Ірына Курачкіна выступіць у складзе каманды беларускіх змагароў на міжнародным турніры ў Маскве
Трэнерскія штабы каманд Беларусі па вольнай і грэка-рымскай барацьбе вызначыліся са складам на першы турнір барцоўскай лігі Паддубнага (PWL), які пройдзе ў Маскве 19–20 мая, паведамілі ў прэс-службе НАК Беларусі.
Магілёўскі спартсмен стаў бронзавым прызёрам міжнароднага паўмарафону
У горадзе Чалпон-Ата (Кыргызстан) прайшоў Міжнародны марафон ШАС Run The Silk Road. У ім прынялі ўдзел звыш 3 тысяч спартсменаў з 22 краін. Па маляўнічых месцах возера Ісык-Куль яны змагаліся на дыстанцыях марафону, паўмарафону, а таксама 10000 і 3000 метраў.
Магілёўскі спартсмен стаў сярэбраным прызёрам па выніках міжнароднага турніру па сучасным пяцібор’і
У Мінску завяршыўся першы этап Кубка імя Паўла Ляднёва па сучасным пяцібор’і сярод мужчын і жанчын. Гэты міжнародны турнір для беларускіх і расійскіх спартсменаў стаў альтэрнатывай 1 этапу Кубка свету. Пяціборцы змагаліся ў фехтаванні, верхавой яздзе, плаванні і лазер-ране (бег+стральба з лазернага пісталета). У асабістым першынстве ў мужчын сярэбраны медаль выйграў магілёвец Ілья Палазкоў. Пераможцам этапу стаў расіянін Аляксандр Ліфанаў, на трэцім месцы – Пётр Баршчоў (Расія). Другі этап міжнародных спаборніцтваў пройдзе з 24 па 29 мая ў Маскве.
Каманда Магілёўскай вобласці зноў стала пераможцай спаборніцтваў па кросе на прызы ВД «Беларусь сегодня»
У Магілёве завяршыліся Кубак Беларусі, рэспубліканскія спаборніцтвы па кросе на прызы выдавецкага дома «Беларусь сегодня» і рэспубліканскія спаборніцтвы па эстафетным бегу памяці заслужанага трэнера Аляксандра Кіцэнкі.
Прадстаўнікі Магілёўскай вобласці заваявалі 7 залатых медалёў на першынствах Беларусі па вольнай барацьбе
У Мінску прайшлі першынствы Беларусі па вольнай барацьбе сярод юніёрак і юніёраў (U-20). Удзел у іх прынялі спартсмены з усіх абласцей краіны і Мінска. Прадстаўнікі Магілёўскай вобласці заваявалі ў турнірах 7 залатых, 4 сярэбраныя, 6 бронзавых медалёў. Пераможцамі ў першынствах сталі Кірыл Пракопаў (57 кг), Давід Кісіеў (74 кг), Марта Гетманава (53 кг), Крысціна Здункевіч (59 кг), Аліна Максімава (62 кг), Аліна Шаўчук (68 кг) і Вікторыя Радзькова (72 кг).
Рэспубліканскі турнір па танцавальным спорце пройдзе ў Магілёве
Рэспубліканскія спаборніцтвы па танцавальным спорце «Вясновы баль 2022» пройдуць у Магілёве 17 красавіка. Такая інфармацыя размешчана на сайце Беларускага альянсу танцавальнага спорту. Спаборніцтвы пройдуць у спарткомплексе «Алімпіец», дзе танцавальныя пары і сольныя выканаўцы будуць змагацца за месца на самай высокай прыступцы п’едэстала гонару.
Чэмпіянат МУС па рукапашным баі стартуе ў Магілёве
Чэмпіянат МУС па рукапашным баі стартуе сёння ў Магілёўскім інстытуце МУС. Пра гэта паведаміла афіцыйны прадстаўнік ВНУ Марына Грамыка. Спаборніцтвы будуць праходзіць на працягу трох дзён. У Магілёве збяруцца спартсмены з абласных і Мінскага гарадскога УУС, унутраных войскаў, Дэпартамента аховы, СПБТ «Алмаз», Дэпартамента выканання пакаранняў, Акадэміі МУС і Магілёўскага інстытута МУС – усяго 13 каманд.
Камандны чэмпіянат Беларусі па настольным тэнісе стартаваў у Магілёве
Камандны чэмпіянат Беларусі па настольным тэнісе сярод мужчынскіх і жаночых каманд I лігі пройдзе ў Магілёве 17–20 сакавіка. Такая інфармацыя размешчана на сайце Магілёўскага гарвыканкама. Спаборніцтвы будуць праходзіць у спартыўным комплексе «Алімпіец». У іх прыме ўдзел па 10 мужчынскіх і жаночых каманд. Каманды-пераможцы ў наступным сезоне згуляюць у вышэйшай лізе. Магілёўскую вобласць на чэмпіянаце прадставяць: сярод жанчын – ДЮСШ з Клічава, сярод мужчын – «Лакаматыў» з Магілёва.
Спартакіяда абласнога дэпутацкага корпуса пройдзе ў Магілёве 19–20 сакавіка
Спартакіяда дэпутацкага корпуса Магілёўшчыны пройдзе ў абласным цэнтры 19–20 сакавіка. Пра гэта паведамілі ў абласным Савеце дэпутатаў. Як расказалі суразмоўцы, спаборніцтвы будуць праходзіць на працягу двух дзён. Удзел у мерапрыемстве прыме больш за 250 чалавек з усяго рэгіёна. У першы дзень спартакіяды, 19 сакавіка, спартсмены пазмагаюцца за найлепшыя вынікі ў плаванні, дартсе і стральбе. Спаборніцтвы будуць праходзіць у новым ФАКу. Падчас правядзення спаборніцтваў адбудзецца ўрачыстае адкрыццё.
Дзінара Алімбекава выйграла гонку пераследу на Кубку СБР
Беларуска Дзінара Алімбекава стала пераможцай гонкі пераследу на Кубку Саюза біятланістаў Расіі, які праходзіць ва Уфе. На фінішы Дзінара, якая дапусціла па промаху на першым і трэцім агнявых рубяжах, апярэдзіла найбліжэйшую з канкурэнтак больш чым на хвіліну. Сярэбраны медаль пасьюта заваявала пераможца спрынту Ірына Казакевіч, трэцяе месца заняла яшчэ адна расіянка Крысціна Разцова. Беларуска Ірына Лешчанка доўгі час ішла ў лідзіруючай тройцы, але ў выніку фінішавала чацвёртай.
Турнір на прызы Аксаны Мяньковай пройдзе ў Магілёве 14-16 сакавіка
Традыцыйны турнір на прызы заслужанага майстра спорту Беларусі малатабойкі Аксаны Мяньковай пройдзе 14–16 сакавіка на базе Магілёўскага спартыўнага комплексу «Алімпіец». Пра гэта паведамілі ў Беларускай федэрацыі лёгкай атлетыкі. Як адзначылі арганізатары спаборніцтваў, камплекты ўзнагарод будуць разыграны прадстаўнікамі розных узроставых катэгорый у кіданні молата, дзіды і дыска, а таксама ў штурханні ядра.
Прадстаўнікі Магілёўскай вобласці занялі другое месца ў камандным заліку на Кубку Андрэя Мельнікава па дзюдо
У Магілёве завяршыўся традыцыйны турнір (у праграме першынства Беларусі) па дзюдо памяці воіна-інтэрнацыяналіста, Героя Савецкага Саюза Андрэя Мельнікава. У спаборніцтвах удзельнічала каля 100 спартсменаў ва ўзросце да 21 года. Прадстаўнікі Магілёўскай вобласці заваявалі 4 залатыя, 2 сярэбраныя, 1 бронзавы медалі і занялі другое месца ў агульнакамандным заліку. Пераможцамі турніру сталі Валерыя Хрушчова (78 кг), Ігар Міраеўскі (60 кг), Уладзіслаў Мардусевіч (66 кг), Ігар Бацішча (81 кг).
Магіляўчанін Ягор Шарамкоў першынстваваў у вольных практыкаваннях на этапе Кубка свету па спартыўнай гімнастыцы
Беларускія спартсмены выйгралі чатыры медалі на першым этапе Кубка свету па спартыўнай гімнастыцы, які праходзіў у нямецкім Котбусе з 24 па 27 лютага, паведамілі ў прэс-службе НАК Беларусі. У вольных практыкаваннях у мужчын першынстваваў Ягор Шарамкоў, які набраў 13,933 бала. Тры ўзнагароды ў Германіі заваявала Настасся Сманцэр: на рахунку беларускі другое месца ў вольных практыкаваннях і бронзавыя медалі па выніках спаборніцтваў на бервяне і рознавысокіх брусах.
Прадстаўнікі Магілёўскай вобласці заваявалі 6 залатых узнагарод на Кубку Беларусі па цяжкай атлетыцы
У Гомелі завяршыўся адкрыты Кубак Беларусі па цяжкай атлетыцы сярод мужчын і жанчын. У спаборніцтвах прыняло ўдзел 107 спартсменаў з усіх абласцей краіны і Мінска.
Сярэбраны прызёр Алімпійскіх гульняў у Ванкуверы Сяргей Новікаў: «Віншую Антона, малайчына, баец!»
Сярэбраны прызёр Алімпійскіх гульняў 2010 года, начальнік упраўлення спорту і турызму Магілёўскага аблвыканкама Сяргей Новікаў прызнаўся, што глядзець гонку ў прамым эфіры яму было эмацыйна складана.
Першы трэнер Алімбекавай: «Павінен у нас быць медаль па біятлоне. Трэба верыць»
Першы трэнер біятланісткі Дзінары Алімбекавай Марыя Шыпікава ўпэўнена, што ў нашых стральцоў лыжніц і лыжнікаў абавязкова будзе медаль пекінскай алімпіяды. Адразу пасля індывідуальнай гонкі на 15 км з чатырма агнявымі рубяжамі карэспандэнт БелТА звязаўся з першым трэнерам нашай біятланісткі Дзінары Алімбекавай. Марыя Шыпікава жыве ў Чавусах, зараз знаходзіцца ў бальніцы, таму ўбачыць у прамым эфіры спаборніцтвы не змагла. Вынік даведалася ад медыцынскай сястры.
Бабруйскія плыўцы пакарылі новыя вяршыні ў інваспорце (відэа)
Бабруйчане прадставілі Магілёўскую вобласць і паспяхова выступілі на адкрытым чэмпіянаце Беларусі-2022 сярод спартсменаў з парушэннямі зроку і апорна-рухальнага апарата. Яны прывезлі з Мінска 28 першых месцаў у заплывах на розныя дыстанцыі і рознымі стылямі.
У складзе нацыянальнай каманды тры прадстаўнікі Магілёўскай вобласці сталі чэмпіёнамі Беларусі па эстафетным бегу
У Магілёўскім спарткомплексе «Алімпіец» другім разам у гісторыі прайшоў чэмпіянат Беларусі па эстафетным бегу ў памяшканні. За званне пераможцы сярод мужчын і сярод жанчын змагаліся нацыянальная каманда, зборныя абласцей рэспублікі і Мінска.
Дзінара Алімбекава дзеліцца атмасферай алімпійскай вёскі (відэа)
Член нацыянальнай зборнай Беларусі на Алімпіядзе ў Пекіне-2022, чавуская біятланістка Дзінара Алімбекава публікуе ў сацыяльных сетках фота і відэа з Алімпійскай вёскі. Настрой у нашых спартсменаў – баявы!
Дзінара Алімбекава: чакаю не дачакаюся вылету ў Пекін
Беларуская біятланістка Дзінара Алімбекава гатова адправіцца на Алімпіяду. Пра гэта спартсменка напісала на сваёй старонцы ў Instagram. «8 дзён да маіх, ужо другіх, Алімпійскіх гульняў, чакаю не дачакаюся заўтрашняга вылету ў Пекін», – напісала Алімбекава ў сацсетцы. Сёння ў сталіцу Кітая прыбыла мужчынская каманда біятланістаў, у складзе якой Антон Смольскі, Максім Варабей, Мікіта Лабастаў, Дзмітрый Лазоўскі і Раман Ялетнаў. Пасля ўсіх неабходных працэдур каманда пачне падрыхтоўку да стартаў у Нацыянальным біятлонным цэнтры ў Чжанцзякоу.
Дванаццаць камплектаў узнагарод разыграюць у суботу на «Магілёўскай лыжні – 2022»
Гарадское спартыўнае свята «Магілёўская лыжня – 2022» збярэ ў Пячэрскім лесапарку аматараў гэтай зімовай актыўнасці. Спартсмены і аматары разыграюць 12 камплектаў узнагарод. Дзеці да 10 гадоў пабягуць адзін кіламетр, астатніх лыжнікаў чакае дыстанцыя за два кіламетры. На старт выйдуць школьнікі, навучэнцы ўстаноў агульнай сярэдняй, прафесійна-тэхнічнай і вышэйшай адукацыі, калектывы арганізацый і прадпрыемстваў горада, індывідуальныя ўдзельнікі. Асобны забег прадугледжаны для людзей старэйшага ўзросту: жанчын ад 55 і мужчын ад 60 гадоў.
Ад футбола і дзюдо – да скандынаўскай хады развіваюць у Касцюковічах (відэа)
Касцюковіцкі фізкультурна-аздараўленчы цэнтр – сучасная пляцоўка для заняткаў спортам. Вялікая зала для гульнявых відаў спорту з трыбунамі на 750 месцаў дазваляе прымаць значныя спартыўныя сустрэчы. У спартыўным цэнтры працуе 38 груп і секцый для дзяцей і дарослых. У ліку пастаянных наведвальнікаў – больш за 400 чалавек. У іх распараджэнні зала аэробікі і трэнажорная. У памяшканні для барацьбы раённая спартыўная школа развівае дзюдо. Мясцовыя пенсіянеры – адны з самых актыўных наведвальнікаў фізкультурна-аздараўленчага цэнтра.
Ёсць настрой на перамогу - будзе і вынік! У Магілёве праходзіць гарадскі этап «Снежнага снайпера»
На лыжаролернай трасе Магілёўскага вучылішча алімпійскага рэзерву снег хіба што не растае ад напалу страсцей і непадробных эмоцый - у самым разгары гарадскі этап спаборніцтваў сярод дзяцей і падлеткаў па біятлоне «Снежны снайпер» на прызы Прэзідэнцкага спартыўнага клуба. Перад выхадам на старт перажываюць і хвалююцца самі ўдзельнікі, падчас забегаў шалеюць групы падтрымкі. Трэнеры і бацькі напружана, са спартыўным азартам сочаць за хуткасцю сваіх падапечных на трасе і дакладнасцю іх стральбы на агнявых рубяжах.
Магілёўская абласная федэрацыя барацьбы правяла справаздачную канферэнцыю
У Магілёве прайшла справаздачная канферэнцыя абласной федэрацыі барацьбы, якая аб’ядноўвае тры яе віды: барацьбу вольную мужчынскую, жаночую і грэка-рымскую. У працы канферэнцыі прынялі ўдзел профільныя трэнеры-выкладчыкі, спецыялісты, спартсмены, дырэктары дзіцяча-юнацкіх спартыўных школ. Падчас канферэнцыі былі падведзены вынікі аб праведзенай працы за справаздачны перыяд, пазначаны планы на будучыню.
Ганаровае званне «Заслужаны майстар спорту Рэспублікі Беларусь» прысвоена Ігару Бокаму
Прэзідэнт Беларусі Аляксандр Лукашэнка падпісаў указ, у адпаведнасці з якім прадстаўнікі сферы спорту ўзнагароджаны ордэнамі і медалямі за дасягненне высокіх спартыўных вынікаў на летніх Алімпійскіх і Паралімпійскіх гульнях 2021 года ў Токіа (Японія). Пра гэта паведамілі ў прэс-службе беларускага лідара.
Плывец Рыгор Пякарскі заваяваў 2 залатыя медалі і ўстанавіў новы рэкорд Беларусі на міжнародным турніры
У Санкт-Пецярбургу (Расія) завяршыўся традыцыйны міжнародны турнір па плаванні «Кубак Уладзіміра Сальнікава», у якім прынялі ўдзел і беларускія спартсмены.
Найлепшую дзясятку спартсменаў вызначылі ў Магілёўскай вобласці
У Магілёўскай вобласці вызначылі найлепшую дзясятку спартсменаў. Пра гэта паведамілі ва ўпраўленні спорту і турызму Магілёўскага аблвыканкама. Як растлумачылі суразмоўцы, найлепшых спартсменаў вызначалі па выніках выступленняў на афіцыйных міжнародных спаборніцтвах за гэты год. У спіс увайшлі спартсмены, якія паказалі найбольш важкія вынікі на сусветнай спартыўнай арэне. У дзясятку наймацнейшых увайшлі:
Магілёўскія спартсмены заваявалі два залатыя медалі на адкрытым Кубку Беларусі па фехтаванні
На базе РЦАП «Стайкі» пад Мінскам прайшоў адкрыты Кубак Беларусі па фехтаванні памяці заслужаных спартсменаў і трэнераў.Магілёўскія фехтавальшчыкі заваявалі на турніры 2 залатыя і 1 бронзавую ўзнагароды. У спаборніцтвах шаблістаў уладальнікам залатога медаля стаў Арцём Новікаў, бронзавую ўзнагароду выйграў Павел Курыла. А ў турніры шпажыстаў перамогу атрымаў Дзяніс Паўлоўскі. mogilevnews.by
Спартсменкі Магілёўскай вобласці першынствавалі ў Кубку Беларусі па жаночай барацьбе
Спартсменкі Магілёўскай вобласці першынствавалі ў камандным заліку Кубка Беларусі па жаночай барацьбе, які завяршыўся ў РЦАП «Стайкі». Пераможцы набралі 210 ачкоў. Другое месца заняў калектыў Гродзенскай вобласці – 184 ачкі. Трэцяе месца ў спартсменак Гомельскай вобласці – 142 ачкі.
Прадстаўнікі Магілёўскай вобласці выйгралі два залатыя медалі на Кубку Беларусі па грэка-рымскай барацьбе
На базе РЦАП «Стайкі» пад Мінскам прайшоў Кубак Беларусі па грэка-рымскай барацьбе. У турніры прынялі ўдзел наймацнейшыя спартсмены з усіх абласцей краіны. Прадстаўнікі Магілёўскай вобласці заваявалі 2 залатыя, 2 сярэбраныя і 1 бронзавы медалі. Пераможцамі турніру сталі Уладзіслаў Пусташылаў (97 кг) і Дзмітрый Зарубскі (130 кг). Сярэбраныя медалі выйгралі Вячаслаў Жагалаў (60 кг) і Зміцер Салаўянаў (87 кг), «бронзу» – Яўген Дашкоўскі (55 кг). mogilevnews.by