Гатоўнасць сельскагаспадарчых арганізацый рэгіёну да веснавых палявых работ абмеркавалі ў Магілёўскім аблвыканкаме

Гатоўнасць сельскагаспадарчых арганізацый рэгіёна да веснавых палявых работ і вынікі сацыяльна-эканамічнага развіцця Магілёўскага раёна за 2022 год абмеркавалі на пасяджэнні абласнога выканаўчага камітэта, якое правёў сёння старшыня аблвыканкама Анатоль Ісачанка. Удзел у ім прынялі памочнік Прэзідэнта - інспектар па Магілёўскай вобласці Леанід Мартынюк, старшыня абласнога Савета дэпутатаў Ірына Раінчык, намеснікі старшыні аблвыканкама, члены выканкама, старшыні гаррайвыканкамаў, прадстаўнікі кантрольна-наглядных органаў, кіраўнікі структурных падраздзяленняў аблвыканкама прадпрыемстваў.

«Хачу звярнуць увагу, што сёння гаворка ідзе не пра тое, што трэба зрабіць, а пра тое, што зроблена. Людзі выходзяць у поле і яны павінны не толькі ясна разумець свае задачы, але і ведаць, якія ўмовы працы іх чакаюць, - акцэнтаваў увагу Анатоль Ісачэнка. - Раней на адным з пасяджэнняў аблвыканкама ў лютым было прынята рашэнне аб мерах падрыхтоўкі да палявых работ і стварэння, у тым ліку, кармавой базы і ўборкі ўраджаю ў 2023 годзе. Вызначана структура пасяўных плошчаў, аб'ёмы вытворчасці кармоў, насення, аб'ёмы набыцця ўгнаенняў, сродкаў аховы раслін. Усе пытанні адпрацаваны і даведзены, усе ведаюць аб'ёмы і паказчыкі. Даны адпаведныя даручэнні. У тым ліку, па стварэнню належных умоў для работнікаў сельскай гаспадаркі. І яны павінны быць выкананы».

Таксама на пасяджэнні разгледжаны пытанні яравой сяўбы, забяспечанасці насеннем, палівам, назапашвання мінеральных угнаенняў, вывазкі і ўнясення арганічных угнаенняў. Асобная ўвага ўдзелена гатоўнасці тэхнікі, задзейнічанай пры правядзенні веснавых палявых работ.

Як адзначыў старшыня камітэта па сельскай гаспадарцы і харчаванні аблвыканкама Анатоль Ланкуць, наперадзе ў аграрыяў адказная пара - вясновая сяўба культур:

«У бягучым годзе неабходна пасеяць звыш 151 тыс. га яравых збожжавых і зернебабовых культур, 124 тыс. га - кукурузы на сілас і зялёны корм, 11 тыс. га - цукровых буракоў, больш за 7 тыс. га - лёну-даўгунцу. На сёння ў гаспадарках вобласці заканчваецца працэс падрыхтоўкі да пасяўной кампаніі.

Насеннем забяспечаны ўсе гаспадаркі. На запланаваных плошчах неабходна вырабіць высеў 38,3 тыс. тон кандыцыйнага насення яравых збожжавых і зернебабовых культур, у тым ліку грэчкі 0,72 тыс. тон, проса - 0,06 тыс. тон, лёну-даўгунцу - 0,9 тыс. тон , кукурузы - 4,7 тыс. тон, цукровых буракоў - 13,3 тыс. пасяўных адзінак. Таксама для паляпшэння сартавога і рэпрадукцыйнага складу элітавытворчымі арганізацыямі вобласці падрыхтавана для рэалізацыі 1,3 тыс. тон элітнага насення яравых збожжавых і зернебабовых культур.

Забяспечанасць угнаеннямі на сёння складае 56 працэнтаў да патрэбнасці, што вышэй за аналагічны перыяд мінулага года на 11 працэнтаў. Назапашванне працягнецца ў сакавіку-красавіку ў адпаведнасці з зацверджанымі графікамі і з улікам выбаркі квоты. І плануецца на ўзроўні каля 102 працэнтаў.

Для правядзення веснавых палявых работ у сельскагаспадарчых арганізацыях вобласці ёсць у наяўнасці 4224 трактары і 4030 адзінак сельскагаспадарчых машын і агрэгатаў, тэхнічная гатоўнасць якіх на гэты момант складае - 91 працэнт і 93 працэнты адпаведна. Да 25 сакавіка мы плануем выйсці на гатоўнасць 95 працэнтаў.

Каб арганізаваць сяўбу культур ва ўстаноўленыя тэрміны, сельскагаспадарчым арганізацыям вобласці патрэбна каля 4 тыс. механізатараў. Кадры падрыхтаваны, у тым ліку - з улікам прыцягнення выпускнікоў і практыкантаў навучальных устаноў, задзейнічання работнікаў з іншых работ у сельгасарганізацыях, з прамысловых прадпрыемстваў і іншых арганізацый.

Палявыя работы будуць пачаты, як толькі дазволяць умовы надвор'я».

Юлія Таранава, фота Галіны Гаўрыловіч