Каманда Каменскага псіханеўралагічнага дома-інтэрната заняла першае месца ў абласной спартакіядзе «Спорт для ўсіх»

У Магілёўскім абласным цэнтры алімпійскага рэзерву па лёгкай атлетыцы і гульнявых відах спорту адбылася спартакіяда «Спорт для ўсіх» сярод грамадзян, якія пражываюць у дамах-інтэрнатах рэгіёна.

У спаборніцтве прыняло ўдзел каля 90 чалавек, якія прадстаўлялі каманды 9 дамоў-інтэрнатаў. Яны змагаліся ў пяці відах спорту: шашкі, настольны тэніс, міні-футбол, лёгкая атлетыка, эстафета.

Па выніках спартакіяды першае месца заняла каманда Каменскага псіханеўралагічнага дома-інтэрната, другое – спартсмены Вясноўскага дома-інтэрнат для дзяцей інвалідаў з асаблівасцямі псіхафізічнага развіцця, трэцяе – дружына Хоцімскага псіханеўралагічнага дома-інтэрната.