Бабруйчанам пакажуць балет «Спячая прыгажуня»
Гастролі Беларускага дзяржаўнага акадэмічнага музычнага тэатра адбудуцца 20 сакавіка ў Бабруйску. Жыхары і госці горада ўбачаць балет у двух дзеяннях «Спячая прыгажуня». Балетмайстар-пастаноўшчык –народная артыстка Беларусі Кацярына Фадзеева. Асістэнты балетмайстра –заслужаныя артысты Рэспублікі Беларусь Веніямін Захараў і Жанна Лебедзева. Мастак-пастаноўшчык –Інара Асланава (г. Баку, Азербайджан).
Гастролі Гомельскага дзяржаўнага тэатра лялек пройдуць у Магілёве
Магілёўскі абласны і Гомельскі дзяржаўны тэатры лялек правядуць 10 і 11 сакавіка абменныя гастролі. Магілячане ўбачаць спектакль «Бурнае жыццё Лазіка Ройтшванеца» ў пастаноўцы Юрыя Вута і Дзмітрыя Гарэліка, паведамілі ва ўстанове адукацыі. У спектаклі гледачу трэба будзе пазнаёміцца з Лазікам, ажыццявіць разам з ім падарожжа па розных гарадах і краінах і даведацца: ці знойдзе Лазік сваё каханне, сваё яўрэйскае шчасце і маленькі кавалачак хлеба?…
Прамую тэлефонную лінію правядзе 22 лютага кіраўнік спраў аблвыканкама Рыгор Варонін
Прамую тэлефонную лінію правядзе 22 лютага кіраўнік спраў аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Эксклюзіўны від вагонаў рыхтуюцца выпусціць у Магілёве
«Магілёўскі вагонабудаўнічы завод» ужо вясной выпусціць новы від прадукцыі –платформы для перавозкі кантэйнераў. Аналагаў такім вагонам няма на ўсёй постсавецкай прасторы. На дадзены момант канструктары працуюць над мадэллю. Увасобіць ідэю ў жыццё плануюць у сакавіку–красавіку 2020 года. І разам з новым відам прадукцыі на прадпрыемстве маюць намер выйсці на рынак Балтыі і Усходняй Азіі. Ёсць ідэя наладзіць сумесную вытворчасць з мангольскімі калегамі. Там патрэба ў рухомым саставе каласальная. І нашы вытворцы гатовыя пастаўляць у краіну Усходняй Азіі камплекты для зборкі.
Выстава народнага майстра Беларусі Вольгі Сыцікавай адкрыецца 19 лютага ў Магілёве
Выстава народнага майстра Беларусі Вольгі Сыцікавай «Беларусь мая сінявокая» адкрыецца 19 лютага ў Магілёве ў межах рэгіянальнага семінара-практыкума «Тэндэнцыі развіцця беларускага народнага касцюма». Экспазіцыя на працягу двух тыдняў будзе размяшчацца ў абласным метадычным цэнтры народнай творчасці і культурна-асветнай працы. На выставе будуць прадстаўлены работы, выкананыя з лёну. Гэта пано з нацыянальнай сімволікай, лялькі ў традыцыйных беларускіх касцюмах, анёлачкі, фігуркі жывёл, вымпелы, дэкаратыўныя сурвэткі, сюжэтныя кампазіцыі і многае іншае.
Бясплатную бізнэс-школу «Я сама» правялі ў Магілёве
Як абудзіць крэатыўнасць, пазбегнуць памылак і стаць больш упэўненай ў сабе, расказалі жанчынам у Магілёве падчас трэнінгаў у бясплатнай бізнэс-школе «Я сама». Яе ўдзельніцамі стала каля 80 жанчын з Магілёва, Бабруйска, Мсціслава, Мінска, Гомеля.
Абноўленую дарогу Магілёў–Чавусы адкрыюць восенню
Буйны будаўнічы праект плануюць завяршыць у Магілёве гэтай восенню. Рэканструкцыя на аўтадарозе ад Магілёва ў чавускім кірунку займае 5,5 кіламетраў. 13 тыс. машын за суткі праязджае па трасе Магілёў–Чэрыкаў–Касцюковічы. Дарога, у народзе названая чавускай, даўно мела патрэбу ў рамонце:была занадта вузкай для сучаснага патоку машын. І вось надышоў яе час. На гэтым участку будуць 4 паласы руху і 2 падземныя пераходы.
Ванэса Каладзінская заваявала золата на ЧЕ па жаночай барацьбе ў Рыме
Ванэса Каладзінская (вагавая катэгорыя 53 кг) заваявала залаты медаль чэмпіянату Еўропы па барацьбе ў італьянскім Рыме. У фінальным паядынку беларуска аказалася мацнейшай за спартсменку з Нідэрландаў Есіка Бласка. На трэцяй пазіцыі выніковага пратакола размясціліся расіянка Стальвіра Аршуш і немка Аніка Вендле. Беларуска Ірына Курачкіна (57 кг) стала трэцяй на гэтым турніры. Трэнерскі штаб зборнай Беларусі на чэмпіянаце Еўропы разлічвае як мінімум на чатыры ўзнагароды ў трох відах праграмы (грэка-рымскай, жаночай і вольнай). Завершацца спаборніцтвы 16 лютага.
Аўтарытэт выдання фарміруе якасць інфармацыі – Аляксандр Карлюкевіч
Аўтарытэт выдання фарміруе якасць прапанаванай чытачам інфармацыі. На гэта звярнуў увагу ў гутарцы з журналістамі міністр інфармацыі Аляксандр Карлюкевіч, які прымаў удзел у выніковай калегіі галоўнага ўпраўлення ідэалагічнай работы і па справах моладзі Магілёўскага аблвыканкама.
Рэспубліканскі форум МААП «Служым #раЗАм» пройдзе 18–19 лютага ў Магілёве
Рэспубліканскі форум для ўдзельнікаў руху моладзевых атрадаў аховы правапарадку «Служым #раЗАм» пройдзе 18–19 лютага ў Магілёве, паведаміла сакратар Цэнтральнага камітэта Беларускага рэспубліканскага саюза моладзі Аляксандра Ганчарова. «Удзельнікамі форума стане 60 прадстаўнікоў МААП з усіх рэгіёнаў краіны, а таксама сакратары галіновых камітэтаў і першасных арганізацый БРСМ сілавых структур і профільных устаноў адукацыі. Яго мэта –пазнаёміць моладзь з працай МУС, МНС, службай ва Узброеных Сілах», – паведаміла Аляксандра Ганчарова.
Больш за 200 спартсменаў з пяці краін прыме ўдзел у турніры па спартыўнай акрабатыцы «Кіндар-сюрпрыз» у Магілёве
Адкрыты традыцыйны рэспубліканскі турнір па спартыўнай акрабатыцы «Кіндар-сюрпрыз» пройдзе 2–7 сакавіка ў Палацы гімнастыкі Магілёва. Пра гэта паведамілі ў гарадской СДЮШАР «Багіма» імя А. Г. Мішчанкі.
Аўтарытэт мясцовых органаў улады шмат у чым залежыць ад інфармацыйнай працы саміх кіраўнікоў і дзяржаўных СМІ – Кацярына Музычэнка
Аўтарытэт мясцовых органаў улады шмат у чым залежыць ад інфармацыйнай працы саміх кіраўнікоў і дзяржаўных СМІ. На гэта звярнула ўвагу, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
У трэцім працоўным семестры рознымі відамі занятасці ў Магілёўскай вобласці ахоплена больш за 11 тыс. маладых людзей
У трэцім працоўным семестры рознымі відамі занятасці ў Магілёўскай вобласці ахоплена больш за 11 тыс. маладых людзей. Пра гэта паведаміла, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
У 2019 годзе на рамонт і добраўпарадкаванне воінскіх пахаванняў у Магілёўскай вобласці выдаткавалі больш за Br720 тыс.
У Магілёўскай вобласці знаходзіцца 1641 воінскае пахаванне і 660 памятных знакаў, якія ўвекавечваюць памяць абаронцаў Айчыны і ахвяр войнаў. На іх рамонт і добраўпарадкаванне у 2019 годзе выдаткавалі больш за Br720 тыс. Палова гэтых сродкаў паступіла з пазабюджэтных крыніц, як паведаміла, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
За 2019 год у Магілёўскай вобласці правялі больш за 44 тыс. сустрэч з насельніцтвам у розных фарматах
Вывучэнне меркавання насельніцтва, выяўленне і аператыўнае інфармаванне органаў улады аб наяўнасці праблемных пытанняў на месцах – адзін з галоўных кірункаў ідэалагічнай працы. На гэта звярнула ўвагу, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
У Магілёўскай вобласці вызначылі пераможцаў агляду-конкурсу каманд падтрымкі «Піянерскія іскры»
У Магілёўскай вобласці вызначылі пераможцаў агляду-конкурсу каманд падтрымкі «Піянерскія іскры». Пра гэта паведаміла старшыня Магілёўскага абласнога савета ГА «БРПА» Алена Малдаванава.
Важна чуць і бачыць праблемы жыхароў беларускай глыбінкі –Андрэй Кунцэвіч
Важна чуць і бачыць праблемы жыхароў беларускай глыбінкі – такое меркаванне выказаў намеснік кіраўніка Адміністрацыі Прэзідэнта Андрэй Кунцэвіч падчас выязнога прыёму ў Быхаве.
Пра здароўе, транспарт і сацыяльныя паслугі – Андрэй Кунцэвіч сустрэўся з жыхарамі вёскі Косічы
Пытанні аховы здароўя, транспартных зносін і даступнасць сацыяльных паслуг абмеркаваў на сустрэчы з жыхарамі вёскі Косічы Быхаўскага раёна намеснік кіраўніка Адміністрацыі Прэзідэнта Рэспублікі Беларусь Андрэй Кунцэвіч.
Першы праект з праграмы мерапрыемстваў па інтэграцыі БелАЭС у энергасістэму рэалізаваны ў Касцюковічах
Першы праект з праграмы мерапрыемстваў па інтэграцыі БелАЭС у энергасістэму рэалізаваны ў Касцюковічах. Тут у новай кацельні з’явіўся электракацёл на 10 МВт. Пра гэта падчас пашыранай калегіі Мінэнерга распавёў міністр ведамства Віктар Каранкевіч. Паводле яго слоў, усяго плануецца рэалізаваць такія праекты на 19 аб’ектах энергасістэмы краіны. Іх сумарная магутнасць складзе 836 МВт.
Галоўная тэма АДІ ў лютым –«Транспартны комплекс Рэспублікі Беларусь: стан і перспектывы яго развіцця»
Адзіны дзень інфармавання, які пройдзе 20 лютага ў гарадах і раёнах Магілёўскай вобласці, будзе прысвечаны транспартнаму комплексу Рэспублікі Беларусь.
IT-кластар ствараюць у Магілёўскай вобласці
У Магілёўскай вобласці ствараюць IT-кластар. Ён аб’яднае сістэму адукацыі ў сферы інфармацыйных тэхналогій, IT-кампаніі, сэрвісныя службы і прадпрыемствы, якія маюць патрэбы выкарыстання IT-тэхналогій, паведаміў дырэктар Магілёўскага агенцтва рэгіянальнага развіцця Яўген Якімаў. Адна з галоўных мэт стварэння кластара– вырашэнне праблемы недахопу кваліфікаваных кадраў у сферы IT.
У Магілёўскім лясгасе з’явіцца лесасемянны цэнтр з аб’ёмам вырошчвання 3,5 млн дрэўцаў
Амаль шэсць працэнтаў пасадачнага матэрыялу ў Беларусі вырошчваецца з закрытай каранёвай сістэмай (ЗКС). Пра гэта расказаў міністр лясной гаспадаркі Віталь Дрожжа падчас выніковай калегіі ведамства. Ён адзначыў, што ўсяго за 2019 год у гадавальніках вырашчана больш за 402 мільёны штук стандартнага пасадачнага матэрыялу. З іх з закрытай каранёвай сістэмай амаль 23 мільёны–гэта на 3 мільёны больш, чым у 2018 годзе. Па выніках гэтага года паказчыкі ЗКС падрастуць: у Магілёўскім лясгасе з’явіцца лесасемянны цэнтр з аб’ёмам вырошчвання 3,5 мільёна дрэўцаў.
У Магілёве зладзілі сустрэчу з папулярнымі беларускімі блогерамі
Адзін з перспектыўных напрамкаў сучаснай камунікацыі–блогінг. У Магілёве зладзілі сустрэчу з папулярнымі інтэрнэт-мысліўцамі для тых, хто толькі хоча завесці сваю старонку ў Інтэрнэце. Паводле звестак сацапытанняў, кожны трэці падлетак марыць стаць папулярным у Інтэрнэце. І магілёўскія блогеры падзяліліся з падлеткамі сваімі сакрэтамі. Акрамя механізмаў папулярызацыі старонак у сацыяльных сетках, стваральнікі ўласных кантэнтаў падказалі, як выбраць паспяховую тэму, падзяліліся сваімі гісторыямі.
Па вуліцах Магілёва курсіруе таксі бяспекі
З пачатку лютага ў Магілёве курсіруе незвычайнае таксі. Да звыклых «шашачак» дадаўся надпіс «Таксі бяспекі». Пра гэта паведаміла старшы інспектар абласнога ўпраўлення МНС Вольга Нехарошых.
У Магілёўскім раёне дзецям прывіваюць беларускія традыцыі
Каб пазнаёміць дзяцей з нацыянальнымі традыцыямі, у яслях-садзе аграгарадка Раманавічы Магілёўскага раёна зладзілі «Беларускія вячоркі». Пра традыцыі беларускіх вячорак расказвалі педагогі і самі малыя з дапамогай народных песень, танцаў, прыказак і прымавак. Так калектыў выхавальнікаў імкнецца прывіць дзецям любоў да беларускай культуры.
Турыстычны комплекс над Дняпром плануюць пабудаваць у Магілёве
Турыстычны комплекс на беразе Дняпра плануюць пабудаваць у Магілёве. Праект прадставіў начальнік упраўлення архітэктуры і горадабудаўніцтва Магілёўскага гарвыканкама Уладзімір Скачак. «Будучы комплекс будзе пабудаваны ў парку Падніколле. Ён размесціцца на беразе Дняпра, а тэраса будзе размешчана прама над вадой. Будынак будзе трохпавярховым, што дазволіць размеркаваць патокі гасцей», –заўважыў Уладзімір Скачак.
Больш за Br240 тыс падаткаў недаплаціла ў бюджэт магілёўскае таварыства з абмежаванай адказнасцю
Больш за Br240 тыс падаткаў недаплаціла ў бюджэт магілёўскае таварыства з абмежаванай адказнасцю, якое займаецца вытворчасцю і ўстаноўкай вокнаў і рамонтна-будаўнічымі работамі. Гэты факт выявілі работнікі ўпраўлення Дэпартамента фінансавых расследаванняў Камітэта дзяржкантролю па Магілёўскай вобласці, паведаміла намеснік начальніка ўпраўлення Святлана Каладзістая.
Стаўка рэфінансавання з 19 лютага зніжаецца да 8,75%
Стаўка рэфінансавання з 19 лютага зніжаецца з 9% да 8,75% гадавых, стаўка па крэдыце овернайт –з 10% да 9,75% гадавых, стаўка па дэпазіце овернайт – з 8% да 7, 75% гадавых. Такая інфармацыя размешчана на сайце Нацыянальнага банка. Адпаведныя рашэнні прыняты праўленнем Нацбанка па выніках сённяшняга пасяджэння па грашова-крэдытнай палітыцы. Наступнае пасяджэнне запланавана на 13 мая 2020 года. У мінулы раз стаўка рэфінансавання ў Беларусі была зніжана 20 лістапада – з 9,5% да 9% гадавых.
Марлевыя павязкі пачалі выпускаць на швейным прадпрыемстве «Славянка» ў Бабруйску
Марлевыя павязкі пачалі вырабляць на швейным прадпрыемстве ААТ «Славянка» ў Бабруйску. Пра гэта паведаміў дырэктар ААТ «Славянка» Тэймураз Бачарышвілі.
За 2019 год у Магілёўскай вобласці выяўлена 203 новыя выпадкі ВІЧ-інфекцыі
За 2019 год у Магілёўскай вобласці выяўлены 203 новыя выпадкі ВІЧ-інфекцыі (2018-ы –210). Паказчык захворвання складае 19,3 на 100 тыс. насельніцтва і застаецца на ўзроўні мінулага года, паведамілі ў абласным цэнтры гігіены, эпідэміялогіі і грамадскага здароўя. За перыяд статыстычнага ўліку, які вядзецца з 1987 года, у рэгіёне зарэгістравана 1955 выпадкаў ВІЧ-інфекцыі. Зараз у вобласці пражывае 1579 чалавек з такім статусам. Паказчык распаўсюджанасці складае 150 на 100 тыс.насельніцтва.