ЦТ па фізіцы ў Магілёўскай вобласці плануе здаваць больш за 2,6 тыс. абітурыентаў
Сёння ў Беларусі пройдзе цэнтралізаванае тэставанне па фізіцы. На яго ў Магілёўскай вобласці зарэгістравалася больш за 2,6 тыс. чалавек, паведаміў начальнік рэгіянальнага цэнтра тэставання Беларуска-Расійскага ўніверсітэта Аляксандр Даўгалёў. Экзамен пачнецца ў 11.00. Абітурыентам трэба своечасова прыйсці – за 30 хвілін да пачатку тэставання. Пры сабе неабходна мець пропуск на ЦТ, які выдаецца пры рэгістрацыі, пашпарт або іншы дакумент, які сведчыць асобу (від на жыхарства, пасведчанне бежанца), гелевую або капілярную ручку з чорнымі чарніламі.
Магілёўскі медкаледж павялічыць набор у паўтара раза
Магілёўскі дзяржаўны медыцынскі каледж плануе сёлета набраць на навучанне 460 чалавек, што перавышае леташні паказчык у паўтара раза, паведаміў дырэктар установы адукацыі Юрый Крывашчокаў.
Цэнтралізаванае тэсціраванне па чатырох замежных мовах у Магілёўскай вобласці плануе прайсці амаль 3,3 тыс. абітурыентаў
Цэнтралізаванае тэсціраванне па чатырох замежных мовах у Магілёўскай вобласці плануе прайсці амаль 3,3 тыс. абітурыентаў. Пра гэта карэспандэнту сайта паведамілі ў рэгіянальным цэнтры тэсціравання Беларуска-Расійскага ўніверсітэта. Здаваць англійскую мову мае намер 2 795 абітурыентаў, нямецкую – 400, французскую – 85, іспанскую – 11. «На кітайскую мову ў гэтым годзе ніхто не зарэгістраваўся, – удакладнілі суразмоўцы. – У мінулым годзе праверыць свае веды па гэтым прадмеце быў толькі адзін жадаючы».
Магілёўская вобласць заняла трэцяе агульнакаманднае месца на рэспубліканскай спартакіядзе школьнікаў
Магілёўская вобласць заняла трэцяе агульнакаманднае месца на XIV рэспубліканскай спартакіядзе школьнікаў – 2019. Пераможцам першынства стала каманда Мінска. Сярэбраныя ўзнагароды паехалі ў Гродзенскую вобласць, паведамілі ў галоўным упраўленні па адукацыі аблвыканкама.
Прафсаюзны актыў абмяркуе ў Магілёве гарантыі маладым спецыялістам
Форум Моладзевага савета Магілёўскага абласнога аб’яднання прафсаюзаў «Сацыяльныя гарантыі моладзі. Маладыя спецыялісты» пройдзе ў Магілёўскім дзяржаўным універсітэце харчавання 14 чэрвеня. Пра гэта расказаў старшыня моладзевага савета Віктар Аўдзюшка. У межах мерапрыемства будзе разгледжаны шэраг пытанняў, якія тычацца моладзевай палітыкі Федэрацыі прафсаюзаў Беларусі, прававых аспектаў працаўладкавання маладых спецыялістаў, вопыту работы з моладдзю ў арганізацыях рэгіёна на прыкладзе ААТ «Магілёўхімвалакно» і РУП «Магілёўаблгаз».
Маладзёжны марафон «75» прыбудзе ў Магілёў 18 чэрвеня
Маладзёжны марафон «75», прысвечаны 75-й гадавіне вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне адправіўся па месцах баявой славы Беларусі. Пра гэта паведамілі ў абкаме Беларускага рэспубліканскага саюза моладзі.
Алімпіяда школьнікаў Саюзнай дзяржавы пройдзе восенню ў Магілёве
Штогадовая алімпіяда школьнікаў Саюзнай дзяржавы «Расія і Беларусь: гістарычная і духоўная супольнасць» адбудзецца ў кастрычніку-лістападзе 2019 года ў Магілёве. Пра гэта паведамляе партал Саюзнай дзяржавы. З расійскага боку чакаецца ўдзел каманд з 23 абласцей. У складзе Цэнтральнага аргкамітэта алімпіяды – намеснік міністра асветы Расійскай Федэрацыі Таццяна Сінюгіна.
Падлеткі з інваліднасцю змогуць вучыцца ў Магілёўскім каледжы на аператара ЭВМ дыстанцыйна
З новага навучальнага года Магілёўскі дзяржаўны эканамічны каледж прафесійна-тэхнічнага навучання прыступіць да рэалізацыі эксперыментальнага праекта па дыстанцыйным навучанні асоб з парушэннямі апорна-рухальнага апарата па спецыяльнасці «Эксплуатацыя электронна-вылічальных машын», паведаміў дырэктар установы адукацыі Алег Бахановіч. Падрыхтавана і зацверджана праграма навучання, вызначаны спецыялісты, якія будуць займацца з дзецьмі. Відэасувязь будзе арганізавана пры дапамозе скайпа. У эксперыментальную групу набяруць 8 чалавек.
Урачыстае адкрыццё трэцяга працоўнага семестра 2019 года адбудзецца ў Магілёве 14 чэрвеня
Урачыстае адкрыццё трэцяга працоўнага семестра 2019 года, прысвечанага 75-годдзю вызвалення Беларусі ад нямецка-фашысцкіх захопнікаў, адбудзецца ў Магілёве 14 чэрвеня. Пра гэта паведамілі ў абласным камітэце ГА «БРСМ». Мерапрыемства з удзелам прадстаўнікоў гарадскіх і раённых штабоў студэнцкіх атрадаў, працоўных спраў устаноў адукацыі, камандзіраў і камісараў, першых сакратароў тэрытарыяльных камітэтаў ГА «Беларускі рэспубліканскі саюз моладзі» пачнецца ў 11.30 на пляцоўцы каля корпуса №7 Беларуска-Расійскага ўніверсітэта.
Беларуска-Расійскі ўніверсітэт адкрывае тры новыя спецыяльнасці
Беларуска-Расійскі ўніверсітэт адкрывае тры новыя спецыяльнасці, дзве з якіх – IT. Пра гэта паведамілі ў вышэйшай навучальнай установе. З гэтага года ВНУ пачне прыём абітурыентаў на «Электронны маркетынг», «Абсталяванне і тэхналогіі высокаэфектыўных працэсаў апрацоўкі металаў», «Інфармацыйныя сістэмы і тэхналогіі (у праектаванні і вытворчасці)». Плануецца, што студэнтамі названых спецыяльнасцей стане 60 чалавек. На бюджэт маюць намер залічыць 44 абітурыенты, на платнае – 16.
Каманда з Магілёва перамагла ў фінале рэспубліканскай спартыўна-патрыятычнай гульні «Зарнічка»
Пераможцам рэспубліканскай спартыўна-патрыятычнай гульні «Зарнічка» стаў атрад «Спадчыннікі» з сярэдняй школы №8 Магілёва. Пра гэта паведаміла старшыня Магілёўскага абласнога савета ГА «Беларуская рэспубліканская піянерская арганізацыя» Алена Малдаванава.
У Магілёўскай вобласці 390 выпускнікоў закончылі школу з залатымі і сярэбранымі медалямі
У Магілёўскай вобласці па папярэдніх дадзеных 390 выпускнікоў закончылі школу з медалямі. З іх залатыя ўзнагароды атрымаюць 362 адзінаццацікласнікі, сярэбраныя – 28, паведаміў першы намеснік начальніка галоўнага ўпраўлення па адукацыі аблвыканкама Сяргей Сыранкоў. «У 2018/2019 навучальным годзе выпускнікоў-медалістаў на 55 больш у параўнанні з мінулым, – адзначыў суразмоўца. – Пры гэтым колькасць дзяцей, якія скончылі сярэднюю школу, на 400 менш і складае 6,3 тыс.»
На час правядзення цэнтралізаванага тэставання КДК Магілёўскай вобласці арганізуе гарачую лінію
На час правядзення цэнтралізаванага тэсціравання (з 11 чэрвеня па 1 ліпеня) для абітурыентаў і іх законных прадстаўнікоў у Камітэце дзяржаўнага кантролю Магілёўскай вобласці будзе арганізавана работа тэлефонаў гарачай лініі. Пра гэта паведаміў першы намеснік старшыні кантралюючага ведамства Юрый Фралоў. Па нумарах 8 (0222) 22-18-97, 31-07-73, 31-07-75 з 9.00 да 13.00 і з 14.00 да 16.00 кантралёрам можна паведаміць інфармацыю аб парушэннях і недахопах у працы арганізацыйных камісій пунктаў тэставання.
Каля 200 студэнцкіх атрадаў будзе працаваць сёлета на Магілёўшчыне
Працоўны семестр стартаваў у Магілёўскай вобласці. На працягу ўсяго лета ў рэгіёне плануюць арганізаваць каля 200 студэнцкіх атрадаў. Ужо больш за 2 тыс. студэнтаў падалі заявы на летнія работы. На думку арганізатараў, гэта далёка не мяжа. Попыт на такі від летняй занятасці ў моладзі расце.
Рэгістрацыя на ЦТ завяршаецца ў Беларусі
У Беларусі 1 чэрвеня завяршаецца рэгістрацыя на асноўны этап цэнтралізаванага тэставання па вучэбных прадметах. Пункты рэгістрацыі адкрыты сёння да 19.00. У суботу, 1 чэрвеня, яны будуць працаваць з 9.00 да 18.00. Па апошніх даных, на ЦТ зарэгістравалася каля 74 тыс. чалавек.
Магілёўскую вобласць у фінале рэспубліканскага конкурсу жывапісу «Шчасце жыць у мірнай краіне» прадставіць 50 работ навучэнцаў
Абласны этап рэспубліканскага конкурсу жывапісу «Шчасце жыць у мірнай краіне», прысвечаны 75-годдзю вызвалення Беларусі ад нямецка-фашысцкіх захопнікаў і Году малой радзімы, завяршыўся на Магілёўшчыне. Пра гэта паведамілі ў абласным аддзяленні Фонду міру.
Дзіцячае свята арганізуе Магілёўскі інстытут МУС 31 мая
Вясёлае і займальнае свята падрыхтаваў для дзяцей Магілёўскі інстытут МУС. Мерапрыемства прымеркавана да Дня абароны дзяцей, паведаміла афіцыйны прадстаўнік ВНУ Марына Грамыка. Упершыню на свяце пройдзе конкурс кампазіцый з паветраных шароў сярод каманд курсаў факультэта міліцыі. Тут прадставяць музычна-забаўляльную праграму з гульнямі, лялькамі, паветранымі шарамі, выступленнямі прафесійныхклоўнаў. Дзеці змогуць «намаляваць» святочнае тату, пачаставацца прысмакамі, папкорнам і салодкай ватай.
Рэспубліканскі злёт-конкурс атрадаў юных інспектараў руху стартуе ў Бабруйску 28 мая
Рэспубліканскі злёт-конкурс атрадаў юных інспектараў руху адбудзецца ў Бабруйску 28 мая – 1 чэрвеня. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама. У традыцыйным спаборніцтве, якое пройдзе ў 47-ы раз, возьмуць удзел каманды-пераможцы аналагічных рэгіянальных спаборніцтваў з шасці абласцей рэспублікі і горада Мінска, а таксама атрады ЮІР з Расіі, Казахстана і Азербайджана.
Міхаіл Русы сустрэўся з будучымі кіраўнікамі сельскагаспадарчых арганізацый і кадравым рэзервам Магілёўскага аблвыканкама
Памочнік Прэзідэнта Рэспублікі Беларусь – інспектар па Магілёўскай вобласці Міхаіл Русы сустрэўся з будучымі кіраўнікамі сельскагаспадарчых арганізацый і кадравым рэзервам Магілёўскага аблвыканкама. Мерапрыемства адбылося ў межах выязнога семінара.
Бабруйчане сталі абсалютнымі пераможцамі міжнароднага турніру знаўцаў хрысціянскай культуры
У Гомелі завяршыўся VI Міжнародны турнір па інтэлектуальных гульнях «ФАВОР» для знаўцаў асноў хрысціянскай культуры. Найлепшай знаўцай у гэтым годзе прызнана каманда «Соль зямлі» Бабруйскай епархіі. Пра гэта паведаміў сакратар епархіяльнага ўпраўлення протаіерэй Сяргей Каравінскі.
Старшакласнікі Магілёва прымуць удзел у аглядзе строю і песні
Агляд строю і песні, прысвечаны 75-годдзю вызвалення Беларусі ад нямецка-фашысцкіх захопнікаў, адбудзецца 27 мая ў ліцэі Беларуска-Расійскага ўніверсітэта. Свае ўменні і навыкі ў конкурсе прадэманструюць старшакласнікі Магілёва. Журы, у склад якога ўвойдуць ветэраны афганскай вайны, выкладчыкі фізкультуры, прадстаўнікі спецназа, будуць ацэньваць выступленні ўдзельнікаў па некалькіх крытэрыях. У ліку асноўных – знешні выгляд, дысцыпліна і рух строю, раўненне, выкананне каманд, выразнасць рапарту, дыстанцыі, інтэрвалы і інш. Пачатак мерапрыемства – у 14.30.
Магілёўшчыну ў фінале рэспубліканскай спартыўна-патрыятычнай гульні «Зарнічка» прадставяць дзеці з СШ № 8 абласнога цэнтра
Атрад «Наследники», які прадстаўляў СШ № 8 Магілёва, атрымаў перамогу ў рэгіянальным этапе спартыўна-патрыятычнай гульні «Зарнічка». Дзеці будуць абараняць гонар Прыдняпроўскага краю на аналагічным рэспубліканскім спаборніцтве. Пра гэта паведаміла старшыня Магілёўскага абласнога савета ГА «Беларуская рэспубліканская піянерская арганізацыя» Алена Малдаванава.
Юныя чытальнікі Магілёўскай вобласці прымуць удзел у конкурсе «Жывая класіка»
Рэгіянальны этап рэспубліканскага творчага конкурсу юных чытальнікаў «Жывая класіка» адбудзецца 22 мая ў Магілёве. Пра гэта паведаміла метадыст аддзела адукацыйнай дзейнасці абласнога цэнтра творчасці Алена Новікава. У спаборніцтве праявяць сябе навучэнцы 1-10-х класаў устаноў агульнай сярэдняй і дадатковай адукацыі дзяцей і моладзі рэгіёна. Яны прачытаюць вершы і празаічныя ўрыўкі беларускіх або рускіх аўтараў. Падчас выступлення хлопцы і дзяўчаты змогуць выкарыстоўваць музычнае суправаджэнне, дэкарацыі і касцюмы.
Курс маладога байца пройдуць акцябраты Магілёўшчыны ў спартыўна-патрыятычнай гульні «Зарнічка»
Акцябраты Магілёўшчыны 16 мая прымуць удзел у спартыўна-патрыятычнай гульні «Зарнічка». Мерапрыемства прысвечана перамозе савецкага народа ў Вялікай Айчыннай вайне і 75-годдзю вызвалення Рэспублікі Беларусь ад нямецка-фашысцкіх захопнікаў, паведаміла старшыня Магілёўскага абласнога савета ГА «Беларуская рэспубліканская піянерская арганізацыя» Алена Малдаванава. Паводле слоў суразмоўніцы, на базе абласнога цэнтра творчасці (пр. Міру, 23а) у 11.00 збяруцца дзеці ва ўзросце 9-10 гадоў. Прычым кожны атрад прадставіць пэўны род войскаў з адпаведнай эмблемай.
Пераможцаў 13 міжнародных алімпіяд будуць прымаць у ВНУ Беларусі без экзаменаў у 2019 годзе
Міністэрства адукацыі пастановай №42 ад 29 красавіка 2019 года зацвердзіла пералік з 13 міжнародных алімпіяд, пераможцы якіх будуць прымацца ў беларускія ВНУ і ўстановы сярэдняй спецыяльнай адукацыі без уступных выпрабаванняў у 2019 годзе. Такая інфармацыя размешчана на Нацыянальным прававым інтэрнэт-партале.
Навучэнцы Магілёўскай гімназіі-каледжа мастацтваў сталі лаўрэатамі рэспубліканскага радыёконкурсу «Маладыя таленты Беларусі»
Навучэнцы Магілёўскай дзяржаўнай гімназіі-каледжа мастацтваў сталі лаўрэатамі VIII Рэспубліканскага творчага радыёконкурсу «Маладыя таленты Беларусі», які праводзіў першы нацыянальны канал Беларускага радыё. Цырымонія ўзнагароджання пераможцаў адбылася на XXIII Міжнароднай спецыялізаванай выставе «СМІ ў Беларусі», паведамілі ва ўстанове адукацыі.
Больш за 80 школьнікаў рэгіёна прыняло ўдзел у конкурсе відэаролікаў «Магілёўскі край – любі і праслаўляй»
Больш за 80 школьнікаў рэгіёна прыняло ўдзел у абласным конкурсе відэаролікаў «Магілёўскі край – любі і праслаўляй». Хлопцы і дзяўчаты здымалі сюжэты пра родны край, выкарыстоўваючы тэлефоны, планшэты, фотаапараты, а потым выкладвалі работы ў Інтэрнэт. Паставіць лайк упадабанаму відэа і наблізіць ўдзельніка да перамогі мог кожны.
У Беларусі ствараецца адзіная база даных тых, хто навучаецца ва ўстановах адукацыі
У Беларусі ствараецца адзіная база даных тых, хто навучаецца ва ўстановах адукацыі. Парадак яе фарміравання і вядзення вызначыла Міністэрства адукацыі сваёй пастановай ад 16 красавіка 2019 года нумар 36. Такая інфармацыя размешчана на Нацыянальным прававым інтэрнэт-партале. База даных тых, хто навучаецца, - дзяржаўны інфармацыйны рэсурс. Ён ствараецца для рэалізацыі дэкрэта аб садзейнічанні занятасці і фарміравання і вядзення базы даных працаздольных грамадзян, не занятых у эканоміцы.
Рэгістрацыя на ЦТ пачынаецца ў Беларусі
У Беларусі 2 мая пачынаецца рэгістрацыя на асноўны этап цэнтралізаванага тэсціравання па навучальных прадметах, стартуе ўступная кампанія. Зарэгістравацца на ЦТ можна па 1 чэрвеня ўключна. Раней Міністэрства адукацыі зацвердзіла пералік ВНУ і каледжаў у кожнай вобласці і Мінску, дзе гэта можна зрабіць. Пункты рэгістрацыі (у гэтых жа ўстановах адукацыі затым пройдзе і само тэсціраванне) будуць адкрыты з 9.00 да 19.00 па буднях і з 9.00 да 18.00 па суботах (18 мая і 1 чэрвеня). У час майскіх свят рэгістрацыя праводзіцца 6 мая.
Найлепшых юных мадэльераў выберуць у Магілёўскай вобласці
Фінал абласнога конкурсу юных мадэльераў «Залатое вераценца-2019» пройдзе 25 красавіка ў Магілёве, паведаміла метадыст інструктыўна-метадычнага аддзела ДУДА «Абласны цэнтр творчасці» Аліна Клачкова. Спаборніцтва збярэ ў 11.00 у канцэртнай зале абласнога цэнтра творчасці (пр-т Міру, 23а) прадстаўнікоў агульнай сярэдняй і дадатковай адукацыі дзяцей і моладзі рэгіёна. Увазе гледачоў і журы хлопцы і дзяўчаты прадставяць 27 калекцый адзення.