Міжвузаўскі турнір па самба збярэ ў Магілёве каля 100 спартсменаў

У Магілёве пройдзе адкрыты міжвузаўскі турнір па самба, прысвечаны 78-годдзю Перамогі савецкага народа ў Вялікай Айчыннай вайне. Пра гэта расказала інструктар па фізічнай культуры спартыўнага клуба Беларуска-Расійскага ўніверсітэта Марыя Сяржук.

 

Спартыўныя спаборніцтвы стартуюць 18 мая і завершацца 20 чысла. Яны збяруць каля 100 удзельнікаў ва ўзросце ад 18 гадоў. За прызы будуць змагацца прадстаўнікі беларускіх і расійскіх ВНУ. У Магілёве чакаюць удзельнікаў з Масквы, Архангельска і Ніжняга Ноўгарада. Беларусь прадставяць сам БРУ, БДУТ, Магілёўскі інстытут МУС, БДПУ і ПДУ.

 

Урачыстае адкрыццё спаборніцтваў адбудзецца 19 мая ў 11.00 у спартыўнай зале Беларуска-Расійскага ўніверсітэта, 20 мая запланаваны фінальныя сутычкі і ўшаноўванне пераможцаў. Спартсменаў, якія занялі прызавыя месцы, узнагародзяць медалямі, дыпломамі і памятнымі прызамі.