ПереводчикАрхіў навін
У Рэспубліканскім цэнтры алімпійскай падрыхтоўкі «Стайкі» завяршыўся чацвёрты рэспубліканскі турнір па міні-футболе сярод непаўналетніх, адносна якіх праводзіцца індывідуальная прафілактычная работа, паведамілі ў прэс-службе МУС.
Каля 250 прадстаўнікоў сферы аховы здароўя прыбылі ў Магілёў на XVII з'езд хірургаў Рэспублікі Беларусь і навукова-практычную канферэнцыю з міжнародным удзелам «Хірургія Беларусі - стан і развіццё». На працягу двух дзён, 12 і 13 кастрычніка, вядучыя спецыялісты Беларусі і іх замежныя калегі абмяркуюць дасягненні і перспектывы развіцця гэтай галіны медыцыны, падзеляцца новымі напрацоўкамі ў лячэнні, абмяняюцца практычным досведам.
На ўрачыстасцях з нагоды 80-годдзя з дня бітвы пад Леніна знаёмімся з расіянінам Аляксандрам Макушыным. Член Асацыяцыі гісторыкаў Саюзнай дзяржавы, эксперт Расійскага ваенна-гістарычнага таварыства ў Леніна прыляцеў з Масквы. Упершыню. І ўбачанае тут яго ўразіла.
Памяць загінуўшых у бітве пад Леніна польскіх і беларускіх салдат ушанавалі ў Горацкім раёне. Сёння тут праходзяць урачыстыя мерапрыемствы да 80-годдзя гэтай памятнай даты.
Як канструктар лега збіраецца і разбіраецца. А яшчэ павялічвае прадукцыйнасць пчол, якім зручна ў «апартаментах» падвышанай камфортнасці. Дзевяцікласнік асіповіцкай сярэдняй школы №3 Кірыл Альховік прэзентуе вулей-трансформер, які распрацаваў разам з бацькам, а таксама настаўнікам хіміі і біялогіі Святланай Зайцавай.
У расейскай Саратаве з вайсковай пашанай перапахавалі 11 удзельнікаў Вялікай Айчыннай вайны. Да гэтага яны значыліся, як зьніклыя без вестак. Іх знайшлі сёлета ўдзельнікі пошукавага клуба «ВІККРУ» падчас пошукавай экспедыцыі каля вёскі Апалонаўка Шклоўскага раёна. Тут у 1941 годзе ішлі разлютаваныя баі за абарону Радзімы.
У конкурсе «Немагчымае магчыма» прынялі ўдзел 333 канкурсанты, у ліку якіх індывідуальныя выканаўцы ва ўзросце ад 4 да 18 гадоў з абмежаванымі магчымасцямі, а таксама творчыя калектывы - з Беларусі, Казахстана, Узбекістана, Татарстана, Чувашскай Рэспублікі, Маскоўскай, Тульскай абласцей і Санкт - Пецярбурга.
У гэтым годзе ў стабфонд Магілёўшчыны плануюць закласці больш яблыкаў. Аналіз паказаў, што ў насельніцтва ёсць попыт на гэтую прадукцыю. Усяго ў гаспадарках рэгіёну, якія займаюцца садоўніцтвам, плануюць сабраць больш за 11 тысяч тон яблыкаў. Ураджай спяшаюцца ўбраць да замаразкаў. У садах ААТ «Рассвет» пабывала здымачная група «Беларусь 4» Магілёў».
У Асіповічах прайшла навукова-практычная канферэнцыя на тэму «Актуальныя пытанні аўтаматызацыі кіравання падраздзяленнямі ва ўмовах актыўнага прымянення беспілотных авіяцыйных комплексаў і сродкаў барацьбы з імі». Падрабязнасці апублікаваны ў Telegram-канале Міністэрства абароны.
Канферэнцыя была арганізавана Ваеннай акадэміяй Беларусі. Удзел у ёй прыняў начальнік Генеральнага штаба Узброеных Сіл - першы намеснік міністра абароны генерал-маёр Віктар Гулевіч.
У Магілёўскай вобласці амаль 4,8 тыс. медыцынскіх работнікаў пабывалі сёлета ў турыстычных паездках па прафсаюзнай лініі. Аб гэтым паведамілі ў Магілёўскай абласной арганізацыі Беларускага прафсаюза работнікаў аховы здароўя.
Урачыстае адкрыццё XXVI Міжнароднага фестывалю анімацыйных фільмаў «Анімаёўка-2023» адбылося сёння ў кінатэатры «Радзіма». З 11 па 13 кастрычніка ў абласным цэнтры пройдуць паказы конкурсных і фестывальных праграм анімацыйных фільмаў, выставы, творчыя сустрэчы, майстар-класы, прэзентацыя анімацыйнага серыяла з Узбекістана. У апошні фестывальны дзень будуць падведзены вынікі і ўзнагароджаны пераможцы. У гэтым годзе на конкурс заяўлена 188 фільмаў з 30 краін свету, упершыню ўдзел прымаюць анімацыйныя работы з Перу, Парагвая, Катара.
Камітэт па працы, занятасці і сацыяльнай абароне Магілёўскага аблвыканкама паведамляе, што 13 кастрычніка з 15.00 да 16.00 будзе арганізавана прамая лінія па пытаннях дзяржаўнай падтрымкі сем'яў з дзецьмі, прымеркаванай да святкавання Дня маці і Дня бацькі.
На пытанні адкажа намеснік старшыні камітэта Святлана Віктараўна Сцяпанава па тэлефоне 8 (0222) 75 23 26.
Рэд.
Таццяна Аўсіенка, Алена Ланская, Міхаіл Мурамаў, Ірына Панароўская - не толькі сольна. На галоўных сцэнічных пляцоўках - зорныя госці і ансамблі. Творчыя майстэрні, сустрэчы, рэтра-дыскатэкі і прэс-канферэнцыі - амаль тыдзень горад будзе жыць у атмасферы яркага восеньскага свята.
Урачыстае адкрыццё фестывалю - 26 кастрычніка. На канцэртах чакаюць больш за шэсць тысяч гледачоў. Білеты - у продажы.
У Магілёўскай вобласці з 10 кастрычніка стартаваў ацяпляльны сезон. У першую чаргу пачынаюць грэць батарэі ва ўстановах сацыяльнай сферы: дзіцячых садах, школах, дамах-інтэрнатах, бальніцах, музеях, архівах, бібліятэках, а таксама гатэлях.
Завод раслінных алеяў - адно з галоўных харчовых прадпрыемстваў Бабруйска. У мінулым годзе, нягледзячы на санкцыі, завод нарасціў вытворчасць у тры з паловай разы. У гэтым годзе прадпрыемству спаўняецца 125 гадоў.
У Магілёве вядзецца ачыстка рэчышча ракі Дубравенка. Пра гэта паведаміў намеснік дырэктара камунальнага прадпрыемства «Магілёўзелянбуд» Дзмітрый Грышачка.
Ачыстка правага прытоку Дняпра пачалася каля двух з паловай тыдняў таму і будзе праходзіць да таго часу, пакуль дазваляюць умовы надвор'я. У рацэ сталі ўтварацца намывы і наносы - глеістыя навалы, гразевыя астраўкі, камяністыя адклады. Таксама засмечвае ваду прыбярэжная расліннасць - лісце і галінкі дрэў. У забруджаным рэчышчы расліннае смецце гніе, перашкаджае вольнаму адтоку вады.
Тыдзень бацькоўскага кахання ў Магілёве абяцае быць яркім на падзеі. 12 кастрычніка ў канферэнц-зале Музея гісторыі Магілёва адбудзецца ўрачысты прыём, прысвечаны Дню маці. А напярэдадні ў вежы гарадской Ратушы адкрыецца выстава-інсталяцыя «На прасторах роднай зямлі» магілёўскага фатографа Ігара Багамазава. Выставачная зала ўжо заўтра запрашае на выставу «Прастору міру і стварэння» – па выніках пленэру «Магілёў на палотнах расійскіх мастакоў». А на плошчы Адзінства разгарнулася галерэя пад адкрытым небам «Мой Магілёў: адзінства вобразаў скрозь час».
Незвычайная па сваім фармаце кніга аб абароне Магілёва ў гады Вялікай Айчыннай надрукавана ў Магілёве. Аналагаў у Беларусі няма. На старонках рэгіянальнага выдання не толькі тэкст і ілюстрацыі. Праз QR-коды можна паглядзець відэа і паслухаць аўдыёзапісы тых часоў. Гэтыя новаўвядзенні цікавыя для школьнікаў.
У Магілёўскай вобласці прышчапіць ад грыпу плануюць каля 40 працэнтаў жыхароў. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.
Спецыялісты цэнтра адзначылі, што вострыя рэспіраторныя інфекцыі, у тым ліку грып і COVID-19, па-ранейшаму застаюцца адной з важнейшых медыцынскіх і сацыяльна-эканамічных праблем не толькі ў краіне, але і свеце. Менавіта таму яны патрабуюць максімальных прафілактычных захадаў. Прычым на фоне цыркуляцыі каранавіруса высокую актыўнасць праяўляе і грып.
Няўстойлівае надвор'е і рэзкае зніжэнне тэмператур прымушаюць дарожныя службы трымаць руку на пульсе. Спецыялісты прадпрыемства «Магілёўаблдарбуд» гатовы неадкладна выехаць на апрацоўку дарог у выпадку замаразкаў і снегу.
ТРК «Магілёў»
Член Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці Ігар Каско расказаў журналістам аб навацыях законапраекта «Аб змяненні законаў па пытаннях аховы здароўя». Сенатары адобрылі яго сёння на пасяджэнні адзінаццатай сесіі Савета Рэспублікі сёмага склікання.
Прамую тэлефонную лінію 14 кастрычніка ў Магілёўскім аблвыканкаме будзе праводзіць намеснік старшыні абласнога выканаўчага камітэта Руслан Барысавіч Страхар. Пытанні можна будзе задаць з 9.00 да 12.00 па тэлефоне: 8 (0222) 50-18-69.
Рашэнне аб уключэнні сістэм ацяплення асобных груп спажыўцоў прынята Магілёўскім гарадскім выканаўчым камітэтам. Так, зыходзячы з умоў надвор'я і перспектыўнага прагнозу, ацяпленне з сённяшняга дня пачынае паступаць у дзіцячыя дашкольныя, школьныя, лячэбна-прафілактычныя, медыцынскія ўстановы, установы сацыяльнага забеспячэння, музеі, дзяржархівы, бібліятэкі, гасцініцы. Пры сярэднясутачнай тэмпературы вонкавага паветра вышэй за плюс 10 °C, як тлумачыць Маггарвыканкам, праца сістэм ацяплення будзе забяспечана ў эканамічным рэжыме.
Ужо заўтра, 11 кастрычніка, у Магілёве стартуе XXVI Міжнародны фестываль анімацыйных фільмаў «Анімаёўка-2023». Пра гэта паведамілі ў Магілёўскім дзяржаўным прадпрыемстве «Кінавідэапракат».
Культурная праграма пачнецца з адкрыцця дзіцячай творчасці, майстар-класаў і творчых сустрэч. У 14.00 адбудзецца ўрачыстае адкрыццё фестывалю, а потым конкурсная праграма.
Як расказалі субяседнікі, падчас фестывалю журы выбера пераможцаў у трох конкурсах: анімацыйных фільмаў, дзіцячай анімацыйнай творчасці, дзіцячай выяўленчай і дэкаратыўна-прыкладной творчасці.
Калі дзеці - кветкі жыцця, то ў Кацярыны Анціпавай з Магілёўскага раёна сапраўдная аранжарэя. Разам з мужам Аляксеем жанчына выхоўвае пяць дачок-прыгажунь, сёлета была ўдастоена ордэна Маці. Пабывалі ў іх у гасцях, каб высветліць сакрэт шчасця.
Тыдзень вучобы - і адразу на мехдвор. Такі рытм у першакурснікаў факультэта механізацыі сельскай гаспадаркі БДСГА ў гэтым сезоне. Звычайна падчас першай практыкі юнакі і дзяўчаты толькі знаёмяцца з прафесіяй, выязджаючы на прадпрыемствы з экскурсіямі. Звыклы фармат у акадэміі вырашылі змяніць: будучыя інжынеры сфарміравалі свае студатрады, каб дапамагаць сельгасарганізацыям Горацкага раёна ставіць тэхніку на захоўванне.
Усе рычагі адзінай каманды
Маладыя спецыялісты - ветдоктары з Магілёўскага раёна жартуюць: страшылкі тыпу «будзеш каровам хвасты круціць» перад размеркаваннем іх не палохалі. Рабяты разумелі, што чакае наперадзе
На працягу пяці дзён можна не прадастаўляць у навучальныя ўстановы медыцынскую даведку з-за пропуску заняткаў у выпадку вострых рэспіраторных вірусных інфекцый у дзяцей. З 9 кастрычніка 2023 года зноў дзейнічае такая мера. Пра гэта паведамляе Міністэрства аховы здароўя. Гэтая мера датычыцца як школьнікаў, так і дзетсадаўцаў.
Абласны фестываль-кірмаш «Дажынкі-2023» у Хоцімску адбыўся! Галоўнай падзеяй свята стала цырымонія ўзнагароджання пераможцаў спаборніцтва па развіццю аграпрамысловага комплексу. Сёлета толькі на жніве ў вобласці працавалі амаль 4 тысячы механізатараў і больш за тысячу збожжаўборачных камбайнаў, як вынік - намалочана больш за мільён тон збожжавых і зернебабовых. Амаль кожны трэці экіпаж камбайнераў у намалоце перасягнуў паказчык тысячу тон збожжа.
Музычная восень прыйдзе ў Магілёўскую вобласць у канцы кастрычніка. Легендарны міжнародны музычны фестываль «Залаты шлягер» вяртаецца. Ён заўсёды быў сапраўднай падзеяй і для Магілёўшчыны, і для ўсёй краіны. У розныя гады на галоўнай культурнай пляцоўцы вобласці выступалі сусветныя зоркі. Новыя адкрыцці і любімыя песні чакаюць гасцей фестывалю.