Сумесная абласная акцыя БРСМ і ДАІ па прафілактыцы пешаходнага траўматызму стартуе ў Магілёве 5 лютага. Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі».
Аперацыя «Пешаход» ахопіць усе раёны Прыдняпроўскага краю. Да 8 лютага ўключна інспектары Дзяржаўтаінспекцыі рэгіёна сумесна з байцамі моладзевых атрадаў аховы правапарадку будуць патруляваць нерэгулюемыя пешаходныя пераходы, прыпынкі грамадскага транспарту, участкі аўтамабільных дарог і вуліц, найбольш схільныя рызыцы здзяйснення наездаў на пешаходаў.
Першым аб’ектам кантролю стане вуліца Першамайская. Акцыя, накіраваная на зніжэнне пешаходнага траўматызму і прапаганду бяспекі дарожнага руху, пройдзе тут 5 лютага з 12.00 да 15.00.
Рух МААП, заснаваны ў 2004 годзе, з’яўляецца адным з вядучых напрамкаў дзейнасці ГА «БРСМ». У Магілёўскай вобласці ён аб’ядноўвае амаль 2,7 тыс. юнакоў і дзяўчат у 209 атрадах. Пачынаючы з 2012 года, 6 верасня адзначаецца Дзень маладзёжных атрадаў аховы правапарадку.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.05.2024 - 09:46
«Адзін аднаму падтрымка і апора». Конкурс студэнцкіх сем'яў «Шчаслівыя разам» стартаваў у Магілёве
16.05.2024 - 15:57
Абласны тур рэспубліканскай інтэлектуальна-прававой гульні пройдзе ў Магілёве 18 мая
16.05.2024 - 11:41