ПереводчикАрхіў навін
Лёсаносная і значная дата для Бабруйска - 29 чэрвеня. У гэты дзень у 1944 годзе часці Першага Беларускага фронту пераможна завяршылі Бабруйскую наступальную аперацыю, вызваліўшы наш горад ад фашысцкай акупацыі. Прайшло 79 мірных гадоў. Змяняюцца пакаленні, і развіваецца горад на Бярэзіне. Бабруйчане свята шануюць памяць тых, хто не даваў літасці ворагу і заваяваў Перамогу, хто аднаўляў горад з руін у пасляваенны час.
У 2023 годзе будзе забяспечаны далейшы рост пенсій, паведаміла журналістам кіраўнік Фонду сацыяльнай абароны насельніцтва Міністэрства працы і сацыяльнай абароны Юлія Берднікава.
Паводле слоў Юліі Берднікавай, на выплату пенсій накіроўваецца за год каля 77 працэнтаў расходаў бюджэту Фонду сацыяльнай абароны насельніцтва. Па выніках 2022 года на гэтыя мэты было зрасходавана Br16,2 млрд., у 2023 годзе плануецца накіраваць каля Br18,8 млрд.
Прэзідэнт Беларусі Аляксандр Лукашэнка падпісаў указ нумар 197 «Аб спецыялізаваных ліцэях Міністэрства ўнутраных спраў», паведамілі у прэс-службе беларускага лідара.
У мэтах далейшага ўдасканалення сістэмы падрыхтоўкі кадраў для органаў унутраных спраў кіраўнік дзяржавы пастанавіў стварыць Магілёўскі спецыялізаваны ліцэй МУС.
Міністэрству ўнутраных спраў даручана да 1 мая 2024 года зацвердзіць статут, структуру, колькасць і штатны расклад ліцэя, да 1 ліпеня 2024 года - ажыццявіць прыём навучэнцаў і з 1 верасня арганізаваць адукацыйны працэс.
Новыя збожжаўборачныя камбайны папоўняць машынна-трактарны парк гаспадарак Мсціслаўскага раёна. 11 адзінак тэхнікі будуць набыты за сродкі абласнога бюджэту. Іх накіруюць у сельгасарганізацыі, дзе патрабуецца абнаўленне аўтапарка сельгастэхнікі. Яшчэ два камбайны за ўласныя сродкі ў лізінг да ўборачнай кампаніі набыло ААТ «Кастрычнік».
Тры пагадненні з Санкт-Пецярбургскім дзяржаўным універсітэтам і пагадненне аб уступленні ў Кансорцыум «Расійска-Беларускі універсітэцкі саюз «РАЗАМ» на базе Пскоўскага дзяржаўнага ўніверсітэта падпісаны БРУ па выніках удзелу ў Х Форуме рэгіёнаў Расіі і Беларусі.
Рэспубліканскае свята «Купалле» («Александрыя збірае сяброў») у Шклоўскім раёне наведаюць не менш як 70 тыс. чалавек. Пра гэта расказаў намеснік старшыні Магілёўскага аблвыканкама Валерый Малашка ў Доме прэсы падчас прэс-канферэнцыі па падрыхтоўцы і правядзенні мерапрыемства.
Маштабны рэспубліканскі праект «Прававы экспрэс» наведаў Магілёў. Акцыя адбылася на чыгуначным вакзале. Натарыусы і юрысты з Мінска, Магілёва, Гомеля ў зале чаканняў пасажыраў далі бясплатныя юрыдычныя кансультацыі ўсім ахвочым. Акцыя арганізавана да Дня Незалежнасці беларускай натарыяльнай палатай сумесна з Беларускай чыгункай і Саюзам жанчын.