Танцавальны флэшмоб і яркі паказ: у Магілёўскім тэатры лялек адзначаць Дзень абароны дзяцей

У Магілёўскім абласным тэатры лялек падрыхтавалі святочную праграму да Дня аховы дзяцей. Пра гэта паведамілі ва ўстанове культуры.

Свята «Смех і радасць мы прыносім людзям» для дзяцей і іх бацькоў адбудзецца 1 чэрвеня. На адкрытай пляцоўцы каля тэатра лялек пройдзе яркая і вясёлая імпрэза, у праграме якой - выступленне хадулістаў, танцавальны флэшмоб, гульні і мыльныя бурбалкі. Галоўнымі героямі мерапрыемства стануць капітан Добры Настрой і лейтэнант Весялосць.

Пасля насычанай вулічнай праграмы на сцэне тэатра пройдзе паказ спектакля «Самы маленькі самалёт на свеце». Гледачам раскажуць хвалюючую гісторыю аб самалёце, які быў не падобным на іншых. Галоўны герой церпіць насмешкі і крыўды ад навакольных з-за свайго памеру, аднак не здаецца. Ён знаходзіць у сабе сілы пераадолець уласныя страхі і жыццёвыя цяжкасці.

БЕЛТА