Абласны фестываль фальклорнага мастацтва «Скарбніца Падняпроўя» стартуе ў Магілёве. Пра гэта паведамілі ў Магілёўскім абласным метадычным цэнтры народнай творчасці і культурна-асветнай працы.
Першы этап мерапрыемства пад назвай «Галасы Падняпроўя» пройдзе 15 красавіка ў 17.30 у канцэртнай зале «Магілёў». У ім возьмуць удзел дзіцячыя і дарослыя фальклорныя калектывы, а таксама салісты ўстаноў культуры вобласці.
«Канцэрт будзе падзелены на чатыры блокі па часах года, – расказалі суразмоўцы. – У кожнай частцы выступоўцы выканаюць адноўленыя і папулярныя аўтэнтычныя песні. Некаторыя будуць абыграны абрадамі народнага календара беларусаў».
Як адзначылі арганізатары, фестываль праводзіцца ў тры этапы. Ужо адбыліся адборачныя відэатуры. Другі этап уключае ў сябе тэматычныя святы-канцэрты «Галасы Падняпроўя» і «Гумар Падняпроўя», а таксама этнадыскатэку «Танцуем па-беларуску». Трэці–заключныя мерапрыемствы агляду.
Дарэчы, у рэпертуары свята–тэматычныя канцэрты, семінары-практыкумы, прысвечаныя традыцыйнай народнай творчасці беларусаў, творчае спаборніцтва па прынцыпе «хто каго ператанцуе, хто каго пераспявае», майстар-класы, фальклорныя танцавальныя, гумарыстычныя вечарынкі і іншае.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»