У Магілёўскай вобласці завяршаюць сяўбу азімага рапсу
У Магілёўскай вобласці плошчы пад азімы рапс застаюцца ранейшымі - 60,2 тысячы гектараў. Ужо пасеяна 94,3 працэнта гэтай крыжакветнай культуры. Палі цалкам падрыхтаваны - дзень-другі і сяўба будзе поўнасцю завершана ў аптымальныя тэрміны.
Пакупкі з мінімальнай нацэнкай: як працуе школьны базар у Магілёве (відэа)
40 суб'ектаў гандлю працуюць у Магілёве на школьным базары. Па традыцыі ён разгарнуўся па Пушкінскім праспекце каля парку атракцыёнаў. Асаблівасць сёлетняй падрыхтоўкі школьніка да новага навучальнага года - гандаль рэкамендавана весці з мінімальнай нацэначнай надбаўкай.
«Бабруйскаграмаш» і турэцкі вытворца рэдуктараў намецілі шляхі далейшага супрацоўніцтва
«Бабруйскаграмаш» і турэцкі вытворца рэдуктараў намецілі шляхі далейшага супрацоўніцтва, паведамілі ў прэс-службе беларускага прадпрыемства. Холдынг наведаў кіраўнік кампаніі Dinamik motor reduktor (турэцкі вытворца рэдуктараў). У ходзе сустрэчы былі абмеркаваны пытанні пастаўкі камплектуючых для тэхнікі «Бабруйскаграмаша» з Турцыі і намечаны шляхі далейшага ўзаемавыгаднага супрацоўніцтва.
Рэалізацыя інвестыцыйнага праекта па будаўніцтве малочнатаварных комплексаў у Магілёўскім раёне
У Магілёўскай вобласці рэалізуюць 10 інвестыцыйных праектаў па будаўніцтве малочнатаварных комплексаў на 600 галоў дойнага статка кожны. Два ўзводзяць у Бабруйскім раёне, адзін у Горацкім, тры ў Кіраўскім і чатыры ў Магілёўскім раёне. Здымачная група ТРК «Магілёў» наведала філіял Вендарож, дзе ўвялі ў эксплуатацыю адно з памяшканняў для ўзнаўлення статка.
Лён-даўгунец у Магілёўскай вобласці выцераблены на 76% плошчаў
Працэс цераблення лёну-даўгунцу завершаны ў Магілёўскай вобласці на 76% плошчаў, што складае 5,6 тыс. га. Пра гэта паведамілі ў камітэце па сельскай гаспадарцы і харчаванні Магілёўскага аблвыканкама.
Кіраўніцтва «Бабруйскаграмаша» і амбасадар Зімбабвэ абмеркавалі праекты па забеспячэнні рэгіёна беларускай сельгастэхнікай
Кіраўніцтва «Бабруйскаграмаша» і амбасадор Зімбабвэ абмеркавалі прасоўванне сумесных праектаў па забеспячэнні беларускай сельгастэхнікай афрыканскага рэгіёна. Аб гэтым паведамілі ў прэс-службе прадпрыемства. «Бабруйскаграмаш» наведаў Надзвычайны і Паўнамоцны Пасол Рэспублікі Зімбабвэ Ігнатыус Грэм Мудзімба. Кіраўніцтва холдынгу азнаёміла госця з вытворчымі магутнасцямі прадпрыемства, а таксама лінейкай сельскагаспадарчай тэхнікі. У фокусе візіту - механізацыя сельскай гаспадаркі Зімбабвэ ў кантэксце дасягнення неабходнага ўзроўню харчовай бяспекі.
«Бабруйскаграмаш» плануе нарасціць пастаўкі сельгастэхнікі ва Узбекістан
«Бабруйскаграмаш» плануе нарасціць пастаўкі сельгастэхнікі ва Узбекістан, паведамілі ў прэс-службе прадпрыемства. Кіраўніцтва холдынгу «Бабруйскаграмаш» на чале з генеральным дырэктарам Віктарам Філатавым наведвае Узбекістан. У рамках візіту адбыўся шэраг сустрэч з кіраўніцтвам кампаній «Planeta Servis», «Metal processing», «Krantas Group» – асноўнымі партнёрамі ў гэтай краіне.
У Беларусі пачалі дзейнічаць абноўленыя патрабаванні да аб'ектаў па аказанні бытавых паслуг
У Беларусі пачалі дзейнічаць абноўленыя санітарна-эпідэміялагічныя патрабаванні да зместу і эксплуатацыі аб'ектаў па аказанні бытавых паслуг, зацверджаныя пастановай Міністэрства аховы здароўя нумар 33 ад 15 лютага 2023 года, паведамляе БЕЛТА са спасылкай на прэс-службу міністэрства. Дакументам устаноўлены патрабаванні да аб'ектаў, якія аказваюць цырульні і касметычныя паслугі, паслугі манікюру, педыкюру, пірсінгу, татуажу, салярыяў, пральні, а таксама паслугі па хімічнай чыстцы, якія належаць суб'ектам гаспадарання (юрыдычным асобам і індывідуальным прадпрымальнікам).
У Магілёўскай вобласці ўбрана амаль чвэрць пасяўных плошчаў
У Магілёўскай вобласці ўбрана ўжо каля 25 працэнтаў пасяўных плошчаў, атрымана амаль 210 тыс. т збожжа. Аб гэтым паведамілі ў камітэце па сельскай гаспадарцы і харчаванні Магілёўскага аблвыканкама.
Пензенская вобласць зацікаўлена ў супрацоўніцтве з «Бабруйскаграмашам»
Пензенская вобласць зацікаўлена ў супрацоўніцтве з «Бабруйскаграмашам», паведамілі ў прэс-службе холдынгу. У рамках візіту ў Магілёўскую вобласць дэлегацыя Пензенскай вобласці на чале з намеснікам старшыні ўрада рэгіёну Аляксеем Косціным наведала «Бабруйскаграмаш». Генеральны дырэктар холдынга Віктар Філатаў азнаёміў гасцей з вытворчымі магутнасцямі прадпрыемства, мадэльным шэрагам тэхнікі.
Школьны базар пачаў працаваць у Магілёве
У Магілёве з 1 жніўня пачне працаваць школьны кірмаш. Кірмаш размесціцца на пляцоўцы па праспекце Пушкінскім, 1, каля парка атракцыёнаў, паведамілі ў Магілёўскім гарвыканкаме. Пакупнікам прапануюць шырокі асартымент прадукцыі да новага навучальнага года - ад абутку і адзення да заплечнікаў і канцылярыі. Прычым усе тавары будуць рэалізоўвацца з мінімальнай гандлёвай надбаўкай. Усяго на адкрытай пляцоўцы размесцяцца каля 50-ці гандлёвых прадпрыемстваў і індывідуальных прадпрымальнікаў. Школьны базар будзе працаваць з 11.00 да 19.00 да 31 жніўня.
«Горкілён» - адзіны льнозавод Магілёўшчыны, які запланаваў атрыманне прыбытку ад вырошчвання ільну
Шэсць ільноцерабілак на адным полі пакідаюць за сабой жывапісныя стужкі. У ААТ «Горкілён» Горацкага раёна з 2 тысяч гектараў лёну спачатку гэтую тэхналагічную аперацыю зробяць без прычоскі на 800 гектарах, а на астатніх - як толькі саспее ільнонасенне. Забяспечанасць насеннем кожны год 200% - усяго 500 тон: палова ідзе на продаж, у асноўным у Расію.
У Магілёве пачалі будаўніцтва трэцяй чаргі трасы-дублера
Траса-дублер вул. Якубоўскага - Загарадная шаша: у Магілёве прыступілі да будаўніцтва трэцяй чаргі. Дарожныя будаўнікі вядуць працы адначасова з другой чаргой - яе плануюць завяршыць да верасня.
«Бабруйскаграмаш» прапрацоўвае з CBZ Bank фінансаванне паставак сельгастэхнікі фермерам Зімбабвэ
Дэлегацыя прадстаўнікоў CBZ BANK з Зімбабвэ наведала «Бабруйскаграмаш». Сустрэча адбылася пры садзейнічанні дылера ў Зімбабвэ – кампаніі AFTRADE DMCC, паведамілі ў прэс-службе завода. Пры ўдзеле кіраўніцтва холдынгу на чале з генеральным дырэктарам Віктарам Філатавым гасцей азнаёмілі з вытворчым патэнцыялам прадпрыемства, а таксама лінейкай тэхнікі. У ходзе перагавораў быў абмеркаваны працэс нарошчвання экспарту беларускай сельгастэхнікі ў афрыканскія краіны і пытанні фінансавання паставак машын зімбабвійскім фермерам.
«Узроставыя» даплаты да пенсій павялічацца з 1 жніўня
З 1 жніўня павялічацца «ўзроставыя» даплаты да пенсій, атрымальнікамі якіх з'яўляюцца каля паўмільёна чалавек ва ўзросце 75 гадоў і старэй, паведамілі ў Міністэрстве працы і сацыяльнай абароны. Для людзей ва ўзросце 75 - 79 гадоў памер гэтых выплат складзе Br68,33, 80 гадоў і больш (з улікам надбаўкі на догляд) - Br136,65, а пры наяўнасці інваліднасці першай групы - Br182,2. Расходы на іх фінансаванне ў жніўні складуць каля Br55 млн., у тым ліку каля Br1,9 млн. на павышэнне ў сувязі з ростам БПМ. У цэлым расходы на «ўзроставыя» даплаты ў 2023 годзе складуць каля Br642 млн.
Памеры дзяржаўных дапамог сем'ям, якія выхоўваюць дзяцей, павялічацца з 1 жніўня
Памеры дзяржаўнай дапамогі сем'ям, якія выхоўваюць дзяцей, павялічваюцца з 1 жніўня. Аб гэтым паведамілі ў Міністэрстве працы і сацыяльнай абароны. Такім чынам, з 1 жніўня 2023 года па 31 студзеня 2024 года памеры дапамогі па догляду дзіцяці ва ўзросце да трох гадоў на першае дзіця складуць Br651,35, на другое і наступных - Br744,4, на дзіця-інваліда - Br837,45. Памеры дапамог выраслі на 7,5%. З 1 жніўня па 31 кастрычніка 2023 года дзяржаўныя дапамогі сем'ям, якія выхоўваюць дзяцей, устанаўліваюцца ў наступных памерах.
Бюджэт пражытачнага мінімуму павышаецца з 1 жніўня ў Беларусі
Бюджэт пражытачнага мінімуму павышаецца з 1 жніўня ў Беларусі. Гэта прадугледжана пастановай Міністэрства працы і сацыяльнай абароны ад 24 ліпеня 2023 года №26, паведамілі ў прэс-службе Мінпрацы. Бюджэт пражытачнага мінімуму ў сярэднім на душу насельніцтва ўстаноўлены ў памеры Br364,4, што на 3,5 працэнта вышэй у параўнанні з нарматывам, які дзейнічаў з 1 мая па 31 ліпеня 2023 года.
Зернесушыльныя комплексы пачалі працаваць у кругласутачным рэжыме (відэа)
У Беларусі намалочана больш за 1 млн тон збожжа каласавых культур. Пры сярэдняй ураджайнасці больш за 35 цэнтнераў з гектара. З улікам рапсу - гэтая лічба будзе вышэй. З-за дажджлівага надвор'я аграрыі не працуюць у поўную сілу. Зернесушыльныя комплексы перайшлі на кругласутачны рэжым працы. Аграрыі запэўніваюць: ураджай не сапсуецца. Тое, што падмачылі дажджы, дасушаць на зернесушылках.
Дапамогі па доглядзе дзіцяці ва ўзросце да трох гадоў павялічваюцца з 1 жніўня
Дапамогі па доглядзе дзіцяці ва ўзросце да трох гадоў павялічваюцца з 1 жніўня, паведамілі ў прэс-службе Міністэрства працы і сацыяльнай абароны. З 1 жніўня 2023 года па 31 студзеня 2024-га памеры дапамогі складуць: на першае дзіця - Br651,35, на другое і наступных дзяцей - Br744,4, на дзіця-інваліда - Br837,45. Памеры дапамогі выраслі на 7,5 працэнта.
У Магілёўскай вобласці плануецца закласці ў стабфонд амаль 14,4 тыс. тон садавінагароднінай прадукцыі
У Магілёўскай вобласці плануецца закласці ў стабфонд амаль 14,4 тыс.т садавінагароднінай прадукцыі. Пра гэта паведамілі ў камітэце па сельскай гаспадарцы і харчаванні Магілёўскага аблвыканкама.
Магілёўская кампанія «Дамачай» пашырае геаграфію экспартных паставак
Пастаянная праца па пашырэнні асартыментнай лінейкі прадукцыі, якая пастаўляецца за мяжу, перааснашчэнне вытворчасці абсталяваннем для павышэння якасці і арыентацыя на задавальненне спецыфічных запытаў кожнага рынку — вось тры экспартныя кіты, на якіх трымаецца і паспяхова функцыянуе ААТ «Булачна-кандытарская кампанія «Дамачай». Геаграфія экспарту сёння выглядае так: Германія, Узбекістан, Арменія, Азербайджан, Туркменістан, Казахстан і, вядома ж, Расія. Кампанія пашырае пастаўкі прадукцыі па напрамках: Рэспубліка Комі, Паўднёва-Сахалінск, Уладзівасток і Хабараўск.
«Бабруйскаграмаш» наладзіць супрацоўніцтва з турэцкай кампаніяй-вытворцам гідраўлічных помпаў
«Бабруйскаграмаш» і турэцкая кампанія - вытворца гідраўлічных помпаў абмеркавалі супрацоўніцтва, паведамілі на прадпрыемстве. «Бабруйскаграмаш» наведалі прадстаўнікі кампаніі A.S.C. Hidrolik END. SAN. TIC. A.S. (турэцкі вытворца гідраўлічных шасцярэньчатых помпаў), таксама падчас візіту іх суправаджаў дыстрыб'ютар і сэрвісны партнёр – кампанія ЗАТ «НГК Сілавыя кампаненты». У час сустрэчы абмяркоўваліся пытанні супрацоўніцтва з прадстаўнікамі турэцкай дэлегацыі, пастаўкі камплектуючых для тэхнікі «Бабруйскаграмаш» з Турцыі.
У ААТ «Александрыйскае» прыбіраюць азімы ячмень
У Александрыі, на малой радзіме Прэзідэнта, да азімага ячменю, пад які адведзена 640 гектараў, адносіны асаблівая. І аддача, адпаведна, добрая.
Прадпрыемству ў Кіраўскім раёне выдзелены сродкі на будаўніцтва новага МТК
Каля вёскі Пацава Слабада Кіраўскага раёна ўжо чакаюць сваёй гадзіны будматэрыялы, набытыя загадзя для будаўніцтва новага малочнатаварнага комплексу на 600 галоў. Пра гэта распавёў дырэктар ААТ «Кіраўскі райаграпрамтэхзаб» Лявонцій Кушавараў. Целачкі, якімі будуць запаўняць новы аб'ект, падрастаюць па-суседству, у рабоце і арачнік для цялят. Ашчадны гаспадар першапачаткова бачыў праект больш сціплым, аднак у выніку прынята іншае рашэнне і 500 тысяч рублёў ужо выдзелены на будаўніцтва.
Як працуюць аўтакрамы ў Магілёўскай вобласці (відэа)
Восемдзесят шэсць аўтамагазінаў абслугоўваюць дзве тысячы малых населеных пунктаў Магілёўшчыны. Гэта сацыяльны праект Белкаапсаюза — забяспечыць таварамі першай неабходнасці жыхароў аддаленых вёсак, дзе няма стацыянарных магазінаў. Аўтакрамы працуюць у любы сезон і пры любым надвор'і, і прыязджаюць нават туды, дзе жывуць усяго два-тры чалавекі.
Аперацыйную службу абнавілі ў Магілёўскім абласным упраўленні №700 ААТ «Беларусбанк» (відэа)
Ад адкрыцця ўкладу і продажу картачных прадуктаў да аперацый па іпатэчным крэдытаванні. Абноўленую аперацыйную службу адкрылі ў Магілёўскім абласным упраўленні нумар 700 ААТ «Беларусбанк».
Больш за тысячу збожжаўборачных камбайнаў выедуць на жніво ў Магілёўскай вобласці
Больш за тысячу збожжаўборачных камбайнаў будуць задзейнічаны на жніве ў Магілёўскай вобласці. Сярод іх 25 новых машын, якія паступілі ў гаспадаркі рэгіёну ў гэтым годзе. Такой інфармацыяй падзяліўся камітэт па сельскай гаспадарцы і харчаванні аблвыканкама. Адвозіць збожжа з палёў на зернесушыльныя комплексы будуць больш за тысячу спецыяльна абсталяваных грузавых аўтамабіляў. Большасць з іх задзейнічаецца сельгасарганізацыямі вобласці. 10 аўтамашын для адвозу збожжа з палёў плануе накіраваць Міністэрства абароны.
Анатоль Ісачанка правёў шэраг сустрэч з дэлегацыямі Расійскай Федэрацыі
Шэраг сустрэч з дэлегацыямі з Курскай, Валагодскай, Бранскай абласцей і Усходняй адміністрацыйнай акругі Масквы правёў сёння старшыня Магілёўскага аблвыканкама Анатоль Ісачанка. Зносіны праходзілі ў Доме Саветаў у рамках удзелу прадстаўнікоў рэгіёнаў Расійскай Федэрацыі ў рэспубліканскім свяце «Купалле» («Александрыя збірае сяброў»). Бакі разгледзелі варыянты ўмацавання сувязей паміж рэгіёнамі брацкіх краін.
Для гасцей свята «Купалле» ў Александрыі прыгатавалі 6 тон шашлыка і больш за 8 тыс. літраў квасу
Для гасцей рэспубліканскага свята «Купалле» («Александрыя збірае сяброў») у Шклоўскім раёне прыгатавалі амаль 6 т шашлыка і 8,6 тыс. л квасу. Працягласць гандлёвых радоў склала 1,65 км, тут размясціліся 240 гандлёвых аб'ектаў.
Анатоль Ісачанка: Кітай - наш стратэгічны партнёр, з якім мы працягнем узаемадзеянне і будзем яго паглыбляць
Старшыня Магілёўскага аблвыканкама Анатоль Ісачанка сустрэўся сёння з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Се Сяоюнам. Таксама ўдзел у сустрэчы прыняў памочнік Прэзідэнта - інспектар па Магілёўскай вобласці Леанід Мартынюк. У Доме Саветаў бакі абмеркавалі перспектывы рэгіянальнага супрацоўніцтва.