Дзень беларускага пісьменства плануецца правесці ў 2020 годзе ў Бялынічах
Дзень беларускага пісьменства плануецца правесці ў 2020 годзе ў Бялынічах. Пра гэта паведаміў намеснік старшыні Магілёўскага аблвыканкама Андрэй Кунцэвіч. За час правядзення свята набыло агульнанацыянальны статус і стала значнай падзеяй у культурным жыцці Беларусі. Яго асноўная ідэя – беражлівае захаванне і развіццё духоўнай спадчыны Беларусі, прапаганда нацыянальных культурных традыцый. У 2019 годзе сталіцай Дня беларускага пісьменства стане Слонім.
Гала-канцэрт абласнога этапу «АРТ-вакацый» збярэ больш за 250 удзельнікаў у Магілёве
У абласным цэнтры творчасці сёння адбудзецца гала-канцэрт агляду-конкурсу мастацкіх калектываў і індывідуальных выканаўцаў устаноў прафесійна-тэхнічнай і сярэдняй спецыяльнай адукацыі рэгіёна. Канцэрт прысвецяць 75-й гадавіне вызвалення Беларусі ад нямецка-фашысцкіх захопнікаў і Году малой радзімы, паведамілі ў Галоўным упраўленні па адукацыі аблвыканкама.
Памятнае гашэнне спецыяльнага канверта да 75-годдзя вызвалення Беларусі ад нямецка-фашысцкіх захопнікаў адбудзецца ў Магілёве 9 красавіка
Міністэрства сувязі і інфарматызацыі выпускае ў абарачэнне памятныя спецштэмпелі, якія будуць выкарыстоўвацца 9 красавіка для правядзення спецыяльнага памятнага гашэння, прысвечанага 75-годдзю вызвалення Беларусі ад нямецка-фашысцкіх захопнікаў. Пра гэта паведамілі ў РУП «Белпошта».
Дзень яднання народаў Беларусі і Расіі сімвалізуе непарыўныя вузы братэрскай дружбы, духоўнай і культурнай блізкасці – Уладзімір Цумараў
Дзень яднання народаў Беларусі і Расіі сімвалізуе непарыўныя повязі братэрскай дружбы, духоўнай і культурнай блізкасці. На гэта звярнуў увагу, выступаючы сёння на ўрачыстым сходзе, прысвечаным гістарычнай для двух народаў даце, старшыня Магілёўскага гарвыканкама Уладзімір Цумараў.
Фінал абласнога агляду-конкурсу аматарскіх тэатральных калектываў «У далонях маёй Беларусі» пройдзе ў Магілёве 9 красавіка
Фінал абласнога агляду-конкурсу аматарскіх тэатральных калектываў «У далонях маёй Беларусі» пройдзе ў абласным цэнтры 9 красавіка. Прадстаўленне пачнецца ў 17.30 у канцэртнай зале «Магілёў», паведамілі ў абласным метадычным цэнтры народнай творчасці і культурна-асветнай працы.
Дагавор аб творчым супрацоўніцтве на пяць гадоў падпісалі Магілёўская гімназія-каледж мастацтваў і Тульскі каледж мастацтваў
Дагавор аб творчым супрацоўніцтве на пяць гадоў падпісалі Магілёўская дзяржаўная гімназія-каледж мастацтваў і Тульскі каледж мастацтваў імя А. С. Даргамыжскага. Свае подпісы пад дакументам паставілі кіраўнікі ўстаноў адукацыі Аляксандр Курсакоў і Вячаслаў Зюкін. Пацвярджэнне пагаднення адбылося падчас візіту нашай дэлегацыі ў расійскі горад.
Уральскі народны хор да 2 красавіка гастралюе па Беларусі
Уральскі дзяржаўны акадэмічны рускі народны хор з 26 сакавіка па 2 красавіка робіць гастрольны тур па гарадах Беларусі, паведамілі ў прэс-службе пасольства Беларусі ў Расіі. Гастролі калектыву праводзяцца ў адпаведнасці з дамоўленасцямі, дасягнутымі ў кастрычніку 2018 года ў Магілёве на V Форуме рэгіёнаў Беларусі і Расіі. Выступленні праслаўленага хору арганізаваны ў Мазыры, Светлагорску, Маладзечне, Крычаве, Асіповічах, Касцюковічах, Наваполацку і Магілёве.
Падзеяй тэатральнага форума «М@rt.кантакт» названы спектакль «Кандыд, або Аптымізм» Магілёўскага абласнога тэатра лялек
Звання «Падзея форума», паводле версіі прафесійных крытыкаў, на ўрачыстым закрыцці XIV Міжнароднага моладзевага тэатральнага форуму «М@rt. кантакт» удастоены спектакль «Кандыд, або Аптымізм» Магілёўскага абласнога тэатра лялек.
Прадстаўнікі дзесяці краін падалі заяўкі на ўдзел у Міжнародным фестывалі дзіцячай творчасці «Залатая пчолка»
На Клімаўшчыне рыхтуюцца да Міжнароднага фестывалю дзіцячай творчасці «Залатая пчолка». Форум адбудзецца 23-26 мая. Заяўкі на ўдзел у свяце падалі прадстаўнікі дзесяці краін: Беларусі, Расіі, Украіны, Латвіі, Сербіі, Балгарыі, Славакіі, Узбекістана, Кыргызстана і Малдовы. Цяпер ідзе адбор прэтэндэнтаў. Праграма свята будзе даволі разнастайнай. У межах мерапрыемства адбудзецца шэсце прадстаўнікоў краін-удзельніц, арганізуюць працу тэматычных падворкаў, запланаваны выступленні артыстаў.
Міністр культуры Беларусі Юрый Бондар 22 сакавіка правядзе асабісты прыём грамадзян у Магілёве
Міністр культуры Беларусі Юрый Паўлавіч Бондар 22 сакавіка з 10.30 да 11.30 правядзе асабісты прыём грамадзян у Палацы культуры вобласці (пр. Пушкінскі, 7, каб. 110). Папярэдні запіс на прыём ажыццяўляецца па тэлефоне ў Магілёве 32-68-42.
У час "Купалля" ў Александрыі раскажуць аб турыстычным і эканамічным патэнцыяле Беларусі
У час "Купалля" ў Александрыі запланавана прадэманстраваць турыстычны і эканамічны патэнцыял Беларусі, заявіў намеснік прэм'ер-міністра Ігар Петрышэнка на пасяджэнні арганізацыйнага камітэта па падрыхтоўцы і правядзенні свята "Купалле" ("Александрыя збірае сяброў").
Народнымі абрадамі і спальваннем пудзіла Зімы адзначаць магілёўцы Масленіцу
Народнымі абрадамі і спальваннем пудзіла Зімы адзначаць магілёўцы Масленіцу. Масавыя гулянні пройдуць 9 сакавіка ў Пячэрскім лесапарку, паведамілі ва ўпраўленні культуры Магілёўскага гарвыканкама. Свята для жыхароў і гасцей абласнога цэнтра пачнецца ў 12.00 з тэатралізаванага паказу і завершыцца ў 16.00. «Штогод мы стараемся зрабіць гэтае мерапрыемства відовішчным і цікавым, але пры гэтым захаваць традыцыі і звычаі. Гэтым разам усе ахвотныя змогуць паўдзельнічаць у абрадавых танцах і гульнях, развучыць песні-вяснянкі», – адзначылі суразмоўцы.
Прэм’еру спектакля «Купанне з акуламі» рыхтуе Магілёўскі абласны драматычны тэатр
Прэм’ера спектакля «Купанне з акуламі» адбудзецца 20 і 26 красавіка на малой сцэне Магілёўскага абласнога драматычнага тэатра. Пра гэта карэспандэнту сайта паведамілі ў адміністрацыі ўстановы культуры. Драму ў двух дзеяннях па п’есе Дона Нігра «Марскі пейзаж з акуламі і танцоркай» рыхтуе рэжысёр Уладзімір Пятровіч.
Краявіды Левітана, Айвазоўскага, Шышкіна з фондаў нацмузея пакажуць у Магілёве
У музеі В. К. Бялыніцкага-Бірулі ў Магілёве 7 сакавіка пачне працу выстава жывапісу і графікі «Класіка пейзажу» з калекцыі Нацыянальнага мастацкага музея Беларусі, паведамілі ва ўстанове культуры.
Два Гран-пры конкурсу выканаўцаў на баяне і акардэоне «Магілёўскія найгрышы» засталіся ў абласным цэнтры
Два Гран-пры конкурсу выканаўцаў на баяне і акардэоне «Магілёўскія найгрышы» засталіся ў абласным цэнтры. Пра гэта паведаміла намеснік дырэктара па выхаваўчай рабоце Магілёўскай дзяржаўнай гімназіі-каледжа мастацтваў Наталля Курыла.
Бібліятэкі Магілёва арганізуюць у дзень адчыненых дзвярэй Выставы, акцыі і флэшмобы
Дзень адчыненых дзвярэй «Сардэчна запрашаем чытачоў, ці старонніх для нас няма» адбудзецца 27 лютага ў бібліятэках абласнога цэнтра. Пра гэта паведамілі ў КК «Цэнтралізаваная сістэма дзяржаўных публічных бібліятэк г. Магілёва».
Тэматычныя мерапрыемствы да Дня Абаронцаў Айчыны і Узброеных Сіл Беларусі праходзяць у кінатэатрах Магілёва
Тэматычныя мерапрыемствы да Дня Абаронцаў Айчыны і Узброеных Сіл Беларусі праходзяць у кінатэатрах Магілёва. Пра гэта карэспандэнту сайта паведамілі ў адміністрацыі прадпрыемства «Кінавідэапракат».
ТРК «Магілёў» адзначана двума дыпломамі творчага конкурсу Мінабароны Беларусі
Тэлерадыёкампанія« Магілёў» адзначана двума дыпломамі творчага конкурсу Мінабароны Беларусі. Напярэдадні ў Мінску ўзнагародзілі пераможцаў штогадовага творчага конкурсу на найлепшае асвятленне ў СМІ пытанняў будаўніцтва і развіцця Узброеных Сіл Беларусі, патрыятычнага выхавання насельніцтва.
Вялікі тэатр оперы і балета наведае з гастролямі Магілёў і Бабруйск
Нацыянальны акадэмічны Вялікі тэатр оперы і балета Беларусі адправіцца ў гастрольны тур па рэгіёнах краіны, паведамілі ў тэатры.
Акцёры з Магілёва і Гомеля сыграюць спектакль «Брацікі» на сцэне абласнога драмтэатра
Камедыю «Брацікі» ў абноўленым складзе прадставяць 28 лютага на сцэне Магілёўскага абласнога драматычнага тэатра. Пра гэта паведамілі ва ўстанове культуры. Прэм’ера спектакля паводле п’есы Рэя і Майкла Куні на магілёўскай сцэне адбылася 8 гадоў таму, але дагэтуль пастаноўка карыстаецца папулярнасцю. У апошні дзень зімы яна будзе прадстаўлена ў зусім незвычайным варыянце. На адной сцэне сыграюць артысты з двух розных гарадоў – Магілёва і Гомеля.
Сустрэча з рэжысёрам спектакля «Жоўты пясочак» Камілёй Хусаінавай адбудзецца 20 лютага ў Магілёве
У Магілёве 20 лютага адбудзецца незвычайная лекцыя з рэжысёрам спектакля «Жоўты пясочак» Камілёй Хусаінавай. Пра гэта паведамілі ў цэнтры гарадскіх ініцыятыў.
У Магілёве збіраюць кнігі для абласной дзіцячай бальніцы
У Магілёве праходзіць акцыя па зборы кніг для абласной дзіцячай бальніцы. Ініцыятыва прымеркавана да Міжнароднага дня кнігадарэння, які адзначаюць 14 лютага, паведамілі карэспандэнту сайта арганізатары мерапрыемства. Мэта добраахвотнай акцыі – падтрымка дзіцячага чытання і адраджэнне традыцыі кнігадарэння. Бо нават у стагоддзе высокіх тэхналогій папяровая кніга застаецца актуальным падарункам. Гэтую ініцыятыву вырашылі падхапіць арганізатары фестывалю «Сямейныя традыцыі» сумесна з кнігарняй «Чытайбург» і Магілёўскай дзіцячай бібліятэкай-філіялам №2.
Галоўны рэжысёр Магілёўскага абласнога метадычнага цэнтра Наталля Маісеева стала «Чалавекам года ў сферы культуры» ў намінацыі «Клубная дзейнасць»
Галоўны рэжысёр Магілёўскага абласнога метадычнага цэнтра народнай творчасці і культурна-асветнай працы Наталля Маісеева стала пераможцай конкурсу «Чалавек года ў сферы культуры» ў намінацыі «Клубная дзейнасць». Пра гэта паведамляецца на сайце ўстановы культуры.
Кінапаказы «Афганскі залом: праз 30 гадоў» адбудуцца ў лютым у кінатэатрах Магілёва
Кінапаказы «Афганскі залом: праз 30 гадоў» адбудуцца ў лютым у кінатэатрах абласнога цэнтра. Пра гэта паведамілі ў Магілёўскім дзяржаўным прадпрыемстве «Кінавідэапракат». У мерапрыемствах возьмуць удзел воіны-інтэрнацыяналісты. Будзе паказаны мастацкі фільм «Афганскі залом» (ваенная драма, СССР, Італія, 1991 г.). Сеансы пройдуць 14 лютага ў 12.30 у кінатэатры «Радзіма», 16 лютага ў 10.00 у кінатэатры «Космас», 19 лютага ў 14.00 у кінатэатры «Ветразь».
Кінапаказы для закаханых пройдуць у Магілёве з 11 па 17 лютага
Кінапаказы «Для закаханых» пройдуць у Магілёве з 11 па 17 лютага. Пра гэта карэспандэнту сайта паведамілі ў аддзеле рэкламы, сувязі са СМІ і метадычнай работы абласнога вытворчага ўнітарнага прадпрыемства «Кінавідэапракат».
У 2018 годзе творчыя калектывы і майстры Магілёўскай вобласці прынялі ўдзел больш чым у 40 культурных мерапрыемствах блізкага і далёкага замежжа
У 2018 годзе калектывы і майстры Магілёўскай вобласці прынялі ўдзел больш чым у 40 культурных мерапрыемствах блізкага і далёкага замежжа. Пра гэта паведаміў сёння на выніковай калегіі ўпраўлення культуры аблвыканкама яго начальнік Алег Стальмашок, перадае карэспандэнт сайта.
Выставачны праект «Нашчадкі Вялікай Перамогі» стартуе ў Бабруйску 12 лютага
Праект «Нашчадкі Вялікай Перамогі» стартуе 12 лютага выставай юных мастакоў Бабруйскай студыі выяўленчага мастацтва «Вясёлка», якую яны прысвячаюць 30-годдзю вываду савецкіх войскаў з Афганістана. Пра гэта паведаміў аўтар і кіраўнік праекта Ігар Моцін.
Рэгіянальны адбор Нацыянальнага конкурсу маладых выканаўцаў эстраднай песні «Маладзечна-2019» пройдзе 12 лютага ў Магілёве
Рэгіянальны адбор Нацыянальнага конкурсу маладых выканаўцаў эстраднай песні «Маладзечна-2019» пройдзе 12 лютага ў Магілёве. Пра гэта карэспандэнту сайта паведаміла мастацкі кіраўнік прадзюсарскага цэнтра «Ступени» Наталля Красікава.
Ретроспективные и премьерные показы лент «Беларусьфильма» покажут в феврале в кинотеатрах Могилева
Рэтраспектыўныя і прэм’ерныя паказы фільмаў вытворчасці РУП «Нацыянальная кінастудыя «Беларусьфільм»» пакажуць у лютым у кінатэатрах абласнога цэнтра. Дэманстрацыі пройдуць у межах кінаакцыі «Беларускаму кіно –95», паведамілі ў Магілёўскім дзяржаўным прадпрыемстве «Кінавідэапракат». «17 снежня 2019 года «Беларусьфільм» адзначыць юбілейную дату – 95 гадоў з дня заснавання, – адзначылі суразмоўцы. – У гонар свята мы падрыхтавалі тэматычную кінаакцыю, якая будзе ісці на працягу года ў кінатэатрах «Чырвоная Зорка», «Радзіма», «Космас» і «Ветразь».
На тэатральны форум «М.@rt.кантакт-2019» раскуплена больш за 90% квіткоў
На XIV Міжнародны моладзевы тэатральны форум «М.@rt.кантакт-2019» раскуплена больш за 90% квіткоў. Пра гэта карэспандэнту сайта паведаміла намеснік дырэктара Магілёўскага абласнога драматычнага тэатра Ірына Рабцава.