Прадстаўнікі Магілёўскай вобласці заваявалі ўзнагароды на першынстве Беларусі па настольным тэнісе

У Мінску завяршылася першынство Беларусі па настольным тэнісе сярод юнакоў і дзяўчат 2008 года нараджэння і маладзей. У турніры прынялі ўдзел 48 спартсменаў з усіх абласцей краіны і Мінска.

На рахунку прадстаўнікоў Магілёўскай вобласці 1 залатая, 1 сярэбраная і 2 бронзавыя ўзнагароды. Залаты медаль у міксце выйграла магіляўчанка Сафія Белясава ў пары з Аляксеем Рабушкам з Гродна. У парным разрадзе ў дзяўчат дуэт у складзе Сафіі Белясавай і Соф'і Капыловай (Мінск) заваяваў сярэбраную ўзнагароду. Уладальнікам бронзавай узнагароды ў адзіночным разрадзе ў юнакоў стаў Арцём Чарнушын (Бабруйск). Яшчэ адзін бронзавы медаль бабруйчане Арцём Чарнушын і Сяргей Агрэніч выйгралі ў парным разрадзе ў юнакоў.

mogilevnews.by