ПереводчикАрхіў навін
Натарыусы Магілёўскай вобласці ў чэрвені працягнуць кансультаваць бясплатна, паведамляецца на сайце Беларускай натарыяльнай палаты.
Рашэнне аб падаўжэнні акцыі па бясплатным кансультаванні грамадзян у выдаленым фармаце прынята для абароны насельніцтва ад магчымых рызык заражэння каранавіруснай інфекцыяй COVID-19 і захавання рэкамендацый па фізічным дыстанцыяванні.
У Магілёўскай вобласці летам плануецца аздаравіць з выкарыстаннем дзяржаўных сродкаў 44,6 тыс. дзяцей і падлеткаў: у кругласутачных лагерах – 17 971 школьніка, дзённых – 26 629. У тым ліку ёсць магчымасць паправіць здароўе 2 120 дзецям-сіротам і дзецям, якія засталіся без апекі бацькоў, 580 дзецям-інвалідам, паведамілі ў галоўным упраўленні па адукацыі аблвыканкама.
МНС Магілёўскай вобласці запусціў чэлендж «30 дзён бяспекі». Пра гэта паведамілі ў ведамстве.
«Кажуць, што звычка фарміруецца на працягу 21 дня. Мы прапануем бацькам і дзецям разам выпрацаваць новую мадэль паводзін – жыць бяспечна, – адзначылі суразмоўцы. – Для гэтага неабходна кожны дзень выконваць заданні нашага новага чэленджа “30 дзён бяспекі”».
Што трэба зрабіць?
Выконваць сацыяльную дыстанцыю і абавязкова насіць маскі ў грамадскіх месцах заклікаюць эпідэміёлагі жыхароў Магілёўскай вобласці.
ТРК «Магілёў»
Акцыя «Дзень посткросера» пройдзе 5 чэрвеня ва ўсіх аддзяленнях паштовай сувязі Беларусі, паведамляецца на сайце РУП «Белпошта».
Выстава дзіцячых малюнкаў «З мараю пра лета...» адкрываецца сення ў Магілёўскім абласным мастацкім музеі імя П.В. Масленікава. Аб гэтым расказалі ва ўстанове культуры.
Віртуальная пляцоўка для заняткаў на вакацыях «Цэнтрыфуга» адкрылася ў Цэнтры дадатковай адукацыі дзяцей і моладзі Бабруйска.
Гэта пляцоўка створана ў першую чаргу для тых, хто праводзіць канікулы ва ўмовах абмежавання кантактаў. Яна будзе працаваць двойчы на тыдзень: па панядзелках і пятніцах з 10:00 да 12:00. І гэта не толькі гутаркі і хвілінкі бяспекі ад розных службаў, але майстар-класы і нават танцавальныя батлы. Тыя, хто прапусціць жывы эфір, атрымае спасылку ў Instagram.
Навучэнцы Магілёўскай дзяржаўнай гімназіі-каледжа мастацтваў сталі ўладальнікамі ўзнагарод спецыяльнага фонду Прэзідэнта Рэспублікі Беларусь па падтрымцы таленавітай моладзі. Пра гэта паведаміла намеснік дырэктара па вучэбнай рабоце Наталля Алісеева.
Загарадныя аздараўленчыя лагеры ў Магілёўскай вобласці пачнуць прымаць дзяцей не раней за 15 чэрвеня. Тэрміны лагерных змен прыйшлося зрушыць праз эпідэмічную абстаноўку. Пра гэта паведаміў начальнік прадстаўніцтва «Магілёўскае абласное ўпраўленне Рэспубліканскага цэнтра па аздараўленні і санаторна-курортным лячэнні насельніцтва» Юрый Яфімаў.
Фермерская гаспадарка Васіля Зайцава ў вёсцы Махава – самая буйная ў Магілёўскім раёне. А пачыналася ўсё ў 90-х з невялікага ўчастка зямлі, дзе працавалі два чалавекі.
Новы від прадукцыі – тактыльныя паказальнікі з нержавейнай сталі для невідушчых і людзей з аслабленым зрокам – пачалі выпускаць на ўнітарным прадпрыемстве «Тифлос» ГА «Белтіз» у Магілёве. Пра гэта паведаміў намеснік галоўнага інжынера прадпрыемства Віктар Ганакоў.
Прамую тэлефонную лінію правядзе 9 чэрвеня намеснік старшыні камітэта эканомікі Магілёўскага аблвыканкама Павел Леанідавіч Марыненка.
Магілёўскі абласны драматычны тэатр аднаўляе працу і ў чэрвені адкрывае новы сезон, 133-ы па ліку. Трупа ўжо прыступіла да рэпетыцый пасля працоўнага адпачынку, паведаміла кіраўнік літаратурна-драматургічнай часткі ўстановы культуры Вольга Семчанка.
Батанічны сад Беларускай дзяржаўнай сельскагаспадарчай акадэміі ў Горках можна назваць самым летнім месцам краіны. Упершыню за 40-гадовую гісторыю аранжарэі тут заквітнеў і прынёс плён банан.
Праўда, паспеюць бананы толькі восенню. Але і акрамя іх у садзе ёсць чым палюбавацца. У аранжарэі круглы год цёпла і зелена. Больш трох з паловай сотняў раслін, якія звычайна растуць у тропіках і пустынях, сабрана з усяго свету.
Тры месяцы летніх канікул – час пік дзіцячага траўматызму. Яго галоўныя прычыны – цікаўнасць дзяцей і няўважлівасць дарослых.
Заканчэнне школьнага года другакласніца Лера запомніць надоўга. У бальніцу яна трапіла, гуляючы на дзіцячай пляцоўцы. Юная спартсменка (займаецца дзюдо), смелая і адважная, не ўтрымалася на турніку. У шпіталі ўрачы фіксуюць пералом і накладваюць гіпс.
Такіх гісторый у аддзяленні могуць расказаць шмат. 150 выпадкаў за мінулыя выхадныя. А за ўсё лета дзіцячых траўмаў тут неяк налічылі аж сем тысяч.
Магілёўская абласная філармонія запускае музычны анлайн-марафон у падтрымку медыцынскіх работнікаў «Рукі, якія даруюць жыццё». Пра гэта паведаміла рэжысёр установы культуры Яніна Даніленка.
Медыкаў, якія лечаць хворых на каранавірус, у Горках падтрымліваюць рознымі акцыямі – ад збору сродкаў да творчых флэшмобаў.
У Горацкай дзіцячай школе мастацтваў і мастацкіх рамёстваў ствараюць актуальны хэштэг «дзякуйдоктар». Кожнаму вучню даверана адна літара. Самаму малодшаму мастаку – 6 гадоў, самаму старэйшаму – 12. Дзеці не сумняваюцца, што іх творчасць падыме медыкам настрой.
5 пажараў адбылося за выхадныя ў вобласці, адзін ледзь не скончыўся гібеллю. Пра гэта паведаміла старшы інспектар абласнога ўпраўлення МНС Вольга Нехарошых.
Беларускі рэспубліканскі саюз моладзі запрашае паўдзельнічаць у фотаконкурсе «Сэлфі & фота з вышыванкай», паведаміла загадчык цэнтра інфармацыйных і сацыяльных тэхналогій Цэнтральнага камітэта БРСМ Наталля Сталпінская.
У Беларусі на 1 чэрвеня выздаравелі і выпісаны 18 776 пацыентаў, у якіх раней быў пацверджаны дыягназ CAVID-19. Пра гэта паведамілі ў прэс-службе Міністэрства аховы здароўя.
Зарэгістраваныя 43 403 чалавекі са станоўчым тэстам на COVID-19. Усяго праведзена 553 377 тэстаў.
«За ўвесь перыяд распаўсюджвання інфекцыі на тэрыторыі краіны памерла 240 пацыентаў з шэрагам хранічных захворванняў з выяўленай каранавіруснай інфекцыяй», – праінфармавалі ў Міністэрстве аховы здароўя.
БЕЛТА
Прамую тэлефонную лінію правядзе 6 чэрвеня кіраўнік спраў Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У школах Беларусі сёння пачынаюцца выпускныя экзамены. Пра гэта паведамілі ў прэс-цэнтры Міністэрства адукацыі.
«Выпускныя экзамены па завяршэнні навучання і выхавання на II і III ступенях агульнай сярэдняй адукацыі пройдуць у перыяд з 1 па 9 чэрвеня. У 2020 годзе, як і ў папярэднія гады, тэксты і заданні будуць аб’яўляцца па тэлебачанні і радыё, размяшчацца на партале Міністэрства адукацыі», – расказалі ў ведамстве.
БЕЛТА
Алею Памяці ў гонар удзельнікаў войн XX стагоддзя адкрылі ў аграгарадку Семукачы Магілёўскага раёна. Яна стала часткай раней пасаджанага вяскоўцамі сквера, прысвечанага 75-годдзю Перамогі. Над стварэннем аб’екта, які стаў упрыгожваннем населенага пункта і адначасова данінай павагі тым, хто абараняў жыццё, працавалі як мясцовыя жыхары, так і іх былыя аднавяскоўцы.
Усе праблемы і цяжкасці павінны вырашацца мірным шляхам без шкоды для незалежнасці краіны. Такое меркаванне выказала намеснік старшыні Пастаяннай камісіі па міжнародных справах Палаты прадстаўнікоў Вольга Петрашова.
Калектывам УК «Магілёўскі абласны драматычны тэатр» і УК «Магілёўская гарадская капэла» прысвоена званне «Заслужаны калектыў Рэспублікі Беларусь». Пра гэта паведамілі ў Магілёўскім аблвыканкаме.
У Магілёўскім кадэцкім вучылішчы прайшоў выпускны. Героямі ж урачыстасці стала 37 кадэтаў, якія скончылі 11 класаў.
Новыя цэны на газ і тарыфы на электраэнергію дзейнічаюць у Беларусі з 1 чэрвеня. Гэта прадугледжана пастановай Савета Міністраў ад 28 снежня 2019 года № 933.
У панядзелак, 8 чэрвеня, камітэт па працы, занятасці і сацыяльнай абароне Магілёўскага аблвыканкама правядзе прамую лінію па ўсіх напрамках дзейнасці.
На пытанні, якія адносяцца да кампетэнцыі камітэта, адкажуць:
Святлана Пятроўна Тарасенка, старшыня камітэта, з 12.00 да 13.00 па тэлефоне 32 67 42;
Аляксандр Цімафеевіч Крыкуноў, першы намеснік старшыні камітэта, курыруе пытанні сацыяльна-працоўных адносін і заработнай платы, аховы працы і дзяржаўнай экспертызы, з 11.00 да 12.00 па тэлефоне 32 67 78;
Паслугу «Сацыяльнае таксі» запусцілі ў Магілёве. Бясплатна ёю могуць скарыстацца інваліды-калясачнікі Кастрычніцкага раёна.
Тройчы ў месяц можна з’ездзіць у паліклініку, двойчы – у банк, на вакзал, ва ўстановы сацыяльнай абароны ў межах горада. Сацыяльнае таксі бясплатнае не толькі для чалавека з інваліднасцю, але і для суправаджальніка яго асобы.
«Зала адной карціны» пачала працаваць у Магілёўскім абласным мастацкім музеі імя П. В. Масленікава. Першай гледачы ўбачаць карціну «Беларускія льны» Віктара Грамыкі.
Незвычайная выстава прымеркаваная да Міжнароднага дня музеяў. Паводле задумкі, адна карціна будзе размяшчацца ў камернай зале. Паглядзець яе зможа кожны наведвальнік. Знаёмства з мастацкім творам будзе суправаджацца адпаведнай атмасфернай музыкай і відэапрэзентацыяй.