Фестываль нацыянальнай драматургіі імя Дуніна-Марцінкевіча пройдзе ў Бабруйску 1-6 лістапада
VII Рэспубліканскі фестываль нацыянальнай драматургіі імя В. І. Дуніна-Марцінкевіча пройдзе ў Бабруйску з 1 па 6 лістапада. Пра гэта паведамляецца на сайце Міністэрства культуры.
Мастакі з сямі краін прымуць удзел у пленэры па жывапісе «Вобраз Радзімы ў выяўленчым мастацтве»
XXIV Міжнародны пленэр па жывапісе «Вобраз Радзімы ў выяўленчым мастацтве», прысвечаны Году малой радзімы, пачне працу ў верасні. Пра гэта паведамілі ва ўпраўленні культуры Магілёўскага аблвыканкама.
Інтэрактыўная навуковая выстава працуе ў музеі этнаграфіі Магілёва
Інтэрактыўная навуковая выстава «Лабараторыя Элементарыум» працуе ў музеі этнаграфіі Магілёва (вул.Першамайская, 8).Пра гэта паведамілі ва ўстанове культуры. Наведвальнікаў чакаюць розныя вопыты і шоу-праграмы. На выставе таксама можна самастойна пазнаёміцца з незвычайнымі прыборамі, механізмамі, маятнікамі, драўлянымі галаваломкамі. Усе жадаючыя змогуць правесці свой уласны эксперымент і пераканацца, што навука – гэта вельмі займальна і цікава. Выстава будзе доўжыцца да 24 верасня. Выхадныя дні: серада, чацвер. Час працы: 9.30–17.30. Каса – да 17.00.
Майстры Магілёўскай вобласці адзначаны дыпломамі конкурсаў фестывалю мастацтваў «Славянскі базар у Віцебску»
Майстры Магілёўскай вобласці адзначаны дыпломамі конкурсаў, якія адбыліся ў межах XXVIII Міжнароднага фестывалю мастацтваў «Славянскі базар у Віцебску». Пра гэта паведамілі ў абласным метадычным цэнтры народнай творчасці і культурна-асветнай працы.
Белтэлерадыёкампанія аб’явіла прыём заявак для ўдзелу ў нацадборы на дзіцячае «Еўрабачанне-2019»
Белтэлерадыёкампанія пачынае прыём заявак для ўдзелу ў нацыянальным адборы на дзіцячае «Еўрабачанне-2019», паведамілі ў Белтэлерадыёкампаніі. Да праслухоўвання дапускаюцца прэтэндэнты ад 9-ці да 14-ці гадоў – грамадзяне Беларусі або замежнікі, якія пражываюць на тэрыторыі краіны не менш за два з паловай гады. У адборы можа ўдзельнічаць песня на рускай або беларускай мовах. Выкарыстоўваць замежную можна, але ў абмежаваным аб’ёме – не больш за 40 % ад усяго тэксту. Акрамя таго, кампазіцыя не павінна быць камерцыйна рэалізаваная, а таксама выкананая публічна да 1 мая гэтага года.
Сродкі ад правядзення рок-фэсту «Эдем» у Магілёве накіруюць спецыялізаванаму Дому дзіцяці
Маштабны рок-фэст «Эдем» у Магілёве стане яркай падзеяй гэтага лета. Сабраныя падчас правядзення музычнага мерапрыемства сродкі арганізатары накіруюць на разліковы рахунак Магілёўскага спецыялізаванага Дома дзіцяці. Грошы пойдуць на паляпшэнне медыцынскай і матэрыяльна-тэхнічнай базы ўстановы.
Выстава ў абласным краязнаўчым музеі пазнаёміць магілёўцаў з традыцыямі і культурай Японіі
Выстава «Традыцыі і культура Японіі» працуе ў Магілёўскім абласным краязнаўчым музеі імя Е. Р. Раманава. Пра гэта паведамілі ва ўстанове культуры. У экспазіцыю ўвайшло каля 100 прадметаў, прадастаўленых Пасольствам Японіі ў Рэспубліцы Беларусь. У выставачнай зале можна ўбачыць традыцыйныя японскія лялькі, архітэктурна-ландшафтныя макеты японскіх храмаў і замкаў, муляжы страў нацыянальнай кухні, калекцыі паветраных змеяў і масак, тэматычныя часопісы, адзенне. Адзін з найбольш яркіх экспанатаў – вясельная жаночае кімано, якое нявеста апранала на цырымонію шлюбу.
Мужчынскі погляд на лялькі прадэманструе дызайнер Сяргей Драздоў магілёўцам
У музеі этнаграфіі Магілёва сёння адкрыецца новы вернісаж – персанальная выстава Сяргея Драздова «Мужчынскі погляд». Гэта некалькі дзясяткаў лялек і кампазіцый, створаных у стылі стымпанк (кірунак навуковай фантастыкі, што ўключае тэхналогію і дэкаратыўна-прыкладное мастацтва, натхнёнае паравой энергіяй XIX стагоддзя), які адсылае гледача ў часы каралевы Вікторыі, калі мора баразнілі каларытныя піраты, а вандроўцы лезлі ў нетры амазонкі.
Фотавыстава «Мой родны кут» прадстаўлена ў Магілёве
Передвижная фотовыставка «Мой родны кут», приуроченная к Году малой родины, работает в Могилеве. Об этом сообщили в государственном предприятии «Киновидеопрокат».
Магілёўшчына – лепшая вобласць у рэспубліцы па арганізацыі канцэртнага і тэатральнага абслугоўвання вяскоўцаў
Вынікі рэспубліканскага спаборніцтва на лепшую арганізацыю работы арганізацый культуры па канцэртным і тэатральным абслугоўванні сельскага насельніцтва ў 2018 годзе падвялі на калегіі Міністэрства культуры. Згодна з вынікамі Магілёўшчына стала пераможцам у намінацыях «Лепшая вобласць па арганізацыі канцэртнага і тэатральнага абслугоўвання сельскага насельніцтва» і «Лепшая вобласць па арганізацыі канцэртнага і тэатральнага абслугоўвання сельскага насельніцтва клубнымі арганізацыямі», паведамілі ва ўпраўленні культуры аблвыканкама.
Абраз прападобнага Гаўрыіла Самтаврыйскага прыбудзе ў Бабруйск
У жаночы манастыр Святых жонак-міраносіц Бабруйска сёння прыбудзе абраз прападобнага Гаўрыіла Самтаврыйскага. Сустрэча абраза пройдзе ў 13.00 на тэрыторыі манастыра. Прыкласціся да яе можна будзе ў манастырскім храме ў гонар іконы Божай Маці «Скорапаслушніца» да дзвюх гадзін дня 14 ліпеня. Уваход у храм – з 6.00 да 22.00. Да гэтага абраз святога знаходзіўся ў Сергіеўскім храме пасёлка Туголіца, куды быў дастаўлены 5 ліпеня з падворка Успенскага жаночага манастыра горада Кемерава (Расія).
Онлайн-акцыю «Смачнае чытанне» праводзіць у Магілёве гарадская бібліятэка імя К. Маркса
Цэнтральная гарадская бібліятэка імя К. Маркса запрашае наведвальнікаў прыняць удзел у онлайн-акцыі «Смачнае чытанне». Для гэтага неабходна знайсці ў мастацкіх кнігах цытату, якая мае адносіны да ежы і напояў, прадуктаў або кулінарыі. Гэтыя цытаты да 31 жніўня можна прынесці ў бібліятэку ці запоўніць спецыяльную электронную форму. Самых актыўных удзельнікаў акцыі чакаюць прызы. Узнагароджанне адбудзецца ў бібліятэцы ў рамках святкавання Дня бібліятэк.
Рэдакцыі бабруйскай раённай газеты «Трыбуна працы» і валагодскай раённай газеты «Маяк» падпісалі пагадненне аб супрацоўніцтве
Рэдакцыі бабруйскай раённай газеты «Трыбуна працы» і валагодскай раённай газеты «Маяк» (Расія) падпісалі пагадненне аб супрацоўніцтве. Подпісы пад дакументам паставілі рэдактары выданняў Вольга Грэк і Данііл Тураў. «Мы хацелі б насыціць пагадненне паміж рэдакцыямі канкрэтнымі справамі. Перш за ўсё, каб чытачы бачылі, чым жывуць нашы дзяржавы, якія праекты рэалізуюцца. Гэта галоўная мэта пагаднення», – адзначылі рэдактары.
Квэсты, конкурс старадаўніх напояў і відовішчныя баі чакаюць гасцей рыцарскага фэсту ў Мсціславе
Свята сярэднявечнай культуры «Рыцарскі фэст – 2019» пройдзе 2-4 жніўня ў Мсціславе, паведамілі ў райвыканкаме. Чакаецца, што ў гэтым годзе на мерапрыемства збяруцца гістарычныя клубы Беларусі, Расіі і Украіны. Гасцей чакаюць традыцыйныя рыцарскія турніры і забавы, спаборніцтвы лучнікаў, масавыя бітвы, конныя прадстаўленні і паказальныя выступленні, майстар-класы па сярэднявечных танцах, розныя вогненныя і светлавыя шоу, выступленні музычных этна- і фолк-груп.
Альманах «Прыдняпроўе: Магілёўшчына літаратурная» прысвяцілі Году малой радзімы
У Магілёве выдадзены альманах «Прыдняпроўе: Магілёўшчына літаратурная», прысвечаны Году малой радзімы, паведаміў старшыня Магілёўскага абласнога аддзялення грамадскага аб'яднання «Саюз пісьменнікаў Беларусі» (СПБ) Аляксандр Казека. У выданне ўвайшлі творы сучаснікаў, напісаныя ў 2017-2019 гадах, з ілюстрацыямі і анатацыямі. «Мы пастараліся ахапіць шырокае кола аўтараў і жанраў з запрашэннем рускіх літаратараў. Атрымалася сузор'е ўжо заваяваўшых сімпатыі імёнаў, крыху новых адкрыццяў, разнастайнасць тэм і далучанасць да тэматыкі малой радзімы», – адзначыў Аляксандр Казека.
На дабрачынным фестывалі ежы ў Бабруйску сабралі больш за Br3,3 тыс. Грошы пералічаць дзіцячаму сацыяльнаму прытулку
У Бабруйску адбыўся фестываль ежы «Запрашаем смачна есцi», паведамляецца на сайце гарвыканкама. У дабрачыннай акцыі прынялі ўдзел восем прадпрыемстваў горада на Бярэзіне. У іх ліку «Бабруйскі мясакамбінат», УКХ «Бабруйскаграмаш», «Чырвоны харчавік», «Славянка», «Бабруйскі завод біятэхналогій», «Бабруйскі завод трактарных дэталяў і агрэгатаў», «Белшына», «Бабруйскі камбінат хлебапрадуктаў».
Конкурс-пленэр майстроў разьбы па дрэве пройдзе ў Бабруйскім раёне
Другі рэспубліканскі конкурс-пленэр майстроў разьбы па дрэве «Пераўвасабленне дрэва» пройдзе з 5 па 12 ліпеня на базе адпачынку «Вербкі» ў Бабруйскім раёне, паведамілі ў Бабруйскім гарвыканкаме.
Тэма малой радзімы стане галоўнай на свяце «Купалле» ў аграгарадку Александрыя
Рэспубліканскае свята Купалле («Александрыя збірае сяброў») дзясяты раз пройдзе на маляўнічым беразе ракі Днепр у аграгарадку Александрыя Шклоўскага раёна 6-7 ліпеня. Аб гэтым паведаміў на прэс-канферэнцыі ў Нацыянальным прэс-цэнтры намеснік старшыні Магілёўскага аблвыканкама Андрэй Кунцэвіч.
Барыс Бурда правядзе на «Вялікай бард-рыбалцы» конкурс-шоу на лепшы бутэрброд
Конкурс на лепшы бутэрброд пройдзе 27 ліпеня падчас X Міжнароднага музычнага фестывалю «Вялікая бард-рыбалка», паведамілі ў аргкамітэце мерапрыемства.
Выстава «Украіна ў Другой сусветнай вайне 1939-1945» адкрылася ў Магілёве
Выстава «Украіна ў Другой сусветнай вайне 1939-1945» адкрылася сёння ў Магілёве. Экспазіцыя, якая прадстаўлена ў Палацы культуры вобласці, будзе працаваць да 1 жніўня, перадае карэспандэнт сайта. На 45 стэндах размешчаны ўнікальныя фатаграфіі і дакументы, якія распавядаюць пра подзвігі ўкраінцаў у гады вайны і стратах, якія панесла братэрская краіна.
Праграма святочных мерапрыемстваў, прысвечаных Дню Незалежнасці Рэспублікі Беларусь, у Магілёве
Праграма святочных мерапрыемстваў, прысвечаных Дню Незалежнасці Рэспублікі Беларусь, у Магілёве 3 ліпеня 10.00 - мітынг, прысвечаны Дню Незалежнасці Рэспублікі Беларусь (мемарыяльны комплекс «Буйніцкае поле»); 12.00 - 18.00 - iнтэрактыўная пляцоўка «Аўтографы Вялікай Айчыннай», 75-годдзю вызвалення Рэспублікі Беларусь прысвячаецца (сквер імя Герцэна);
Прэм’еру спектакля «Любоўныя лісты» рыхтуе Магілёўскі абласны драматычны тэатр
Спектакль «Любоўныя лісты» рыхтуе Магілёўскі абласны драматычны тэатр. Прэм’ерныя паказы запланаваны на 24-25 ліпеня, паведамілі ў адміністрацыі ўстановы культуры. Пастаноўку паводле п’есы Альберта Гурнея будзе ставіць малады рэжысёр, студэнтка 5 курса расійскага дзяржаўнага інстытута сцэнічных мастацтваў (Санкт-Пецярбург) Каміля Хусаінава. Дзяўчына добра знаёмая магілёўскаму гледачу. У нашым тэатры яна паставіла спектакль «Жоўты пясочак», а таксама ўдзельнічала ў працы над камедыяй «Тры прыгажуні».
Тэлеверсію канцэрта-рэканструкцыі гістарычных падзей «Салдатамі былі ўсе ...» пакажа «“Беларусь 4” Магілёў» 29 і 30 чэрвеня
Тэлеканал «“Беларусь 4” Магілёў» у выхадныя пакажа тэлеверсію рэканструкцыі, якая адбудзецца ў Магілёве 28 чэрвеня ў раёне гандлёвага цэнтры «Е-сіці» (вул. Гагарына, 79).
Прэм’ерай спектакля «Дзядзечкаў сон» завершыць тэатральны сезон Магілёўскі абласны драматычны тэатр
Магілёўскі абласны драматычны тэатр да закрыцця тэатральнага сезона рыхтуе спектакль «Дзядзечкаў сон» паводле аднайменнай аповесці Фёдара Дастаеўскага. Прэм’ерныя паказы запланаваныя на 30-31 ліпеня, паведамілі ў адміністрацыі ўстановы культуры. Над трагікамедыяй працуе рэжысёр-пастаноўшчык і мастак-пастаноўшчык Міхаіл Лашыцкі. Апошні добра вядомы Магілёўскаму гледачу па спектаклях «Рамантыкі», «Снежная каралева», «Па шчупаковым загадзе», «Казка пра каралеву, прынцэсу, рыцара і пачвару» і інш.
Свята нацыянальных культур пройдзе да Дня горада ў Магілёве
Свята нацыянальных культур пройдзе 29 чэрвеня ў Магілёве да Дня горада, паведамілі ў гарвыканкаме. Маштабнае дзейства разгорнецца на пешаходнай вуліцы Ленінскай, у якім прымуць удзел прадстаўнікі 7 дыяспар: украінскай, азербайджанскай, рускай, яўрэйскай, польскай, грузінскай і армянскай. Кожная аформіць сваю тэматычную пляцоўку, дзе будуць гучаць шмат песень, музыкі, прадстаўлены нацыянальныя танцы, працаваць выставы карцін, кніг, прадметаў побыту, дэкаратыўна-прыкладнога мастацтва.
На «Вялікую бард-рыбалку» прыляціць аўтарскі дуэт з ЗША
Аўтарскі дуэт з Бостана (ЗША) «Таня За і Каця НЕ» прыме ўдзел у канцэртнай праграме Х Міжнароднага музычнага фестывалю «Вялікая бард-рыбалка», які пройдзе 26-28 ліпеня на беразе Чыгірынскага вадасховішча ў пасёлку Грудзічына Быхаўскага раёна. Пра гэта паведаміла арт-дырэктар фестывалю Вольга Залеская.
«Вялікая бард-рыбалка» запускае праект «Адэскі дворык»
Міжнародны музычны фестываль «Вялікая бард-рыбалка» з гэтага года запускае новы праект «Адэскі дворык». Гэта будзе ўжо чацвёртая па ліку канцэртная пляцоўка, якая працуе ў рэжыме рэальнага часу ў асноўныя фестывальныя дні. Музычны форум пройдзе традыцыйна на беразе Чыгірынскага вадасховішча ў пасёлку Грудзічына Быхаўскага раёна 26-28 ліпеня. Пра гэта паведамілі падчас пасяджэння аргкамітэта ў Быхаўскім райвыканкаме.
У Магілёве пакажуць камедыі Чарлі Чапліна
У Магілёве пакажуць тры нямыя фільмы Чарлі Чапліна ў суправаджэнні жывой музыкі. Паказ адбудзецца 15 чэрвеня на «Летняй сцэне» музея В. К. Бялыніцкага-Бірулі на Ленінскай вуліцы. У гэты вечар, прысвечаны 130-годдзю коміка, наведвальнікаў музея чакае музыка і старыя пласцінкі, невялікая мастацкая выстава, лекцыя аб нямым кіно і найлепшых фільмах эпохі. Пры падтрымцы фестывалю «Кінема» магілёўцам пад адкрытым небам пакажуць кароткаметражныя фільмы Чапліна «Імігрант», «У гадзіну ночы», «Дзень заробку».
Канцэрт «Беларусь памятае» тэлепраекта «Плошча Перамогі-2019» пройдзе ў Магілёве
Святочны канцэрт «Беларусь памятае» тэлепраекта «Плошча Перамогі-2019» пройдзе 12 чэрвеня ў магілёўскім Палацы культуры вобласці. Пра гэта паведамілі ва ўстанове культуры. «Сёння яшчэ жывыя сведкі і ўдзельнікі той вайны, і памяць пра яе, як святая рэліквія, перадаецца ад пакалення да пакалення, – адзначылі суразмоўцы. – Тэрыторыя памяці, як і тэрыторыя нашай Вялікай Перамогі, шырыцца з кожным днём і годам. І вось ужо новыя пакаленні беларусаў беражліва ўшаноўваюць традыцыі, святкуюць перамогу і з заміраннем сэрца спяваюць песні пра вайну».
«Станцыя Сібір» з'явіцца на музычным фестывалі «Вялікая бард-рыбалка»
Вялікая зборная сібірскіх бардаў прыедзе ўпершыню на міжнародны музычны фестываль «Вялікая бард-рыбалка», які пройдзе дзясяты раз 26-28 ліпеня ў пасёлку Грудзічына Быхаўскага раёна на беразе Чыгірынскага вадасховішча. Аб гэтым паведаміла арт-дырэктар бард-рыбалкі Вольга Залеская.