Каля 450 работ аб’яднае выстава выяўленчай творчасці «Церамок» у абласным цэнтры творчасці
У абласным цэнтры творчасці 2 сакавіка адкрыецца выстава дзіцячай выяўленчай творчасці «Церамок», падрыхтаваная выхаванцамі школы развіцця «Ступеньки». Экспазіцыя аб’яднае каля 450 малюнкаў і творчых вырабаў дашкалят. Традыцыйна на выставе будуць працаваць творчыя майстэрні «Тэатр на далоньцы» (тэхніка арыгамі з каляровай паперы), «Чароўныя фарбы» (маляванне аквагрымам) і фотазоны. Варта адзначыць, што сумесная дзейнасць бацькоў і дзяцей спрыяе іх збліжэнню, развівае творчую фантазію, таму ў экспазіцыю ўключаць рубрыку «Мама, тата, я – творчая сям’я».
Арганізатары тэатральнага форума «М.@rt.кантакт» абвясцілі аб наборы валанцёраў
Арганізатары Міжнароднага маладзёжнага тэатральнага форума «М.@rt.кантакт» абвясцілі аб наборы валанцёраў. Заяўкі ад паўналетніх магілёўцаў прымаюцца да 3 сакавіка. Гугл-форму можна запоўніць па спасылцы: https://forms.gle/vv9uoTFtN4NVTWjf8. Удзельнікаў, якія прайшлі папярэдні адбор, чакае запрашэнне на субяседаванне.
Вучэбна-метадычны збор па пытаннях пажарнай бяспекі для ўдзельнікаў моладзевых атрадаў аховы правапарадку правядуць у Магілёве
Вучэбна-метадычны збор для ўдзельнікаў моладзевых атрадаў аховы правапарадку па пытаннях пажарнай бяспекі «Адзін дзень з жыцця выратавальніка-пажарнага» пройдзе 21 лютага ў Магілёве на базе ПАСА-8 (м-н Спадарожнік). Падчас мерапрыемства вучняў чакае экскурсія па тэрыторыі часці, дзе яны пазнаёмяцца з тэхнікай, вучэбна-матэрыяльнай базай, вольным часам пажарных. Таксама маладыя людзі змогуць прымерыць спецформу ратавальнікаў. Акрамя таго, 12 навучэнцам сярэдніх школ горада ўручаць пасведчанні ўдзельнікаў моладзевых атрадаў аховы правапарадку.
У Магілёве выбралі «Містара медкаледж»
У Магілёўскай медыцынскай альма-матэр прайшоў конкурс «Містар каледж». Артыстызм, пачуццё гумару, творчыя, інтэлектуальныя і прамоўніцкія здольнасці дэманстравалі журы і гледачам пяць таленавітых хлопцаў. За званне найлепшага змагаліся Мікіта Палякоў, Вячаслаў Гойшык, Дзмітрый Уласенка, Мацвей Шчаўлінскі і Міхаіл Жарыкаў. Увесь вечар канкурсантам прыйшлося дэманстраваць эрудыцыю, знешнія дадзеныя, імправізаваць, жартаваць, спяваць, танцаваць і пераўвасабляцца.
Магілёўскі фестываль навукі збярэ ўдзельнікаў з сямі краін
Магілёўскі фестываль навукі збярэ ў Беларуска-Расійскім універсітэце 20–21 лютага больш за 1 тыс.удзельнікаў з сямі краін – Беларусі, Грузіі, ААЭ, Польшчы, Расіі, Таджыкістана, Эстоніі. Пра гэта паведаміў прарэктар па навуковай рабоце ВНУ доктар тэхнічных навук дацэнт Віктар Пашкевіч.
Рэспубліканскі форум МААП «Служым #раЗАм» пройдзе 18–19 лютага ў Магілёве
Рэспубліканскі форум для ўдзельнікаў руху моладзевых атрадаў аховы правапарадку «Служым #раЗАм» пройдзе 18–19 лютага ў Магілёве, паведаміла сакратар Цэнтральнага камітэта Беларускага рэспубліканскага саюза моладзі Аляксандра Ганчарова. «Удзельнікамі форума стане 60 прадстаўнікоў МААП з усіх рэгіёнаў краіны, а таксама сакратары галіновых камітэтаў і першасных арганізацый БРСМ сілавых структур і профільных устаноў адукацыі. Яго мэта –пазнаёміць моладзь з працай МУС, МНС, службай ва Узброеных Сілах», – паведаміла Аляксандра Ганчарова.
У трэцім працоўным семестры рознымі відамі занятасці ў Магілёўскай вобласці ахоплена больш за 11 тыс. маладых людзей
У трэцім працоўным семестры рознымі відамі занятасці ў Магілёўскай вобласці ахоплена больш за 11 тыс. маладых людзей. Пра гэта паведаміла, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
У Магілёўскай вобласці вызначылі пераможцаў агляду-конкурсу каманд падтрымкі «Піянерскія іскры»
У Магілёўскай вобласці вызначылі пераможцаў агляду-конкурсу каманд падтрымкі «Піянерскія іскры». Пра гэта паведаміла старшыня Магілёўскага абласнога савета ГА «БРПА» Алена Малдаванава.
У Магілёве зладзілі сустрэчу з папулярнымі беларускімі блогерамі
Адзін з перспектыўных напрамкаў сучаснай камунікацыі–блогінг. У Магілёве зладзілі сустрэчу з папулярнымі інтэрнэт-мысліўцамі для тых, хто толькі хоча завесці сваю старонку ў Інтэрнэце. Паводле звестак сацапытанняў, кожны трэці падлетак марыць стаць папулярным у Інтэрнэце. І магілёўскія блогеры падзяліліся з падлеткамі сваімі сакрэтамі. Акрамя механізмаў папулярызацыі старонак у сацыяльных сетках, стваральнікі ўласных кантэнтаў падказалі, як выбраць паспяховую тэму, падзяліліся сваімі гісторыямі.
Філіял кафедры «Тэхнічная эксплуатацыя аўтамабіляў» БРУ адкрыўся на базе Магілёўскага аўтапарка № 4
Філіял кафедры «Тэхнічная эксплуатацыя аўтамабіляў» Беларуска-Расійскага ўніверсітэта адкрыўся на базе аўтапарка № 4 у Магілёве. Пра гэта паведамілі ва ўстанове адукацыі. Аўтапарк займаецца тэхнічным абслугоўваннем і рамонтам грузавых іншамарак. Наяўнае на прадпрыемстве сучаснае абсталяванне і дасведчаны персанал дазваляюць якасна выконваць працу.
На абласны этап рэспубліканскага конкурсу праектаў па эканоміі і беражлівасці «Энергамарафон» было прадстаўлена больш за 400 работ
На абласны этап XI Рэспубліканскага конкурсу праектаў устаноў адукацыі па эканоміі і беражлівасці «Энергамарафон –2019» было прадстаўлена 439 работ з усіх раёнаў Магілёўшчыны. Пра гэта паведамілі ў галоўным упраўленні па адукацыі Магілёўскага аблвыканкама. Абарона работ і ўзнагароджанне ўдзельнікаў праходзіла ў Магілёўскім дзяржаўным абласным інстытуце развіцця адукацыі.
Новая спецыяльнасць з’явіцца ў архітэктурна-будаўнічым каледжы БРУ
Новая спецыяльнасць «Водазабеспячэнне, водаадвядзенне і ахова водных рэсурсаў»з’явіцца з новага навучальнага года ў архітэктурна-будаўнічым каледжы ў складзе міждзяржаўнай адукацыйнай установы вышэйшай адукацыі «Беларуска-Расійскі ўніверсітэт». Пра гэта паведамілі ва ўстанове адукацыі.
Магілёўская каманда згуляе ў вышэйшай лізе КВЗ
Магілёўская каманда КВЗ «Доктар Хаус» згуляе ў вышэйшай лізе КВЗ. Першая 1/8 фіналу з удзелам нашых хлопцаў адбудзецца 12 лютага. Пра гэта стала вядома пасля аб’яўлення вынікаў міжнароднага фестывалю «КиВиН–2020».
У Магілёве 1 лютага адбудзецца крэатон для старшакласнікаў «Першыя ідэі: інклюзія»
У Магілёве 1 лютага адбудзецца крэатон для старшакласнікаў «Першыя ідэі: інклюзія». Яго ўдзельнікамі могуць стаць вучні 9-х, 10-х і 11-х класаў з усёй Беларусі. Ён пройдзе ў межах сацыяльна-адукацыйнага праекта «Першыя», які рэалізуецца кампаніяй А1 пры падтрымцы арганізатараў канферэнцый TEDxMinsk.
Пераможцамі трэцяга этапу рэспубліканскай алімпіяды па вучэбных прадметах стала больш за 400 навучэнцаў Магілёўскай вобласці
Пераможцам трэцяга (абласнога) этапу рэспубліканскай алімпіяды па вучэбных прадметах стаў 431 навучэнец Прыдняпроўскага краю, або 45% ад агульнай колькасці ўдзельнікаў. Дыпломамі I ступені ўзнагароджаны 74 чалавекі, II-й – 125 і III-й – 232, паведамілі ў галоўным упраўленні па адукацыі Магілёўскага аблвыканкама.
У Магілёве прайшоў першы выпускны IT-лабараторыі
Хорроры, игры про зомби-апокалипсис и 3D-модели мира - такие разработки презентовали в Могилеве первые выпускники бесплатной IT-лаборатории при Белорусско-Российском университете.
Магілёўскі абласны камітэт ГА «БРСМ» праводзіць акцыю ў дапамогу бяздомным жывёлам
У Магілёўскай вобласці праходзіць дабрачынная акцыя «Браты нашы меншыя», накіраваная на аказанне дапамогі бяздомным жывёлам, якія знаходзяцца ў прытулках, на ператрымцы ў валанцёраў. Пра гэта паведамілі ў АК ГА «БРСМ». У акцыі, якая працягнецца да 31 студзеня, можа прыняць удзел любы жадаючы. Для гэтага неабходна набыць неабходны тавар (сухія нефарбаваныя кармы, кансервы для катоў і сабак, напаўняльнікі, медыкаменты і інш.), прыйсці на адрас: г. Магілёў, вул. Першамайская, 31 (Магілёўскі абласны камітэт БРСМ) і перадаць для Магілёўскага таварыства абароны жывёл «Добрае сэрца».
Больш за сто прыгажунь прыме ўдзел у абласным этапе нацыянальнага конкурсу прыгажосці «Міс Беларусь – 2020»
Абласны этап нацыянальнага конкурсу прыгажосці «Міс Беларусь – 2020» пройдзе 26 студзеня з 11:00 да 18:00 гадзін у Палацы культуры вобласці, удзел у якім прыме больш за сто дзяўчат ва ўзросце ад 18 да 24 гадоў. Самыя ўдачлівыя з канкурсантак ужо 21 сакавіка паспрабуюць свае сілы ў паўфінале, які будзе праходзіць у ДУА «Цэнтр “Нацыянальная школа прыгажосці”» ў сталіцы.
Дзве новыя спецыяльнасці з’явяцца ў Магілёўскім дзяржаўным універсітэце імя А. А. Куляшова ў 2020 годзе
У 2020 годзе МДУ імя А. А. Куляшова набірае студэнтаў на дзве новыя спецыяльнасці: «Медыка-біялагічная справа»і «Праграмнае забеспячэнне інфармацыйных тэхналогій». Абедзве спецыяльнасці адкрываюцца на факультэце матэматыкі і прыродазнаўства. Тэрмін навучання – 4 гады, паведаміў прарэктар па вучэбнай рабоце Алег Дзячэнка.
Новая спецыяльнасць з’явіцца ў Магілёўскім дзяржаўным універсітэце харчавання
Новая спецыяльнасць «Упраўленне інавацыйнымі праектамі прамысловых прадпрыемстваў» з’явіцца з новага навучальнага года ў Магілёўскім дзяржаўным універсітэце харчавання. Пра гэта паведамляецца на сайце навучальнай установы. Студэнтаў будуць навучаць распрацоўцы і ўкараненню інавацыйных праектаў на прадпрыемствах. Выпускнікам гэтай спецыяльнасці прысвояць кваліфікацыю «Праект-менеджар. Эканаміст».
УУС аблвыканкама і Магілёўская гімназія №3 створаць профільны юрыдычны клас
УУС Магілёўскага аблвыканкама сумесна з гімназіяй № 3 горада Магілёва плануюць стварыць у 2020 годзе профільны юрыдычны клас на базе ўстановы адукацыі. Прэзентацыя сумеснага праекта пройдзе ў гімназіі (вул. Ленінская, д. 41) 18 студзеня ў 10.00. Для ўдзелу арганізатары запрашаюць навучэнцаў 7 класаў устаноў адукацыі Магілёва і вобласці. Школьнікаў чакаюць зносіны з аператыўнікамі крымінальнага вышуку, наркакантролю і службы БЭЗ, інспектарамі ДАІ і байцамі АМАП УУС.
Фінальныя мерапрыемствы дабрачыннай акцыі «Цуды на Раство» пройдуць у Магілёўскай вобласці 26–27 снежня
Фінальныя мерапрыемствы дабрачыннай акцыі «Цуды на Раство» пройдуць у Магілёўскай вобласці 26–27 снежня. Пра гэта паведамілі ў абласным камітэце ГА «БРСМ». Як расказалі суразмоўцы, у ААТ «Універмаг “Цэнтральны”» Магілёва працавала своеасаблівая «Ёлка жаданняў». На зялёнай прыгажуні валанцёры руху ГА «БРСМ» «Добрае сэрца» ўвечары развешвалі паштоўкі з запаветнымі марамі дзяцей. Пад ёй была ўстаноўлена скрынка «Добрых сэрцаў», куды любы жадаючы мог пакласці навагодні падарунак: ад дзіцячага канструктара да мяккай цацкі.
Дабрачынная акцыя «Цуды на Каляды» 23 снежня завітае ў сацыяльна-педагагічны цэнтр Кастрычніцкага раёна Магілёва
Рэспубліканская дабрачынная акцыя «Цуды на Каляды» 23 снежня завітае ў сацыяльна-педагагічны цэнтр Кастрычніцкага раёна горада Магілёва. Сёння тут знаходзіцца 24 выхаванцы ва ўзросце да 18 гадоў, паведамілі ў АК ГА «БРСМ». Разам з валанцёрамі руху «Добрае сэрца» Магілёўскай абласной арганізацыі БРСМ першы сакратар Цэнтральнага камітэта ГА «БРСМ» Дзмітрый Варанюк павіншуе выхаванцаў дзіцячага сацыяльнага прытулку. Зносіны наладзяцца ў форме чаявання з салодкімі пачастункамі.
Больш за 30 праектаў прадставіць моладзь Магілёўшчыны на абласной выставе конкурсу «100 ідэй для Беларусі»
Больш за 30 інавацыйных праектаў прадставіць моладзь Магілёўшчыны на абласной выставе-прэзентацыі Рэспубліканскага маладзёжнага конкурсу «100 ідэй для Беларусі». Пра гэта паведамілі ў АК ГА «БРСМ», які выступае арганізатарам мерапрыемства. Рэгіянальны этап спаборніцтва стартуе 20 снежня ў 11.00 на базе бізнес-інкубатара ААТ «Магілёўскае агенцтва рэгіянальнага развіцця» (б-р Юбілейны, 21).
Навагодні баль для адораных і таленавітых дзяцей прайшоў у Бабруйску
Навагодні баль для адораных і таленавітых дзяцей адбыўся ў Бабруйску. Традыцыйна ў ліку дзяцей, запрошаных на мерапрыемства, былі выдатнікі вучобы, пераможцы алімпіяд і творчых конкурсаў. Павіншаваць моладзь прыйшоў старшыня Бабруйскага гарвыканкама Аляксандр Студнеў, прадстаўнікі структурных падраздзяленняў выканкама і грамадскіх аб’яднанняў горада.
Навагодні баль для адораных дзяцей пройдзе ў Бабруйску 14 снежня
Навагодні баль для адораных і таленавітых дзяцей пройдзе ў Бабруйску 14 снежня. Пра гэта паведаміла намеснік старшыні Бабруйскага гарвыканкама Вікторыя Амялюсік. «Навагодні баль для адораных і таленавітых дзяцей стане адным з першых мерапрыемстваў, прымеркаваных да рэспубліканскай акцыі «Нашы дзеці». Гэтым разам ён адбудзецца 14 снежня ў Палацы мастацтваў. Сёлета ўдзельнікамі мерапрыемства стане больш за 130 дзяцей, старэйшых за 15 гадоў», – расказала яна.
Вясёлае праграмаванне: у БРУ стварылі робата, які пячэ бліны
Ідэя блінаробота прыйшла напярэдадні адной з Масленіц студэнтам Беларуска-Расійскага ўніверсітэта, якія вучацца робататэхніцы на інжынерна-эканамічным факультэце. Функцыі кіраўніка і натхняльніка ўзяў на сябе дэкан Арцём Кулабухаў. Каб навучэнцы змаглі ўвасобіць задуманае ў жыццё, ён дазволіў выкарыстоўваць дарагую японскую прыладу – шасцівосевы робат калісьці быў набыты ўніверсітэтам за 50 тыс. еўра.
Знаходзіць і распрацоўваць рашэнні праблем вучылі падлеткаў у Магілёве
У рэсурсным цэнтры моладзевых ініцыятыў «Ступені» Магілёва адбыўся першы трэнінг курса па сацыяльным праектаванні, заснаваным на метадалогіі «АПШЫФТ». Пра гэта паведаміла каардынатар праекта па Магілёўскай вобласці Алена Малдаванава. Удзельнікі трэнінгу абмеркавалі сацыяльныя інавацыі, даведаліся цікавыя прыклады з практыкі іншых краін, правялі гульню па камандаўтварэнні. Далей маладыя людзі, выкарыстоўваючы тэхналогію «Дрэва праблем» і метад «Персоны», пагрузіліся ў працу над сваёй тэмай для больш глыбокага яе разумення.
Курсантка Магілёўскага інстытута МУС Іна Клечан пазмагаецца за званне «Студэнт года – 2019» Беларусі
Фінал рэспубліканскага конкурсу «Студэнт года» адбудзецца сёння ў Мінскім гарадскім Палацы культуры. Спаборніцтва праходзіць пад эгідай Беларускага рэспубліканскага саюза моладзі.
Моладзь Магілёўскай вобласці – у ліку пераможцаў рэспубліканскага конкурсу «Валанцёр года – 2019»
Пераможцаў рэспубліканскага конкурсу «Валанцёр года – 2019» ўшаноўвалі ў Мінску. Традыцыйна яго вынікі падводзяцца ў Міжнародны дзень добраахвотнікаў. У гэтым годзе праект праходзіў пад патранатам Беларускага рэспубліканскага саюза моладзі і Міністэрства адукацыі. Ён аб’яднаў валанцёраў руху БРСМ «Добрае сэрца», Беларускага таварыства Чырвонага Крыжа, Асацыяцыі клубаў ЮНЕСКА, валанцёрскіх цэнтраў устаноў вышэйшай адукацыі і іншых арганізацый. Усяго ў фінале конкурсу ўдзельнічалі 64 працы.