Магілёўскі плывец Рыгор Пякарскі стаў уладальнікам бронзавага медаля на дыстанцыі 50 м батэрфляем на Сусветнай летняй універсіядзе ў Неапалі (Італія). Пра гэта паведамілі ў прэс-цэнтры Міністэрства адукацыі.
Студэнт МДУ імя А.А. Куляшова пераадолеў адлегласць за 23,47 сек. У фінале Рыгор Пякарскі ўстанавіў асабісты рэкорд, саступіўшы толькі срэбнаму прызёру універсіяды Юю Танаку з Японіі – 23,35 сек. і залатому медалісту з Аўстрыі Янгу Вільму – 23,32 сек.
Як прызнаўся 21-гадовы спартсмен пасля выступлення, ён застаўся задаволены вынікам, бо да гэтага медаля вельмі доўга ішоў. Сезон для Рыгора быў няпростым. Разам з трэнерам Ігарам Макеевым праведзена велізарная праца, вырашаны праблемы з тэхнікай.
Дарэчы, Пякарскі ўстанавіў асабісты рэкорд ужо ў паўфінале – 23,73 сек., а ў фінале абнавіў яго. Гэта вынік сусветнага класу, практычна кваліфікацыйны нарматыў на чэмпіянат свету, які хутка стартуе ў карэйскім Кванджу.
Сёння Рыгор выступіць на алімпійскай дыстанцыі 100 м батэрфляем.
XXX Сусветная летняя ўніверсіяда працягнецца да 14 ліпеня. У прэстыжных спаборніцтвах прымаюць удзел каля 6 тыс. спартсменаў з амаль 120 краін. Спаборніцтвы праходзяць па 18 відах спорту. Будуць разыграны 222 камплекты медалёў. У склад беларускай спартыўнай дэлегацыі ўвайшлі 45 спартсменаў з 9 ВНУ краіны. Ад Магілёўскай вобласці на ўніверсіяду адправіліся прадстаўнікі МДУ імя А.А. Куляшова Рыгор Пякарскі (плаванне), Анастасія Родзькіна і Анатоль Гомелеў (лёгкая атлетыка).
Фота – Міністэрства адукацыі
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23