Зборная Магілёўскай вобласці заняла другое месца ў агульнакамандным заліку на першынстве Беларусі па стральбе з лука

У Брэсце правялі першынство Беларусі па стральбе з лука сярод юніёраў і юніёрак, юнакоў і дзяўчат. За ўзнагароды змагаліся больш за 90 спартсменаў у складзе зборных каманд абласцей і Мінска.

У агульнакамандным заліку прадстаўнікі Магілёўскай вобласці занялі другое месца. У асабістым заліку пераможцам турніру стаў Станіслаў Барлюгоў (сярод юніёраў), бронзавыя ўзнагароды выйгралі Аліна Змітровіч (юніёркі) і Рэнат Лысоў (юнакі). Акрамя таго, першыя месцы занялі каманда юнакоў і змешаная каманда юніёраў, другія – каманда юніёраў і юнацкая змешаная каманда, трэція – каманда юніёрак і каманда дзяўчат.

Пераможцамі першынства ў агульнакамандным заліку сталі лучнікі Брэсцкай вобласці, на трэцім месцы мінчане.

mogilevnews.by