Канферэнцыя «Духоўнасць.Моладзь.Ініцыятыва» адбудзецца 7 снежня ў Магілёве

V моладзевая канферэнцыя «Духоўнасць.Моладзь.Ініцыятыва» ў межах XVI абласных Свята-георгіеўскіх адукацыйных чытанняў» «Глабальныя выклікі сучаснасці і духоўны выбар чалавека», прысвечаных Году гістарычнай памяці і 1030-годдзю Праваслаўя ў Беларусі, пройдзе ў Магілёўскім абласным краязнаўчым музеі імя Е. Р. Раманава». Пра гэта паведамілі ў Магілёўскім АК «БРСМ», які выступае арганізатарам мерапрыемства.

У канферэнцыі прымуць удзел прадстаўнікі студэнцкай і працоўнай моладзі Магілёўскай вобласці. Сярод асноўных тэм – духоўныя асновы грамадзянска-патрыятычнага выхавання, актуальныя пытанні духоўнасці і маральнасці для моладзі, вывучэнне гісторыі Магілёўшчыны, рэалізацыя інтэрактыўных праектаў.

Завершыцца сустрэча экскурсіяй «Гісторыя Магілёўскага краю з IX стагоддзя да 1917 г.».

Рэд.