Моладзь Магілёўшчыны прыме ўдзел у акцыі па аднаўленні лясоў

Актыў саюза моладзі 24 кастрычніка возьме ўдзел у маштабнай грамадскай акцыі па аднаўленні лясоў «Дай лесу новае жыццё». Пра гэта расказалі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Маладыя людзі адправяцца на спецыяльна падрыхтаваны ўчастак, дзе пасадзяць саджанцы іглічных парод.

«Сіламі актывістаў БРСМ будуць высаджаны хвоі і елкі. Гэтыя пароды з'яўляюцца асноўнымі лесаўтваральнымі відамі для нашага рэгіёну і адыгрываюць ключавую ролю ў падтрыманні экалагічнага балансу», - пракаментавалі ў моладзевай арганізацыі.

Мэта акцыі як непасрэдны ўклад у павелічэнне зялёнага фонду вобласці, так і прыцягненне ўвагі грамадскасці, асабліва моладзі да пытанняў беражлівых адносін да лясных рэсурсаў і захавання прыроднай спадчыны для будучых пакаленняў.

Даведачна: Рэспубліканская добраахвотная грамадская акцыя «Дай лесу новае жыццё» - гэта яшчэ адзін крок у рэалізацыі дзяржаўнай праграмы па захаванні і прымнажэнні лясоў Беларусі і прадоўжыць добрую традыцыю маладзёжных экалагічных ініцыятыў.

Рэд.