі іх уплыву.

Юлія Таранава, фота Галіны Гаўрыловіч